फिलिप्‍पी 3:19 - मध्‍य पुरविया थारू

¹⁹ बिनास ओइसबके अन्‍त चियै, पेट ओइसबके देबता चियै, लाज मानैबला बातसबमे उसब घमन्‍ड करैछै। ओइसबके मन सन्‍सारिक बातसबमे मातरे लागल रहैछै।

फिलिप्‍पी 3:19 Referans Kwoze

रोमी 16:18

कथिलेत एहेन लोकसब अपनासबके परभु येसु खिरिस्‍टके नै महज आपन पेटके लेल सेबा करैछै। उसब निक-निक बात बन्‍याके सिधासाधा लोकसबके ठगैछै।

२ पतरुस 2:3

उसब लोभमे पैरके झुठा बातसब बनाइतौ आ तोरासबसे फैदा उठेतौ। ओइसबके दन्‍डके आदेस पहिने भ्‍यागेल छै आ ओइसबके नास पक्‍के हेतै।

कलस्‍सी 3:2

पिरथिबीके बातसबमे नै महज स्‍वरगके बातमे आपन मन लगा।

२ पतरुस 2:1

जहिनङे इजराएलीसबके बिचमे झुठा अगमबक्‍तासब छेलै, तहिनङे तोरोसबके बिचमे झुठा गुरुसब देखा परतौ। उसब गुपचुपेमे नास हैबला झुठा बातसब सिखाइतौ आ मुक्‍ती दैबला परभुके सेहो उसब इन्‍कार कैरके आपन उपर जल्‍दिए नास लाबतै।

२ कोरन्‍थी 11:15

ओहैसे सैतानोके सेबकसब परमेस्‍वरके अगा धरमी सेबक जखा देखा परनाइ कोनो अचमके बात नै चियै। आखिरमे उसब आपनेसे करल कामके सजाय पाबतै।

२ कोरन्‍थी 11:12

हम जे काम कैर रहलचियै से काम कैरते रहबै, ताकी ओइसबके करल काम हमरे बराबर चियै कैहके उसब घमन्‍ड करैके मौका नै पाबे।

२ पतरुस 2:13

उसब औरोसबके दुख देलाके कारन आपनो दुख भोगेपरतै। उसब दिने-दुपहरेमे मोजमजा करनाइ आनन्‍द बात ठानैछै। उसब त कलङकित आ दुसित लोकसब चियै। तोरासबसङे भोजन करैतकाल उसब छल कैरके आनन्‍द लैछौ।

गलाती 6:13

कथिलेत खतना करैबलासब आपने बेबस्‍था पालन नै करैछै। उसब तोरासबके खतना कराबैले चाहैछौ, जैसे तोरासबके देहमे यी बेबस्‍थाके पालन कराके घमन्‍ड करैले सके।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

१ कोरन्‍थी 3:3

कथिलेत तुसब अखुन्‍तो सन्‍सारके लोकसब जखा जिबन बिताबैचिही। यदि तोरासबके बिचमे डाह आ झगरा छौ त, कि तुसब सन्‍सारके औरो लोकसब जखा बेबहार नै करैचिही से?

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।

यहुदा 1:16

एहेन लोकसब सन्‍तोखिया नै हैछै, हरदम दोसरके गल्‍ती निकालैछै आ अपना सेहो नै निक इक्‍छासबमे चलैछै, अपनेके बरका सम्‍झैछै आ आपन काम बनाइले दोसरके चापलुसी करैछै।

२ तिमोथी 3:4

उसब धोखेबाज, आपने मनके रजा आ घमन्‍डी हेतै। परमेस्‍वरसे परेम करैके बदलामे सुख-बिलासके परेम करतै।

१ तिमोथी 6:5

एहेन लोकसबके बिचमे सबदिन झगरा हैछै। ओइसबके मति भरस्‍ट भेल रहैछै। उसब सत बातसबसे दुर भेल रहैछै आ परमेस्‍वरके भक्‍ति करैबला काम धनिक हैकेलेल चियै कैहके बिचार करैछै।

२ थेसलोनिकी 2:12

अहिनङे जे कोइ सतमे बिस्‍बास नै करल्‍कै आ अधरम मे मग्‍न रहतै उसब दोसी ठहरालजेतै आ सजायके भागिदार हेतै।

फिलिप्‍पी 2:21

औरो लोकसब त आपने धुनमे लागलछै, येसु खिरिस्‍टके बारेमे वास्‍ता करैबला कोनो लोक नै छै।

१ कोरन्‍थी 5:6

तोरासबके करल घमन्‍ड ठिक नै छौ। कन्‍हिके खमिरसे सानल पुरे आँटाके खमिरा बनाइछै, कि से बात तोरासबके थाह नै छौ?

१ कोरन्‍थी 5:2

तैयो तुसब घमन्‍ड करैचिही! तोरासबके त बरु सोक करे परतियौ आ एहेन काम करैबलाके तोरासबके बिचसे निकालैले परतियौ।

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

याकुब 4:16

महज तुसब त घमन्‍डी भ्‍याके आपन बन्‍याल योजनामे खुब धाख लगाइचिही। एहेन घमन्‍ड करनाइ निक बात नै चियै।

२ थेसलोनिकी 2:8

उ ब्‍यबस्‍था भङ करैबला लोक परकट हेतै। जकरा परभु येसु आपन मुहके एक साँसमे नास करतै। परभु येसुके आपन आगमनके चमकके तेजसे ओकरा नास करतै।

लुका 18:4

कुछ दिनतक ओकर बात नै मानल्‍कै, महज उ पाछे आपन मने-मन बिचार करल्‍कै, ‘हम त परमेस्‍वरके डर नै मानैचियै आ कोनो लोकोसबके बात नै मानैचियै।

लुका 16:19

“एक समयमे एकटा धनिक लोक रहै, जे सबदिन महङ-महङ बस्‍तर लगाइछेलै आ ऐस-अरामके जिन्‍गी बिताइछेलै।

लुका 12:19

तब हम अपने आपके कहबै, सालो-साल तक पुगैबला अन, धन-समपैत जमा कैरके राखने चियै। आब मज्‍जासे बैठ, खो, पि आ मौज कर।’

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मतीके लिखल सुसमाचार 16:23

तब येसु घुइमके पतरुसके हपारल्‍कै, “ऐ सैतान, हमरसे दुर चैल जो, तु हमर लेल बाधाके कारन चिही। कथिलेत तु परमेस्‍वरके बातमे नै, महज लोकसबके बातमे धियान दैचिही।”

परकास 18:7

उ जतहेक मान-सम्‍मान आ भोग-बिलास करने छै, ओतबेहेक ओकरा दुख आ सोक दहै। कथिलेत उ मनमने कहैछै, ‘हम त महरानी चियै, हम बिधुवा नै चियै, हमरा कहियो सोक करैले नै परतै।’

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।

रोमी 6:21

जे कामसबसे तुसब अखैन लाज मानैचिही तै कामसबसे तोरासबके कथि फैदा भेलौ? कथिलेत ओइ कामसबके परिनाम त मिरतु चियै।

२ थेसलोनिकी 1:9

एहैन लोकसब परभुके उपस्‍थिती आ ओकर सक्‍तिके महिमासे अलग हेतै आ सबदिनके लेल नास हेतै।

यहुदा 1:10

महज यि लोकसब त आपनेसे नै बुझहल बातके मजाक करैछै। ओइसबके बुइध त जानबर जखाछै आ उसब ओहै कारन नास हेतै।