फिलिप्‍पी 1:6 - मध्‍य पुरविया थारू

⁶ हमरा पुरा बिस्‍बास छै कि, परमेस्‍वर तोरासबमे एकटा असल काम सुरु करल्‍कौ, वह्‍या येसु खिरिस्‍ट आबैबला दिनमे उ काम पुरा करतै।

फिलिप्‍पी 1:6 Referans Kwoze

फिलिप्‍पी 2:13

कथिलेकी परमेस्‍वर तोरासबमे सबदिन काम कैरते आबैछौ। उ तोरासबके ओकर असल उदेसके काम पुरा करैके मन आ सक्‍ती दुनु देतौ।

एफिसी 4:12

खिरिस्‍टके सब पबितर जनसबके ओकर काम करे सकैबला बनाइले आ ओकर देह मन्‍डलीके बलगर बनाइले सके कैहके नियुक्‍त करल्‍कै।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

१ कोरन्‍थी 1:8

अपनासबके परभु येसु खिरिस्‍ट आबैबला दिनमे तुसब निरदोस रह कैहके उ तोरासबके आखिरतक बौकार बनाइतौ।

२ थेसलोनिकी 1:11

अहै खातिर तोरासबके लेल हमसब लगातार परथना करैचियौ, जे अपनासबके परमेस्‍वर तोरासबके आपन बोलाबाके योग्‍यके बनाबे आ ओकर सब असल कामसब आ बिस्‍बासके काम ओकर सक्‍तीसे पुरा कैर देबे।

हिबरु 10:35

अहैलेल तुसब आपन यि भरोसा नै तियाग। तोरासबके अकर बरका इनाम मिल्‍तौ।

युहन्‍ना 6:29

येसु ओइसबके जबाब देल्‍कै, “परमेस्‍वरके काम एह्‍या चियै, जे ओकरा पठाइने छै ओकर उपर बिस्‍बास कर।”

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

फिलेमोन 1:21

तोहर आग्‍या पालनमे पुरा भरोसा कैरके यि चिठी लिखैचियौ कि हमर माङलहासे बेसी तु आपने करबिही।

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

२ थेसलोनिकी 3:4

हमरासबके कहल सब बात तुसब माइनते आइबरहल चिही आ माइनते जेब्‍ही से परभुमे हमरासबके पुरा भरोसा छै।

कलस्‍सी 2:12

कथिलेत बप्‍तिस्‍मा लैतखिना तुसब खिरिस्‍टसङे गारल गेल्‍ही आ मरलसे खिरिस्‍टके जियाइबला परमेस्‍वरके सक्‍तीमे बिस्‍बास करलाके कारनसे खिरिस्‍टसङे जिबित भेलचिही।

२ कोरन्‍थी 7:16

हम रमाहट करैचियै, कथिलेकी तोरासबमे हमरा पुरा भरोसा छै।

परेरित 11:18

यि बात सुइनके परभुमे बिस्‍बास करैबला यहुदीसब पतरुसके दोस लगाइले छोइरदेल्‍कै आ परमेस्‍वरके परसन्‍सा करल्‍कै, “आब त परमेस्‍वर आनो जातीसबके पापसे पस्‍चाताप कैरके अनन्‍त जिबन पाबैके अबसर देने छै।”

परेरित 16:14

ओते थिआटिरा सहरमे रहैबाली एकटा लिडिया नामके जनी रहै जे बैजनी रङके बस्‍तरके बेपार करैतरहै। उ परमेस्‍वरके मानैत रहै आ हमरासबके बात सुइन रहल छेलै। पावलके बात धियानसे सुनौक आ बिस्‍बास करौक कैहके परभु ओकर मनके देहरी खोइल देल्‍कै।

गलाती 5:10

तुसब हमर कहल बातसबसे दोसर दिसन मन नै लागबिही कैहके हमरा परभुमे पुरा भरोसाछै। जेसब तोरासबके बहक्‍याके गलत रस्‍तामे ल्‍याजेतौ ओइसबके परमेस्‍वर सजाय देतै।

२ पतरुस 3:10

महज परभुके नियाय करैबला दिन चोर एल जखा अनचेकेमे एतै। ओइ दिन सब अकास-मन्‍डल बरका अबाज कैरके बिलाजेतै, सुरुज, चान आ तरासब जैरके भस्‍म हेतै। पिरथिबी आ ओइमे भेल सब चिज नास हेतै।

२ कोरन्‍थी 9:4

यदि माकेडोनियाके कोनो लोक हमरसङे तोरासबलग एतौ आ तोरासबके भेटी दैले तयार भेल नै देख्‍तौ त हमसब लाजेसे मैर जेबै आ तुहुसब लाजेसे मरबिही कथिलेत हमसब तोरासबमे एकदम भरोसा राखने चियौ।

२ कोरन्‍थी 2:3

हम एबै त हमरा खुसी दैबला लोकसबसे हमर चित नै दुखे कैहके हम उ चिठी लिखने छेलियै। कथिलेकी हमरा आनन्‍द हेतौ त तोरोसबके आनन्‍द हेतौ कैहके हमरा पक्‍का बिस्‍बास छै।

२ कोरन्‍थी 1:15

हमरा यि बातके पुरा भरोसा भेलाके कारन, तोरासबलग पहिने आबैके इक्‍छा करलियै ताकि तोरासबके दोबर फैदा हेबे।

फिलिप्‍पी 2:12

अहैलेल हमर पिरिय भाइ-भैयासब, जनङ तोरासब सबदिन आग्‍यापालन करैत एलचिही, हमर उपस्‍थितीमे मातरे करल जखा नै, महज आब औरो बेसिसे हमर अनुपस्‍थितीमे आदर आ डर मानैत तुसब आपन मुक्‍तीके काम पुरा करैके लेल एकदमसे मेहनत कर।

फिलिप्‍पी 2:16

जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।