फिलिप्‍पी 1:15 - मध्‍य पुरविया थारू

¹⁵ कोइ कोइ डाह कैरके औरोसे बेसी करलियै कैहके देखाबैके लेल खिरिस्‍टके बारेमे परचार करैछै महज कतहेक लोक असल बिचारसे परचार करैछै।

फिलिप्‍पी 1:15 Referans Kwoze

फिलिप्‍पी 2:3

आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

२ कोरन्‍थी 11:13

कथिलेकी एहेन लोकसब झुठा परेरितसब आ छली काम करैबलासब चियै। उसब खिरिस्‍टके परेरितसबके भेस धैरके चलैबलासब मातरे चियै।

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

२ कोरन्‍थी 1:19

कथिलेकी सिलास, तिमोथी आ हम तोरासबके बिचमे परचार करल परमेस्‍वरके बेटा येसु खिरिस्‍टमे एके छनमे “हँ” आ एके छनमे “नै” बला बात नै छै, महज ओकरमे हरदम “हँ” मातरे छै।

मतीके लिखल सुसमाचार 23:5

सबकाम उ सब देखाबैके लेल मातरे करैछै। उसब आपन हाथमे आ कपारमे बेबस्‍थामे लिखल बातसब जन्‍तरमे राइखके बान्‍हैछै आ आपन बस्‍तरमे लाम-लाम फुदनासब लगाके पिन्‍हैछै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

गलाती 2:4

खतनाके यि बात उठलै कथिलेत कतहेक झुठा बिस्‍बासीसब बहाना कैरके अपनासबके बिस्‍बासीसबके जेरमे एलै। उसब खिरिस्‍ट येसुमे भेल अपनासबके स्‍वतन्‍तरताके चेवा करैले आ हमरासबके बेबस्‍थाके दास बनाइले चाहैछेलै।

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

१ कोरन्‍थी 13:3

यदि हम आपन सब धन-सम्‍पैत गरिबसबके बाइट देबै आ आपन देह सेहो जराइले देबै महज हमरमे परेम नै छै त, हमरा किछो फाइदा नै हेतै।

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

परेरित 11:20

ओइसबमेसे कोइ-कोइ साइपरस आ कुरेनीके लोकसब रहै। उसब एन्‍टिओखियामे आइबके औरो जातीके लोकसबके परभु येसुके सुसमाचार परचार करल्‍कै।

परेरित 10:36

तोरा थाह छौ कि येसु सबके परभु चियै। परमेस्‍वर येसु खिरिस्‍टके मारफतसे सान्‍तीके सुसमाचार इजराएली लोकसबके पठेल्‍कै।

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

परेरित 8:35

तब फिलिप पबितर धरमसास्‍तरके एह्‍या पाठसे सुरु कैरके ओकरा येसुके सुसमाचार सुनाइल्‍कै।

परेरित 5:42

उसब सबदिन मन्‍दिर आ घर-घरमे ज्‍याके येसुवे खिरिस्‍ट चियै से कैहके सिक्‍छा दैले आ परचार करैले नै छोरल्‍कै।

परेरित 8:5

फिलिप सामरियाके एकटा सहरमे ज्‍याके येसुवे खिरिस्‍ट चियै कैहके परचार करे लाग्‍लै।

रोमी 2:8

महज आपनेके मातरे परेम करैबला, सत बातके पालन नै करैबला आ खराब बातमे लागल रहैबला लोकसबमे परमेस्‍वरके करोध आ दन्‍ड परतै।