फिलिप्‍पी 2:6 - मध्‍य पुरविया थारू

⁶ उ बास्‍तममे परमेस्‍वर छेलै, महज परमेस्‍वरके बाराबरी हैबला बातके बिचार नै करल्‍कै।

फिलिप्‍पी 2:6 Referans Kwoze

युहन्‍ना 5:18

यि बात सुइनके यहुदी अगुवासब औरो येसुके मारैले ताकैछेलै, कथिलेत उ बिसराम दिन भङ मातरे नै, महज परमेस्‍वरके आपन पिता कैहके अपने-आपके परमेस्‍वरके समान ठहराइछेलै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

युहन्‍ना 17:5

हे पिता, सन्‍सार सिरिस्‍टी हैसे पहिने अहाँसङे हमर जे महिमा छेलै, ओह्‍या महिमासे आब अहाँके अगा हमरा महिमीत करु।

परकास 21:6

उ हमरा कहल्‍कै, “आब सबकाम पुरा भ्‍यागेलै! अल्‍फा आ ओमेगा, सुरु आ अन्‍त हम्‍ही चियै। जकरा-जकरा पियास लागल छै, हम ओइसबके मङनिएमे जिबनके पानीके भबसे पियैले देबै।

युहन्‍ना 10:30

पिता आ हम एके चियै।”

हिबरु 13:8

येसु खिरिस्‍ट काइल, आजु आ सबदिन एकसमान रहैछै।

युहन्‍ना 10:33

यहुदी अगुवासब येसुके जबाफ देल्‍कै, “असल कामके लेल हमसब तोरा नै मारबौ, महज तु परमेस्‍वरके बिरुधमे निन्‍दा करैके कारन पथलेसे तोरा मारैले चाहलियौ। कथिलेकी तु मानब भ्‍याके अपनेके परमेस्‍वर कहैचिही।”

रोमी 9:5

इजराएलीसब नाम चलल पुरखासबके बेटा-बेटीसब चियै, येसु खिरिस्‍ट सेहो अहै जातीसे जलम लेल्‍कै। उ त सब जातीसबमे राज करैबला परमेस्‍वर चियै। ओकर परसन्‍सा सबदिन हैतरहे! आमेन।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

युहन्‍ना 20:28

थोमा कहल्‍कै, “हे हमर परभु, हमर परमेस्‍वर!”

युहन्‍ना 10:38

महज यदी हम पिताके काम करैचियै तबो तुसब हमरा बिस्‍बास नै करैचिही त हमर करलाहा अजगुतके कामसबमे त बिस्‍बास कर। तब तुसब जानबिही आ बुझबिही, कि पिता हमरमे छै आ हम पितामे चियै।”

हिबरु 1:6

परमेस्‍वर आपन पहिन्‍का जलमल बेटाके सन्‍सारमे पठाबै बखत उ फेनसे अनङ कहल्‍कै, “परमेस्‍वरके सब स्‍वरगदुतसब ओकरे पुजे।”

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

मतीके लिखल सुसमाचार 1:23

“देख, कुमाइर छौरीके देहभारी हेतौ आ उ एकटा बेटा जलमाइतौ आ ओकर नाम इम्‍मानुएल राखल जेतै” जकर अरथ हैछै, “परमेस्‍वर हमरासबसङे छै।”

युहन्‍ना 14:9

येसु ओकरा जबाब देल्‍कै, “फिलिप! अतहेक दिनसे त हम तोरेसबसङे चियौ, तैयो तु हमरा नै चिन्‍हैचिही? जे हमरा देख्‍ने छै, उ पिताके देख्‍ने छै। तब तु कनङके कहैचिही, कि ‘हमरासबके पिताके देख्‍यादिय?’

हिबरु 1:8

महज उ आपन बेटाके बारेमे अनङ कहैछै, “हे परमेस्‍वर, अहाँके राज जुगो-जुगके लेल रहतै आ अहाँ आपन राज नियायके साथ चलाइबै।

युहन्‍ना 5:23

ताकि सबकोइ बेटाके आदर करे, जनङ उसब पिताके आदर करैछै। जे कोइ बेटाके आदर नै करैछै, उ लोक बेटाके पठाइबला पितोके आदर नै करैछै।

युहन्‍ना 14:28

‘हम अतेसे ज्‍यारहल चियै आ फेनो तोरेसबलग घुइमके एबौ’ कैहके कहल हमर बात त तुसब सुन्‍बे करनेचिही। यदी तुसब हमरा परेम करतिही त, हम पितालग ज्‍यारहल चियै से सुइनके तुसब खुसी हेत्‍ही, कथिलेकी पिता हमरसे महान छै।

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

१ तिमोथी 1:17

जुगो-जुगके रजा, अमर, देखा नै परैबला एक मातरे परमेस्‍वरके आदर-भाव आ महिमा सबदिन हैते रहे। आमेन।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।