फिलिप्‍पी 4:1 - मध्‍य पुरविया थारू

¹ अहैलेल हे हमर पिरिय भाइ-भैयासब, तुहिसब हमर लेल पिरिय चिही। हम तोरासबके कतहेक याद करैत रहैचियौ। तुसब हमर आनन्‍द आ मुकुट चिही। हे हमर पिरियसब, अहिनङे तुसब परभुमे अस्‍थिर रह।

फिलिप्‍पी 4:1 Referans Kwoze

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

१ कोरन्‍थी 16:13

होसियार भ्‍याके बिस्‍बासमे अरल रह। साहसी आ बौकार हो।

फिलिप्‍पी 2:16

जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

फिलिप्‍पी 1:8

खिरिस्‍ट येसुवे जखा हम्‍हु तोरासबके परेम करलासे तोरासबके भेटैके एकदम इक्‍छा करनेचियै से परमेस्‍वर जानैछै।

हिबरु 10:23

अपनासबके करल आसामे अस्‍थिर भ्‍याके कैसके पकैरके राख, कथिलेकी जे परतिग्‍या करने छै, उ बिस्‍बास योग्‍यछै।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

युहन्‍ना 8:31

येसु आपन उपर बिस्‍बास करैबला यहुदीसबके कहल्‍कै, “यदि तुसब हमर बचनके पालन करैत रहबिही त, साँचोके तुसब हमर चेला चिही।

२ तिमोथी 2:1

हमर दुलरुवा बेटा तिमोथी, येसु खिरिस्‍टके अनुगरहसे बलगर हैत जो।

फिलिप्‍पी 2:26

तोरासबके भेटैके ओकर एकदम इक्‍छाछै। उ बिमार परल बात तुसब सुनलासे उ एकदम चिन्‍ता कैररहलछै।

२ कोरन्‍थी 1:14

अखैन तुसब हमरासबके बारेमे पुरा रुपसे नै बुझने चिही महज तुसब पुरा रुपसे बुझबिही कैहके आसा करैचियै। परभु येसु खिरिस्‍ट आबैबला दिनमे तुसब हमरासबके बारेमे गर्‌भ करबिही, जनङ हमसब तोरासबके बारेमे गर्‌भ करैचियै।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 2:42

उसब परेरितसबके उपदेस सुनैले, संगती, परभु भोज आ परथना करैले भक्‍तिसाथ लागल रहै।

२ पतरुस 3:17

महज हे हमर पिरियसब, तुसब त यि बातसब पहिनेसे बुझलाके कारन होसियार रह। तब दुस्‍ट लोक तोरासबके अलमलमे नै परेसक्‍तौ आ तोरासबके बौकार बिस्‍बास कमजोर नै हेतौ।

हिबरु 4:14

स्‍वरगमे गेल परमेस्‍वरके बेटा येसु अपनासबके महान परधान पुजारी भेलाके कारन अपनासब ओकरमे करल बिस्‍बासमे असथिर भ्‍याके रह।

हिबरु 3:14

यदि अपनासब खिरिस्‍टमे करल सुरुके भरोसाके अन्‍ततक जोगाके राखबै त, अपनोसब खिरिस्‍टसङे साझा हकदार हेबै।

२ थेसलोनिकी 2:15

तहै खातिर भाइ-भैयासब, आपन बिस्‍बासमे अस्‍थिर भ्‍याके रह, उ चाहे बोलि-बचनसे हेबे, चाहे लिखल चिठीसे हेबे, तुसब जे सिक्‍छा पाबनेचिही ओकरा पकरने रह।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

गलाती 5:1

खिरिस्‍ट अपनासबके स्‍वतन्‍तर करने छै। तहैलेल बौकार भ्‍याके खरा हो आ फेनसे बेबस्‍थाके दास हैले नै परे।

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

मतीके लिखल सुसमाचार 10:22

हमर खातिर तुसब लोकसबसे घिरनित हेब्‍ही। महज जे अन्‍तिम दिनतक स्‍थिर रहतै, उ उदार पाबतै।