फिलिप्‍पी 1:7 - मध्‍य पुरविया थारू

⁷ तोरासबके हम आपन हिरदयमे राखनेचियौ। तोरासबके बारेमे अनङ करनाइ हमरा ठिक लाग्‍लै कथिलेकी हम जहलमे रहैबेर आ बाहरमे रहैबेर सुसमाचार परचार आ अकरा जोगाइबला काममे परमेस्‍वरके देल अनुगरहमे तुसब हमरसङे सहभागी भेलचिही।

फिलिप्‍पी 1:7 Referans Kwoze

२ कोरन्‍थी 7:3

यि बात हम तोरासबके दोसी ठहराइके लेल नै कहैचियौ कथिलेकी हम पहिने कैहदेनेचियौ, हमरासबके हिरदयमे तोरासबके लेल अतहेक ठाम छै कि हमसब तोरासबसङे बाचैले या मरैयोले तयार चियौ।

फिलिप्‍पी 1:5

कथिलेकी तुसब सुरुवेसे अखुनतक सुसमाचारके काममे सहभागी चिही।

२ तिमोथी 2:9

ओह्‍या सुसमाचार जकर खातिर हम दुख काटैचियै आ अपराधी जखा झिझिरसे बान्‍हल चियै। महज परमेस्‍वरके बचनके बान्‍हे नै सक्‍तै।

कलस्‍सी 4:18

हम पावल, यि गोरलगी आपने हाथसे लिखैचियौ। हम जहलमे परलचियौ से बात नै बिसर। परमेस्‍वरके अनुगरह तोरासबसङे रहे।

फिलिप्‍पी 4:14

चाहे जे हेबे, तुसब हमर कस्‍टमे मदत कैरके एकदम असल करलिही।

एफिसी 6:20

अहै सुसमाचारके खातिर हम परेरित बन्‍याल गेलचियै। हम जहलमे कैद चियै तैयो हमरा जनङ बाजे परतै, तैहनङे साहस कैरके बाजैत रहे सकी कैहके हमर खातिर परथना कर।

एफिसी 3:1

तैखातिर हम पावल, तु गैर-यहुदीसबके खातिर खिरिस्‍ट येसुके सुसमाचार सुनाइबला काम करैबखत जहलमे परलचियै।

परेरित 20:23

महज हम अतबे जानैचियै, कि हरेक सहरमे कैद आ सताबट भोगे परतै से बात हमरा पबितर आत्‍मा गबाही देने छै।

१ युहन्‍ना 3:14

अपनासब जानैचियै कि मिरतुके मुहसे निकैलके जिबनमे पुइगगेल चियै कारन अपनासब एक दोसरके परेम करैचियै। जे लोकसब परेम नै करैछै उ मिरतुके बन्‍धनमे रहैछै।

२ पतरुस 1:13

जाबेतक हम जिबित रहबौ, ताबेतक यि बात तोरासबके याद कराइत होसियार करेनाइ हमरा ठिक लागैछै।

१ पतरुस 4:13

बरु खिरिस्‍टके दुख-कस्‍टमे सहभागी हैले पाबलियै कैहके आनन्‍द मना। जब उ आपन महिमाके सङे फेनसे एतै, तै बखत तुसब औरो आनन्‍द मनाइले सके।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

२ तिमोथी 1:8

तै खातिर आपनौरके परभुके गबाही दैले लाज नै मान आ हम ओकरलेल जहलमे परलियै से बात सोइचके लाज नै मान। महज परमेस्‍वरके सक्‍तीमे सुसमाचार सुनाइबला कामके लेल दुख भोगैले तु हमरसङे सामेल हो।

१ थेसलोनिकी 5:5

कथिलेकी तुसब इजोत आ दिनके धियापुता चिही। हमसब रातके आ अन्‍हारके धियापुता नै चियै।

कलस्‍सी 4:3

खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

२ कोरन्‍थी 3:2

हमरासबके सिफारिस-चिठी त तुहिसब चिही जे हमरासबके हिरदयमे लिखलगेल छै आ जकरा सबकोइ पढैले आ बुझैले सकैछै।

१ कोरन्‍थी 13:7

परेम सब बात सहैछै आ सब बातमे बिस्‍बास करैछै, सब बातमे आसा राखैछै आ सब बातमे अस्‍थिर रहैछै।

१ कोरन्‍थी 9:23

हम सुसमाचार फैलाबैके लेल यि सबकुछ करैचियै ताकी हम आसिसके भागिदार भ्‍यासकी।

परेरित 21:33

सेनापती पावलके पकरल्‍कै आ दुइटा घुरीसे बान्‍हैले लगाइल्‍कै आ लोकसबके पुछल्‍कै, “यि लोक कथी करल्‍कै? यि लोक के चियै?”

१ पतरुस 5:1

हम एकटा मन्‍डलीके एल्‍डर चियै आ खिरिस्‍टके भोगल दुख-कस्‍टके आपनेसे देख्‍ने चियै आ पछा आबैबला महिमामे सहभागी हेबै। ओहैसे हम तोरासबके बिचमे भेल एल्‍डरसबके बिन्‍ती करैचियौ।

फिलिप्‍पी 1:12

हे भाइ-भैयासब, तोरासबके यि थाह हेबे कैहके हम चाहैचियै कि हमरमे जे बित्‍लै तैसे बहुतो लोकसबके सुसमाचार सुनैके मौका भेटलछै।

फिलिप्‍पी 1:13

दरबारके सारा सिपाहीसबके आ औरोसबके सेहो हम खिरिस्‍टके बारेमे परचार करलाके कारन जहलमे परल चियै कैहके थाहछै।

फिलिप्‍पी 1:14

हम जहलमे परलाके कारन बहुतो भाइ-भैयासब परभुमे साहसी भेलछै आ परमेस्‍वरके बचन निडर भ्‍याके परचार करैले साहस पाबनेछै।

फिलिप्‍पी 2:22

तोरासबके थाहे छौ, कि तिमोथीके बेबहार असल छै। जनङ बेटा आपन बाबुके साथ दैछै तहिनङे उ हमरसङे सुसमाचार परचारके काममे हमरा साथ देल्‍कै।

फिलिप्‍पी 4:3

हमर बिस्‍बास योग्‍य सुजुगे, हम तोरा बिन्‍ती करैचियौ, कि अइ जनिसबके मदत कर, कथिलेकी यिसब हमर सङे-सङे सुसमाचारके काममे क्‍लेमेससङे आ हमर औरो सहकरमीसङे मेहनत करल्‍कै, जकर नाम जिबनके किताबमे लिखलछै।

फिलिप्‍पी 4:15

सुरुमे हम तोरासबके सुसमाचार परचार कैरके माकेडोनिया परदेससे जाइले लागलियै त हमरा सहायता करैबला मन्‍डली तुहिसब मातरे छेल्‍ही। यि बात तु फिलिप्‍पी सबके थाहे छौ।

फिलेमोन 1:13

ओकरा हम आपनसङे राखैले पाबतियै त असल हेतियै, कथिलेकी सुसमाचारके कारन हम जहलमे रहैबखत तोहर ठाउमे उ हमरा मदत करैले सकतियै।