फिलिप्‍पी 3:21 - मध्‍य पुरविया थारू

²¹ उ आपन सक्‍तीसे सब चिजके आपन अधिनमे लाबेसकैछै। ओकर यि सक्‍तीसे अपनासबके यि मैर जाइबला देहके ओकर आपन महिमाके देह जखा हैले परिबरतन कैरदेतै।

फिलिप्‍पी 3:21 Referans Kwoze

कलस्‍सी 3:4

तोरासबके साँचोके जिबन त खिरिस्‍टे चियौ। जखैन उ परगट हेतौ तखैन तुसब ओकरे महिमामे परगट हेब्‍ही।

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

मतीके लिखल सुसमाचार 17:2

चेलासबके अगारीमे येसुके रुप बदैलगेलै। ओकर चेहरा सुरुज जखा चमके लाग्‍लै आ ओकर बस्‍तर उजर चमकदार भ्‍यागेलै।

परकास 1:8

सरबसक्‍तिमान परभु परमेस्‍वर कहैछै, “सुरु आ अन्‍त हम्‍ही चियै।” हम उहे चियै, जे छै, जे छेलै आ जे एतै।

मतीके लिखल सुसमाचार 22:29

येसु ओइसबके जबाफ देल्‍कै, “तुसब भरममे परलचिही। तुसब पबितर धरमसास्‍तर आ परमेस्‍वरके सक्‍तीके बारेमे नै जानैचिही।