फिलिप्‍पी 3:1 - मध्‍य पुरविया थारू

¹ अन्‍तमे भाइ-भैयासब, परभुमे आनन्‍द कर। यि बात तोरासबके घरी-घरी लिखैके लेल हमरा झनझट नै लागैछै आ तोरेसबके सुरक्‍छाके लेल चियौ।

फिलिप्‍पी 3:1 Referans Kwoze

फिलिप्‍पी 4:4

परभुमे सबदिन आनन्‍द कर। हम फेनसे कहैचियौ, आनन्‍द कर।

रोमी 5:11

अतबेक नै, महज अपनासबके परभु खिरिस्‍ट दुवारा अपनासब परमेस्‍वरमे आनन्‍द मनाबैचियै कथिलेत ओकरे दुवारा अपनासबके परमेस्‍वरसङे मिलाप भेलछै।

याकुब 1:2

हे हमर भाइ-भैयासब, तोरौरके जब कोनो किसिमके आपत-बिपत एतौ तखुन तुसब खौब आनन्‍दके बात समझ।

१ पतरुस 4:13

बरु खिरिस्‍टके दुख-कस्‍टमे सहभागी हैले पाबलियै कैहके आनन्‍द मना। जब उ आपन महिमाके सङे फेनसे एतै, तै बखत तुसब औरो आनन्‍द मनाइले सके।

१ थेसलोनिकी 5:16

सबदिन आनन्‍दित रह।

फिलिप्‍पी 4:8

अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

१ पतरुस 3:8

अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

२ पतरुस 3:1

हे हमर पिरियसब, यि तोरासबके लेल लिखल दोसर चिठी चियौ। यि दुनु चिठीमे कतहेक बात सम्‍झना कराके तोरासबके ठिकसे बिचार करैके लेल उत्‍साहित करैले कोसिस करनेचियौ।

एफिसी 6:10

अन्‍तमे, तुसब परभुमे आ ओकर बरका सक्‍तीसे बलगर हो।

लुका 1:47

आ हमर आत्‍मा मुक्‍तीदाता परमेस्‍वरमे आनन्‍द मनाबैछै।

फिलिप्‍पी 3:3

सत हिसाबसे खतना करैबला त हम्‍हीसब चियै कथिलेत पबितर आत्‍मासे परमेस्‍वरके आराधना करैचियै आ खिरिस्‍ट येसुमे हमसब गर्‌ब करैचियै। हमसब बाहरके कोनो रितिथितीमे भरोसा नै करैचियै।

मतीके लिखल सुसमाचार 5:12

तब खुसी आ आनन्‍द मना, कथिलेत तोरासबके खातिर स्‍वरगमे बरका इनाम राखल छौ। अहिनङे तोरासबसे पहिनेके अगमबक्‍तासबके उसब सताइने रहै।

१ थेसलोनिकी 4:1

अन्‍तमे हमर भाइ-भैयासब परमेस्‍वरके मनपरैबला जिबन कनङके जियैछै से हमसब तोरासबके सिखेलियौ ओहिनङके फेनु तुसब जियैचिही। तोरासबके जिबन औरो बहौत असल हेबे कैहके परभु येसुके नाममे हमसब तोरासबके बिन्‍ती करैचियौ।