फिलिप्‍पी 2:2 - मध्‍य पुरविया थारू

² तुसब एकेमन भ्‍याके, एके परेममे रैहके आ एक चित भ्‍याके हमर आनन्‍द पुरा कर।

फिलिप्‍पी 2:2 Referans Kwoze

रोमी 12:16

एक-दोसरसङे मिल-जुइलके रह, घमन्‍डी नै हो, महज साधारन लोकसबसङे सङहत कर। अपनाके बुधिमान नै ठान।

१ कोरन्‍थी 1:10

हे हमर भाइ-बहिनसब हम तोरासबके परभु येसु खिरिस्‍टके नाममे बिन्‍ती करैचियौ कि, तुसब एक दोसरसङे मिलजुइलके रह। तोरासबके बिचमे कोनो किसिमके मनमोटाब नै हेबे, महज तुसब एके मनके आ एके बिचारके हो।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

३ युहन्‍ना 1:4

हमर बेटा-बेटीसब सतके रस्‍तामे चलैछै कैहके सुन्‍नाइसे बरका आनन्‍द हमर लेल औरो कथी हेतै?

फिलिप्‍पी 2:16

जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।

परेरित 2:46

उसब एकेमन भ्‍याके सबदिन मन्‍दिरमे जमा हैछेलै, घर-घरमे परभु भोज करै आ सबकोइ खुसी मनसे मिल-जुइलके खाइछेलै,

२ युहन्‍ना 1:4

तोहर धियापुतासबमेसे कतहेक गोरा परमेस्‍वरके देल आग्‍या बमौजी सतके रस्‍तामे चलैत देखके हमरा बहौत खुसी लागल।

२ थेसलोनिकी 2:13

परभुके परेम करल भाइ-भैयासब, तोरासबके खातिर हमसब हरदम परमेस्‍वरके धन्‍यबाद चरहाइले बिबस चियौ, कथिलेत परमेस्‍वर सुरुवेसे तोरासबके मुक्‍ती दैकेलेल चुनल्‍कौ। उ मुक्‍ती तोरासबके पबितर बनाइले पबितर आत्‍मासे आ सत बातमे तोरासबके करल बिस्‍बाससे आबैछै।

कलस्‍सी 2:5

कथिलेत हम देहमे तोरासबसे दुर चियौ तैयो आत्‍मामे त तोरेसबसङे चियौ। खिरिस्‍टमे तोरासबके बिस्‍बास एकदम अस्‍थिर भेल देखके हम बहुत खुसी भेलचियौ।

फिलिप्‍पी 4:2

हम इयोदिया आ सुन्‍तुखेके परभुमे तु दुनु दिदी-बहिन एके मनके हो कैहके बिन्‍ती करैचियौ।

फिलिप्‍पी 2:20

तिमोथी जखा तोरासबके सुध मनसे वास्‍ता करैबला असल लोक त हमरसङे औरो कोइ नै छै।

२ कोरन्‍थी 7:7

तितस एलासे मातरे नै, महज तोरासबसे उ जे सान्‍तबना पाबने छेलै, ओकरसे हम्‍हु सान्‍तबना पाबलियै। हमरा भेटैके तुसब एकदम इक्‍छा करनेचिही से उ हमरासबके कहल्‍कै। पहिने करल तोरासबके गल्‍तीसे पछुताबा करनेचिही आ हमर बातके पालन करनेचिही से उ कहल्‍कै। यि सुइनके हम एकदमे खुसी भेलियै।

२ कोरन्‍थी 2:3

हम एबै त हमरा खुसी दैबला लोकसबसे हमर चित नै दुखे कैहके हम उ चिठी लिखने छेलियै। कथिलेकी हमरा आनन्‍द हेतौ त तोरोसबके आनन्‍द हेतौ कैहके हमरा पक्‍का बिस्‍बास छै।

परेरित 5:12

परेरितसबके हाथसे लोकसबके बिचमे बहुत चेन्‍हासब आ आस्‍चरजके कामसब हैतरहै। उसब सोलोमनके दरबजामे सङे एक जुट हैतरहै।

परेरित 1:14

ओइमेसे कतहेक छौरी-मौगी आ येसुके माँ मरियम आ ओकर भाइसब सङे उसब एके मनके भ्‍याके लगातार परथना करैतरहै।

फिलिप्‍पी 1:4

हम तोरासबके लेल परथना करैबेर खुसीसे सबदिन परथना करैचियौ।

युहन्‍ना 3:29

जकरसङे कनिया छै वह्‍या बर चियै। बरसङे ठार हैबला बरेके अबाज सुइनके बहौत खुसी हैछै। अहैलेल हमर यि खुसी आब पुरा भेलछै।

२ तिमोथी 1:4

जब तोहर चुबल लोरके याद आबैछौ, तब तोहरसे भेट करैले मन लागैछै ताकी तोहर सङे भेटके हम खुसी हेतियै।

परेरित 2:1

जब पेन्‍तिकोस पाबैनके दिन एलै, परभु येसुमे बिस्‍बास करैबला सबकोइ एके ठाममे जम्‍मा भेलरहै।

फिलेमोन 1:20

ओहैसे हे हमर पिरिय भाइ, परभुके खातिर यि हमर लेल कैरदहै आ हमर हिरदय खिरिस्‍टमे आनन्‍द हेबे।