फिलिप्‍पी 1:20 - मध्‍य पुरविया थारू

²⁰ हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

फिलिप्‍पी 1:20 Referans Kwoze

१ पतरुस 4:16

महज खिरिस्‍टमे बिस्‍बास करलासे दुख-कस्‍ट भोगैचिही त लाज नै मान। बरु खिरिस्‍टके नाम लैले पाबलियै कैहके परमेस्‍वरके परसन्‍सा कर।

१ कोरन्‍थी 6:20

कथिलेत परमेस्‍वर तोरासबके मोल तिरके किन्‍ने छौ। तैखातिर तुसब आपन देहमे परमेस्‍वरके महिमा कर।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

१ युहन्‍ना 2:28

हमर धियापुतासब, खिरिस्‍टमे रह आ जहिया उ परगट हेतौ, तहिया तोरासबके साहस मिल्‍तौ तब ओकर आबैबला ओइ दिन ओकर अगा लाजमे नै परबिही।

फिलिप्‍पी 2:17

यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

रोमी 8:19

परमेस्‍वर आपन बेटा-बेटीसबके परकट करैबला दिनके सारा सिरिस्‍टी भारी उतसुकताके साथ असियालछै।

२ कोरन्‍थी 10:8

परभुके देल हमरासबके अधिकारके बारेमे हम बरका बरका बात करबै तैयो लाजमे नै परबै, कथिलेकी यि अधिकार तोरासबके बिगार करैके लेल नै महज सुधारके लेल चियै।

२ कोरन्‍थी 4:10

येसुके जिबन अपनासबके देहमे परकट हेबे कैहके हमसब ओकर मिरतु सबदिन अपनासबके देहमे बोइकके चलैचियै।

१ कोरन्‍थी 7:34

एहेन लोकके मन दुइ दिसन हैछै। तहिनङे कुमाइर छौरी देह आ आत्‍मा दुनु कनङके पबितर राखबै कैहके परभुके बारेमे धियान लगाइछै। महज बियाह करल जनि आपन घरबलाके कनङके खुस राखबै कैहके सन्‍सारके बातसबमे धियान दैछै।

रोमी 5:5

अहै आसाके कारन हमसब निरास नै हेबै कथिलेत परमेस्‍वर अपनासबके पबितर आत्‍मा देने छै आ पबितर आत्‍मासे परमेस्‍वर अपनासबके हिरदयमे आपन परेम भरनेछै।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

रोमी 12:1

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलीके रुपमे चरहा। ओकर आराधना करैबला सहि तरिका एह्‍या चियै।

फिलिप्‍पी 1:14

हम जहलमे परलाके कारन बहुतो भाइ-भैयासब परभुमे साहसी भेलछै आ परमेस्‍वरके बचन निडर भ्‍याके परचार करैले साहस पाबनेछै।

२ कोरन्‍थी 7:14

तितसके अगा हम तोरासबके बारेमे गर्‌भ करनेछेलियै, ओइमे हमरा कोनो लाज नै भेलै। जनङ हमसब तोरासबके कहल बात सत छेलै, ओहिनङे तितसके अगा हमरासबके करल गर्‌भ सेहो सत ठहरलै।

२ कोरन्‍थी 5:15

उ सबके लेल मरलै, ताकि बाचैबलासब आबसे आपने लेल नै बाच्‍तै, महज ओकरलेल बाँचे, जे ओकरासबके खातिर मरलै आ फेनसे जिबित भ्‍याके उठ्‍यालगेलै।

१ कोरन्‍थी 15:31

हे हमर भाइ-भैयासब, तोरासबके कारन परभु येसु खिरिस्‍टमे हम गर्‌भसे यि कहैले सकैचियौ, कि हम दिन-दिने मिरतुके खतरामे परैचियै।

रोमी 9:33

खिरिस्‍टके बारेमे परमेस्‍वरके कहल बात पबितर धरमसास्‍तरमे अनङ लिखल छै, “देख, हम सियोनमे एकटा ठेस लागैबला पथल राखने चियै आ जैमे बहुतो लोक ठेसके खैसपरतै, महज ओकरमे बिस्‍बास करैबलासब लाजमे नै परतै।”

रोमी 6:19

तोरासबके मानबिय स्‍वभाबके कमजोरीके कारनसे हम तोरासबके बुझैबला हिसाबसे मालिक आ दासके उदाहरन देके कहैचियौ। एक समयमे खराब इक्‍छासे बहुत घिनलागैबला पाप आ दुस्‍ट काम करैले तुसब आपन जिबनके दास जखा सोपने छेल्‍ही। आब पबितर हैले तोरासबके जिबन परमेस्‍वरके लेल असल काम करैबला दास जखा सोप।

रोमी 6:13

आपन देहके अंगसबके दुस्‍टताके साधनके रुपमे पाप करैले नै सोप, महज मिरतुसे जिबनमे आनल लोकसबके जखा अपनाके परमेस्‍वरमे सोप आ परमेस्‍वरके असल कामके लेल आपन देहके अङसबके सोप।

परेरित 21:13

महज पावल कहल्‍कै, “तुसब कथिले काइनके हमर मनके तोरैचिही? हम त यरुसलेममे बन्‍हाइले मातर नै, महज हम त परभुके लेल मरैयोले तैयार चियै।”

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

युहन्‍ना 21:19

(केहैन मिरतुसे उ परमेस्‍वरके महिमा करतै कैहके संङकेत करैत येसु यि बात कहल्‍कै।) अतहेक कहैत उ ओकरा कहल्‍कै, “हमर पछा चल।”

परेरित 4:31

जब उसब परथना समापत करल्‍कै तब ओइठाम जते उसब जमा भेलरहै ओते सबकोइ थरकलै आ उ सबकोइ पबितर आत्‍मासे भरलै आ उसब साहसके साथ परमेस्‍वरके बचन परचार करे लाग्‍लै।

२ कोरन्‍थी 3:12

हमरासबके एहेन आसा भेलाके कारन हमसब एकदम साहसी भेलचियै।

२ कोरन्‍थी 7:4

तोरासबमे हमरा पुरा भरोसा छै। हम तोरासबमे एकदमे गर्‌भ करैचियौ। हम तोरासबसे पुरा रुपमे उत्‍साह पाबने चियौ आ कस्‍टोसबमे हम बहुत आनन्‍दित चियौ।