फिलिप्‍पी 1:21 - मध्‍य पुरविया थारू

²¹ कथिलेकी हमर जिबन जियैके मतलब खिरिस्‍टके लेल जिनाइ चियै महज मरनाइ हमर लेल लाभ चियै।

फिलिप्‍पी 1:21 Referans Kwoze

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

२ कोरन्‍थी 5:8

अपनासबके पुरा भरोसा छै, बरु हमसब अइ भौतिक देह त्‍यागके परभुसङे रहैले चाहैचियै।

२ कोरन्‍थी 5:1

हमरासबके थाहछै कि हमसबके यि बास करल नासबान देह पाल जखा चियै, जे एक दिन नास हेतै तैयो परमेस्‍वरके देल देह स्‍वरगमे अनन्‍ततक रहैबला घर जखा हेतै, जे लोकके हाथसे नै बनलछै।

फिलिप्‍पी 1:23

हम त दोधारमे परल चियै। बरु अइ सन्‍सारसे बिदा भ्‍याके खिरिस्‍टसङे रहैके हमर बरका इक्‍छाछै, कथिलेकी यि एकदम असल बात चियै।

कलस्‍सी 3:4

तोरासबके साँचोके जिबन त खिरिस्‍टे चियौ। जखैन उ परगट हेतौ तखैन तुसब ओकरे महिमामे परगट हेब्‍ही।

२ कोरन्‍थी 5:6

तहैलेल हमरासबके पुरा भरोसा छै। हमसब जानैचियै कि, जाबेतक हमसब देहमे रहबै ताबेतक हमसब परभुके आमने सामने नै रहबै।

फिलिप्‍पी 1:20

हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

परकास 14:13

तब स्‍वरगसे हम एकटा एहेन अबाज सुनलियै, “यि बात लिख: आबसे परभुके सेबा करैत-करैत मरैबला लोक धन्‍यके चियै।” पबितर आत्‍मा अनङ जबाफ देल्‍कै, “साँचेके! उसब आपन आपन मेहनतसे आराम पाबतै, कथिलेत उसब आपन करल काम अनुसार इनाम पाबतै।”

गलाती 6:14

अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।

१ कोरन्‍थी 1:30

परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

फिलिप्‍पी 2:21

औरो लोकसब त आपने धुनमे लागलछै, येसु खिरिस्‍टके बारेमे वास्‍ता करैबला कोनो लोक नै छै।

१ कोरन्‍थी 3:22

चाहे पावल, कि अपोल्‍लोस, कि पतरुस, या सन्‍सार या जिबन या मिरतु या अखुन्‍का समय या पछिल्‍का समय, सब तोरेसबके चियौ।

फिलिप्‍पी 1:22

यदि हम जिते रहबै त खिरिस्‍टके लेल असल काम करैले सक्‍बै। महज जिबन कि मरन हम कथि चुन्‍बै हमरा थाह नै छै।