फिलिप्‍पी 1:10 - मध्‍य पुरविया थारू

¹⁰ ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

फिलिप्‍पी 1:10 Referans Kwoze

रोमी 12:2

अइ सन्‍सारके लोकसब जखा देखासेखी नै कर महज आपन सोच-बिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

रोमी 2:18

तुसब, परमेस्‍वर कथि चाहैछौ से जानैचिही आ असल कथि चियै सेहो जानैचिही कथिलेत बेबस्‍थासे तुसब सिखनेचिही।

एफिसी 5:10

कोन-कोन बातसे परभु खुस हैछै, से सिखैले कोसिस कर।

१ युहन्‍ना 4:1

हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।

फिलिप्‍पी 1:6

हमरा पुरा बिस्‍बास छै कि, परमेस्‍वर तोरासबमे एकटा असल काम सुरु करल्‍कौ, वह्‍या येसु खिरिस्‍ट आबैबला दिनमे उ काम पुरा करतै।

१ थेसलोनिकी 5:21

महज सब बातके जाँच कर आ जे चिज असल छै ओइके पकरने रह।

१ कोरन्‍थी 1:8

अपनासबके परभु येसु खिरिस्‍ट आबैबला दिनमे तुसब निरदोस रह कैहके उ तोरासबके आखिरतक बौकार बनाइतौ।

परकास 2:2

तोहर करल मेहनतके काम आ तोहर धिरज हमरा थाहछै। तु दुस्‍ट लोकसबके सहन करैले नै सकैचिही कैहके हमरा सेहो थाहछै। परेरित नै चियै तैयो आपनके परेरित कहैबलासबके तु जाँच कैरके झुठ साँच पता लगाइनेचिही सेहो थाहछै।

एफिसी 5:27

यि मन्‍डलीके पबितर, निरदोस, दाग नै लागल, नै घोकच्‍याल आ कोनो परकारके दोख नै लागल सुन्‍दर मन्‍डली बन्‍याके आपनसङे रहैले एहैन करल्‍कै।

युहन्‍ना 1:47

नथानेलेके आपन दिसन आबैत देखके येसु कहल्‍कै, “देख, उ पक्‍के इजराएली चियै, ओकरमे कोनो छलकपट नै छै।”

मतीके लिखल सुसमाचार 16:23

तब येसु घुइमके पतरुसके हपारल्‍कै, “ऐ सैतान, हमरसे दुर चैल जो, तु हमर लेल बाधाके कारन चिही। कथिलेत तु परमेस्‍वरके बातमे नै, महज लोकसबके बातमे धियान दैचिही।”

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

रोमी 12:9

तोरासबके परेम देखाबटी नै महज सत हेबे। खराब काम छोइरके असल काममे लागल रह।

रोमी 8:7

पाप स्‍वभाबके इक्‍छामे चलैबला लोक परमेस्‍वरके बिरोधी रहैछै, कथिलेत उसब परमेस्‍वरके बेबस्‍था पालन नै करैछै आ करैयोले नै सकैछै।

मतीके लिखल सुसमाचार 26:33

ओतबेहेकमे पतरुस येसुके कहल्‍कै, “सबकोइ अहाँके छोइर देत महज हम कहियो नै छोरब।”

फिलिप्‍पी 1:16

सुसमाचारके पक्‍छमे बोलैके लेल हम अते चियै कैहके जानैबलासब यि काम परेमसे करैछै।

एफिसी 6:24

परभु येसु खिरिस्‍टके परेम करैबला सङे परमेस्‍वरके अनुगरह सबदिन रहे।

एफिसी 4:15

बरु परेमसे सत बाइजके सब बातमे अपनासब खिरिस्‍टे जखा हेब्‍ही, कथिलेत वह्‍या अपनासबके सिर चियौ।

गलाती 5:11

भाइ-भैयासब, यदि हम अखुन्‍तो खतना करैये परतौ कैहके परचार करैचियौ त कथिले हमरमे सताबट एलै? यि बात सँच रहतियै त कुरूसके बलिदानके परचारसे ककरो चित नै दुखतियै।

२ कोरन्‍थी 8:8

हम यि आग्‍याके रुपमे नै महज औरोसबके जोससङे तुलना कैरके तोरासबके परेम साँचो चियौ कैहके परमानित करैके लेल हम यि कहलियौ।

२ कोरन्‍थी 6:3

हमरासबके करल सेबकाइमे कोइ दोस लगाबैके मौके नै पाबे कैहके हमसब ककरो बाधा दैबला काम नै करैचियै।

२ कोरन्‍थी 2:17

हमसब आपन फैदाके लेल परमेस्‍वरके बचन परचार करैबला बेपारी नै चियै। महज हमसब इमान्‍दार भ्‍याके खिरिस्‍टके सेबकके रुपमे परमेस्‍वर हमरासबके देखैछै से बात जाइनके ओकर बचन परचार करैचियै।

१ कोरन्‍थी 10:32

तुसब ककरो ठेस लागैबला काम नै कर, चाहे यहुदीके, चाहे गिरिकके या चाहे परमेस्‍वरके मन्‍डलीके हेबे।

१ कोरन्‍थी 8:13

तैखातिर हमर खाइबला चिजसे हमर आपने बिस्‍बासी भाइ नास हैछै त हमर भाइ नास नै हेबे कैहके हम कहियो मासु नै खेबै।

रोमी 16:17

हे हमर भाइ-भैयासब, हम तोरासबके बिन्‍ती करैचियौ कि, तोरासबके सिख्‍याल सिक्‍छाके बिपरित सिखाइबला लोकसबसे होसियार रह। यि तोरासबके फुट करेतौ आ बिस्‍बाससे बहकेतौ। ओहन लोकसबसे दुरे रह।

रोमी 7:22

कथिलेत हमर मन परमेस्‍वरके बेबस्‍थामे आनन्‍दित हैछै।

रोमी 7:16

ओहैसे हमर इक्‍छा नै करल खराब काम करैचियै त, हम बेबस्‍था असल छै कैहके सहमत चियै से देखाबैछै।

परेरित 24:16

तै खातिर परमेस्‍वर आ लोकसबके नजरमे हम निरदोस रहैले चाहैचियै।

युहन्‍ना 3:20

दुस्‍ट काम करैबलासब इजोतके घिरना करैछै आ ओइसबके करल दुस्‍ट कामसब देखलेतै कैहके इजोतमे नै आबैछै।

फिलिप्‍पी 2:16

जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।