फिलिप्‍पी 4:17 - मध्‍य पुरविया थारू

¹⁷ हम तोरासबसे भेटी नै चाहैचियौ, महज तुसब जनङ मदत करलिही ओकर आसिस परमेस्‍वर तोरासबके देबे कैहके हम इक्‍छा करैचियै।

फिलिप्‍पी 4:17 Referans Kwoze

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

युहन्‍ना 15:8

जब तुसब बहुत फल फराइबिही त हमर पिताके महिमा परकट हेतै आ तुसब हमर असल चेला चिही से बात परमानित हेतौ।

१ पतरुस 5:2

तोरासबके जिम्‍मामे देल परमेस्‍वरके भेरासबके देखभाल कर। यि काम करकापमे पैरके नै महज खुसिसे परमेस्‍वरके इक्‍छा बमोजिम आ कोनो पैसा-कौरीके लोभसे नै महज सेबाके मन ल्‍याके कर।

तितस 1:7

मन्‍डलीके बिसपसब परमेस्‍वरके कामके रेखदेख करैबला भेलाके कारन निरदोस रहे परतै। उ लोक जिदी, झटसे खिसियाइबला, मतबाली, लराइ-झगरा करैबला आ धनके लोभ करैबला नै हैकेचाही।

फिलिप्‍पी 4:11

हमरा खाचो परलै कैहके नै कहैचियौ, कथिलेकी चाहे कोनोभी परिस्‍थितीमे हेबे हम सन्‍तुस्‍ट रहैले सिखने चियै।

१ थेसलोनिकी 2:5

तोरासबके थाहे छौ कि, हमसब तोरासबके चापलुसी नै करलियौ आ नै त कोनो चिज पेबै कैहके लोभ करलियौ। अकर साक्‍छी परमेस्‍वर स्‍वयम छै।

२ कोरन्‍थी 9:5

ओहैसे तोरासबके परतिग्‍या करल भेटीके बन्‍दोबस कैरके राखैके लेल हम जाइसे पहिने यि भाइसबके तोरासबलग पठेनाइ असल हेतै कैहके आबसेक ठानलियै। उ भेटी करकापसे नै महज आपन राजिखुसिके भेटी हेबे।

रोमी 15:28

तैखातिर यरुसलेमके मन्‍डलीके लेल पठ्‍याल रुपैया-पैसा ओइसबके जिम्‍मा लगेलाके बाद हम इस्‍पेन परदेस दिसर जाइबखत तोरासबके सेहो बाटेमे भेट करबौ।

युहन्‍ना 15:16

तुसब हमरा नै चुनलिही, महज हम तोरासबके चुनलियौ। आब जो आ सबदिन रहैबला फल फराइहे कैहके हम तोरासबके चुनलियौ। तहैलेल तुसब हमर नाममे पितासे जे कुछ माङबिही उ तोरासबके देतौ।

२ कोरन्‍थी 11:16

हम फेनसे कहैचियौ, हमरा कोइ नै मुरुख सम्‍झे। महज तुसब ओहेन सम्‍झैचिही तैयो हमर बात सुन, ताकी हम्‍हु कुछ घमन्‍ड करेसकी।

यहुदा 1:11

ओइसबके खातिर यि कतहेक डर हैबला बात चियै। उसब कयिनके देख्‍याल रस्‍ता चल्‍लै। पैसाके खातिर बलामके करलहा अधलाह कामके रस्‍ता गेलै तब उसब कोरह जखा बिरोध करल्‍कै आ उसब ओकरे जखा नास हेतै।

२ पतरुस 2:3

उसब लोभमे पैरके झुठा बातसब बनाइतौ आ तोरासबसे फैदा उठेतौ। ओइसबके दन्‍डके आदेस पहिने भ्‍यागेल छै आ ओइसबके नास पक्‍के हेतै।

१ तिमोथी 3:3

महज उ मारपिट नै करैबला, दाखमध नै पिये बला, रिस नै करैबला, सान्‍त स्‍वभाबके आ पैसाके लोभ नै करैबला हैकेचाही।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

२ पतरुस 2:15

उसब सिधा रस्‍ता छोइरके बओरके बेटा बालामके चलैबला बाटमे चलैछै, जे खराब काम कैरके रुपैया कमाबैके दाउमे छेलै।

१ तिमोथी 6:10

कथिलेकी सब परकारके खराबी के जैर रुपैया-पैसाके मोह चियै। कतहेक गोरा अकर पछा लाइगके बिस्‍बाससे पछा हैट गेलछै आ उसब आपन उपर दुख कस्‍ट लाबने छै।