फिलिप्‍पी 2:17 - मध्‍य पुरविया थारू

¹⁷ यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

फिलिप्‍पी 2:17 Referans Kwoze

२ तिमोथी 4:6

कथिलेत हम बलिके रुपमे अरपन हैले लागल चियौ। हमर जाइबला समय आइबगेलौ।

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

२ कोरन्‍थी 12:15

तोरासबके भलाइके लेल हमरसङे भेल सब चिज खुसिसे देबौ आ अपना स्‍वयमके देबौ। यदि हम तोरासबके बेसी परेम करैचियौ त कथिले हमरा कमतियै परेम करैचिही?

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

फिलिप्‍पी 1:20

हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

२ कोरन्‍थी 7:4

तोरासबमे हमरा पुरा भरोसा छै। हम तोरासबमे एकदमे गर्‌भ करैचियौ। हम तोरासबसे पुरा रुपमे उत्‍साह पाबने चियौ आ कस्‍टोसबमे हम बहुत आनन्‍दित चियौ।

१ युहन्‍ना 3:16

खिरिस्‍टके परेम हमसब जानैचियै कि उ अपनासबके खातिर आपन परान देल्‍कै। तैल्‍याके अपनोसबके आपन भाइके लेल आपन परान दैलेपरतै।

रोमी 12:1

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलीके रुपमे चरहा। ओकर आराधना करैबला सहि तरिका एह्‍या चियै।

१ पतरुस 2:5

तुसब जिबित पथल चिही। परमेस्‍वर तोरासबके परयोग कैरके आपन आत्‍मिक मन्‍दिर बन्‍यारहलछौ, ताकी तुसब पबितर पुजारी भ्‍याके येसु खिरिस्‍टसे परमेस्‍वरके मनपरैबला आत्‍मिक बलिदान चरहाइले सकबिही।

१ थेसलोनिकी 2:8

हमसब तोरासबके बेसी परेम करलाके कारन परमेस्‍वरके सुसमाचार मातरे नै बल्‍की आपन परानो तक दैले तयार भेलियै। कथिलेकी तुसब हमरासबके लेल कतेक पिरिय भेल छेल्‍ही।

फिलिप्‍पी 4:18

हम पाबैबलासे बेसी पाबनेचियै। इपाफोरोडिटसके हाथसे पठ्‍याल तोरासबके गमगम करैबला, परमेस्‍वरके मनपरैबला आ गरहन योग्‍य भेटी पाइबके हम सन्‍तुस्‍ट भेलचियै।

फिलिप्‍पी 2:30

कथिलेकी उ खिरिस्‍टके काम करैके लेल मिरतुके मुहमे परल छेलै। तुसब हमर लेल पुरा करैले नै सकल सेबा उ पुरा करल्‍कै।

परेरित 21:13

महज पावल कहल्‍कै, “तुसब कथिले काइनके हमर मनके तोरैचिही? हम त यरुसलेममे बन्‍हाइले मातर नै, महज हम त परभुके लेल मरैयोले तैयार चियै।”

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

२ कोरन्‍थी 6:10

सोकमे रहितोपरभी हरसमय आनन्‍दमे रहैचियै। गरिब रहितोपरभी बहुतोके आत्‍मिकी रुपमे धनिक बनाबैचियै। कुछो नै रहितोपरभी हमरासबसङे सब चिज छै।

फिलिप्‍पी 2:18

तहिनङे तुहुसब खुसी हो आ हमरसङे आनन्‍द मना।

२ कोरन्‍थी 4:12

अहिनङ हमसब मिरतुके मुहमे जियैचियै, जकर कारनसे तुसब अनन्‍त जिबन पाबनेचिही।