फिलिप्‍पी 2:16 - मध्‍य पुरविया थारू

¹⁶ जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।

फिलिप्‍पी 2:16 Referans Kwoze

१ कोरन्‍थी 9:26

तैल्‍याके हम बिना लक्‍छ नै दौरैचियै आ हबामे मुक्‍का मारैबला जखा हम मुक्‍का नै मारैचियै।

गलाती 2:2

हमरा ओते जाइले परतै कैहके परमेस्‍वरके देख्‍याल अनुसार हम ओते गेलियै। हम ओते रहैबखत मन्‍डलीके मुल अगुवा मानलसबके एकान्‍तमे भेटघाट करलियै आ जे सुसमाचार हम गैर-यहुदीसबके सुनाइने छेलियै से बात सहि छै कैहके ओकरासबके परस्‍ट बत्‍यादेलियै। नै त हमर करल आ कैररहल काम बेरथ हेतै।

१ युहन्‍ना 1:1

सुरुवेसे भेल, हमसब आपने कानसे सुनल, आपने आँखसे देखल यि जिबन दैबला बचनके बिसयमे तोरासबके लिखैचियौ जकरा हमसब गौरसे देख्‍ने चियै आ आपने हाथसे छुबने चियै।

२ कोरन्‍थी 1:14

अखैन तुसब हमरासबके बारेमे पुरा रुपसे नै बुझने चिही महज तुसब पुरा रुपसे बुझबिही कैहके आसा करैचियै। परभु येसु खिरिस्‍ट आबैबला दिनमे तुसब हमरासबके बारेमे गर्‌भ करबिही, जनङ हमसब तोरासबके बारेमे गर्‌भ करैचियै।

युहन्‍ना 6:68

सिमोन पतरुस जबाफ देल्‍कै, “हे परभु, हमसब कते जेबै? अहाँसङे अनन्‍त जिबन दैबला बचन छै।

१ थेसलोनिकी 3:5

ओहैसे जब हमरा नै रहल गेलै त, तुसब बिस्‍बासमे बलगर चिही कि नै बुझ्‍हैके लेल तिमोथिके तोरासबलग पठेलियौ। पापमे फसाइबला सैतान कहि तोरासबके फसाके हमरासबके करल मेहनत बेकार कैरदेल्‍कै कि कथी कैहके हम घबरागेलियै।

युहन्‍ना 6:63

जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

लुका 12:8

“हम तोरासबके कहैचियौ, जेसब हमरा लोकसबके सामने परभु कैहके सुइकार करतै, ओकरा मानबोके बेटा परमेस्‍वरके स्‍वरगदुतसबके सामने सुइकार करतै।

हिबरु 4:12

कथिलेकी परमेस्‍वरके बचन त जिबित आ काम करैबला चियै आ कोनोभी दुइ दिसन धार भेल तलबारसे बेसी चोख रहैछै। जनङ परान आ आत्‍माके भितर पुइगके अकर जोरनी आ हड्‍डी भितरके गुदीसबके भाग-भाग करैतक वार-पार करैछै, तहिनङ परमेस्‍वरके बचन लोकसबके हिरदयके बिचार आ चाहनाके एक-एक कैरके जाँच करैछै।

१ पतरुस 1:23

तुसब बिनास हैबला बियासे नै, बरु अभिनासी परमेस्‍वरके जिबित आ कहियो नास नै हैबला बचनसे लया जलम पाबनेचिही।

१ थेसलोनिकी 2:19

जब अपनासबके परभु येसु एतै, ओइ बखत ओकर अगा अपनासबके आसा, आनन्‍द आ घमन्‍डके मुकुटमे गर्‌भ करैबला कथी हेतै? कि यि तुहेसब नै चिही त?

गलाती 4:11

हमरा डर भ्‍यारहल छै, कि हम तोरासबके खातिर बेरथेमे दुख करलियै?

परकास 22:17

पबितर आत्‍मा आ कनिया कहैछै, “आबु!” जे लोक सुनैछै, उहो लोक कहे कि, “आबु।” जे पियासल छै, उ आबे आ जकरा इक्‍छा लागैछै उ जिबनके पानी मङनिएमे पिबे!

परेरित 13:26

“ऐ, अबराहमके कुलके धियापुता आ ओकरौरके परमेस्‍वरके डर मानैबला चाहे उ आने जातीके कियनै हेबै, कथिलेत यि मुक्‍तीके खबर परमेस्‍वर अपनासबके खातिर पठाइने छै।

मतीके लिखल सुसमाचार 10:27

जे बात हम तोरासबके अन्‍हारमे कहैचियौ, से बात तुसब इजोतमे सबके कैहदहै आ जे बात हम तोरासबके कानमे कहनेचियौ से बात घरके छतसे परचार कर।

१ कोरन्‍थी 1:8

अपनासबके परभु येसु खिरिस्‍ट आबैबला दिनमे तुसब निरदोस रह कैहके उ तोरासबके आखिरतक बौकार बनाइतौ।

फिलिप्‍पी 1:6

हमरा पुरा बिस्‍बास छै कि, परमेस्‍वर तोरासबमे एकटा असल काम सुरु करल्‍कौ, वह्‍या येसु खिरिस्‍ट आबैबला दिनमे उ काम पुरा करतै।

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।