फिलिप्‍पी 4:7 - मध्‍य पुरविया थारू

⁷ तब लोकके समझसे बाहर रहल परमेस्‍वरके सान्‍तीसे तोरासबके हिरदय आ मनके खिरिस्‍ट येसुमे रक्‍छा करतौ।

फिलिप्‍पी 4:7 Referans Kwoze

युहन्‍ना 14:27

“हम सान्‍ती तोरासबके छोइरदैचियौ, हम आपन सान्‍ती तोरासबके दैचियौ। सन्‍सारके देल जखा हम तोरासबके नै देबौ। तोरासबके मन बेचैन नै हेबे आ तुसब नै डरा।

२ थेसलोनिकी 3:16

आब सान्‍ती दैबला परभु आपनेसे हरघरी आ हरतरहसे तोरासबके सान्‍ती देबे। परभु तोरासबगोरा सङे रहे।

कलस्‍सी 3:15

खिरिस्‍टके सान्‍तीके तुसब आपन हिरदयमे राज करैले दहै। एह्‍या सान्‍तीके खातिर परमेस्‍वर तोरासबके एके देहमे बोलाइनेछौ। यि बातमे तुसब धन्‍यबादी बन।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

रोमी 15:13

तुसब आसा दैबला परमेस्‍वरमे बिस्‍बास करनेचिही। ओह्‍या तोरासबके आनन्‍द आ सान्‍तीसे भैरदेबे। तहिनङे पबितर आत्‍माके सक्‍तिसे तोरासबके आसा बैढते जाय।

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

रोमी 8:6

पाप स्‍वभाबके इक्‍छामे चलैबला लोकके मिरतु हेतै, महज जे पबितर आत्‍मामे मन लगेतै, उ अनन्‍त जिबन आ सान्‍ती पाबतै।

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

एफिसी 3:19

ग्‍यान आ बुइधसे बुझैले नै सकैबला खिरिस्‍टके परेमके बुझैले सक आ तुसब परमेस्‍वरके सारा सक्‍तीसे भरपुर हैले सक कैहके हम परथना करैचियौ।

रोमी 14:17

कथिलेत परमेस्‍वरके राज खाइ-पियैबला चिज नै, महज पबितर आत्‍मासे आबैबला धारमिकता, सान्‍ती आ आनन्‍द चियै।

परकास 1:4

एसिया परदेसमे भेल सातटा मन्‍डलीसबके युहन्‍नाके गोरलगी, परमेस्‍वर जे छै, जे छेलै आ जे एतै आ ओकर सिंहासनके अगा रहैबला सातटा परमेस्‍वरके आत्‍मासे तोरासबके अनुगरह आ सान्‍ती मिले।

लुका 1:79

अन्‍हारमे बैठलहा आ मिरतुके छाहमे परलाहासबके मुक्‍तीके इजोत देतौ आ हमरासबके सान्‍तीके रस्‍तामे ल्‍याजेतै।”

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

लुका 2:14

“स्‍वरगमे परमेस्‍वरके महिमा आ पिरथिबीमे जै लोकसबसे परमेस्‍वर खुसीछै, ओकरासबके सान्‍ती।”

फिलिप्‍पी 4:9

तुसब जे बात हमरसे सिखलिही, गरहन करलिही, सुनलिही आ हमरमे देखलिही, ओहिनङे कर तब सान्‍तीके परमेस्‍वर तोरासबसङे रहतौ।

रोमी 1:7

तुसब रोम सहरमे भेल सब लोकसबके परमेस्‍वर परेम करैछै, जे परमेस्‍वरके पबितर लोक हैकेलेल बोल्‍यालगेलछै। अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

यहुदा 1:1

हम यहुदा, येसु खिरिस्‍टके सेबक आ याकुबके भाइ, परमेस्‍वर पितासे बोल्‍याल आ येसु खिरिस्‍टसे रक्‍छा पाबलहासबके यि चिठी लिखैचियै।

फिलिप्‍पी 1:2

अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

२ कोरन्‍थी 10:5

परमेस्‍वरके सत ग्‍यानके बिरोधमे उठैबला बहस आ घमन्‍डसे भरल बाधाके हमसब नास करैचियै आ सब खराब बिचारके खिरिस्‍टके आग्‍यापालन कराबैले बसमे करैचियै।

फिलिप्‍पी 1:1

हम पावल आ तिमोथी, येसु खिरिस्‍टके दास, फिलिप्‍पी सहरमे रहैबला परमेस्‍वरके पबितर जनसब, मन्‍डलीके रेख-देख करैबलासब आ डिकनसबके यि चिठी लिखैचियै।

फिलिप्‍पी 4:19

हमर परमेस्‍वर तोरासबके सब आबसेक्‍तासब पुरा कैरदेतौ। खिरिस्‍ट येसुमे भेल असिम भन्‍डारसे तोरासबके आबसेक्‍ता परल सबचिज पुरा कैरदेतौ।

फिलिप्‍पी 4:21

खिरिस्‍ट येसुमे रहल सब पबितर लोकसबके हमर गोरलगी सुन्‍यादहै। अते हमरसङे भेल भाइसब तोरासबके गोरलगी पठाइनेछौ।