मरकुस 9:25 - मध्‍य पुरविया थारू

²⁵ जब भिरके येसु आपन दिसन आबैत देखल्‍कै तब ओइ भुत आत्‍माके कहल्‍कै, “ए बौक आ बैहर करैबला आत्‍मा, हम तोरा आग्‍या करैचियौ ओकरसे निकैलके चैल जो आ फेनो ओकरमे कहियो नै ढुक।”

मरकुस 9:25 Referans Kwoze

परेरित 16:18

उ छौरी बहौत दिनतक ओहिनङ करैत रहलै। बादमे पावल एक दिन दिक्‍क भ्‍यागेलै तब ओकर दिसन घुइमके भुत आत्‍माके कहल्‍कै, “हम येसु खिरिस्‍टके नाममे हम तोरा आग्‍या दैचियौ, तु यि छौरीसे निकैलके चैलजो।” पावल यि बात कहैत मातर उ भुत आत्‍मा ओइ छौरीसे निकैलके चैलगेलै।

लुका 9:42

महज ओइ बालकके येसु लग आनैबखत भुत आत्‍मा ओकरा पटैकके मुह भुँइयामे घोसियाइले लाग्‍लै। महज येसु ओइ भुत आत्‍माके हकारल्‍कै आ ओइ बालकके निक कैरके ओकर बाबुके जिमा लग्‍या देल्‍कै।

मरकुस 9:15

भिरके लोकसब येसुके देखते मातर छक परलै आ ओकरलग दौरके ज्‍याके गोरलगी करल्‍कै।

मतीके लिखल सुसमाचार 17:18

तब येसु भुत आत्‍माके डाटल्‍कै आ भुत आत्‍मा ओकरसे निकैलेके गेलै। तब तखुन्‍ते उ छौरा निक भेलै।

यहुदा 1:9

महज परधान स्‍वरगदुत मिखाएल सेहो मोसाके लहासके बारेमे सैतानसे तरक बितरक करैतखिना ओकरा अपमान कैरके दोख नै लगाइल्‍कै। खाली, “परभु तोरा फटकारतौ” कहल्‍कै।

लुका 11:14

येसु एकटा लोकसे भुत निकाइल रहल छेलै, जे बौक छेलै। ओकर देहसे भुत निकल्‍लाके बाद उ बौक लोक बोले लाग्‍लै, यि देखके लोकसब छक परलै।

लुका 8:29

कथिलेत येसु भुत आत्‍माके ओइ लोकसे निक्‍लैके आग्‍या देने छेलै। ओकरा बहुत बेर भुत लागल छेलै। लोकसब बहुत बेर ओकर टाङ-हाथ घुरीसे खुट्‍टामे बान्‍हैछेलै महज ओइ घुरीके तोइर दैछेलै। तब भुत आत्‍मा ओकरा उजार जगह दिसरा ल्‍याजैछेलै।

लुका 4:41

बहुत लोकसबके देहसे भुतसब चिच्‍याइते ऐहेन कैहके निकल्‍लै, “अहाँ परमेस्‍वरके बेटा चियै!” महज येसु खिस्‍याके भुतसबके बोले नै देल्‍कै कथिलेत मुक्‍ती दैबला खिरिस्‍ट चियै कैहके चिन्‍हैछेलै।

लुका 4:35

तब येसु ओकरा खिस्‍याके कहल्‍कै, “चुप हो बेसी नै बाज आ ओइ लोकसे बाहर निकैलजो!” ओइ लोकके ओहै ठाम सब लोकसबके अगामे उठासुठाके पटैकके भुत कथियो नै कैरके बाहर निकैल गेलै।

मतीके लिखल सुसमाचार 12:22

तब लोकसब एकटा भुत आत्‍मा लागल आन्‍हर आ बौक लोकके येसु लग आनल्‍कै। येसु ओकरा निक करल्‍कै तब उ लोक बोले आ देखे लाग्‍लै।

मरकुस 9:24

यि सुनते मातर ओइ छौराके बाबु जोरसे कहल्‍कै, “हे परभु, हम बिस्‍बास करैचियै, हमर बिस्‍बासमे औरो बौकार हैले हमरा सहायता करु।”

मरकुस 9:26

तब भुत आत्‍मा ओकरा थरथराबैत ओकर देसके हिलाइत ओकरासे निकैलके गेलै आ उ मरल लहास जखा भ्‍यागेलै, यि देखके बहुत लोक उ मर गेलै कि कथी कैहके कहेलाग्‍लै।