मरकुस 9:19 - मध्‍य पुरविया थारू

¹⁹ तब येसु ओकरासबके कहल्‍कै, “ए थेथर पुस्‍ता, कहियातक हम तोरासबके बिचमे रहबौ? कहियातक बिस्‍बासमे कमजोरे रहबिही? तोहर बेटाके हमरलग आन।”

मरकुस 9:19 Referans Kwoze

युहन्‍ना 20:27

तब येसु थोमाके कहल्‍कै, “तोहर औङरी अते राख आ हमर हाथ देख। हमर कोइखमे आपन हाथ ढुका। तु सङका नै कर बरु बिस्‍बास कर।”

मरकुस 16:14

अन्‍तमे जब एगारहो चेलासब बैठके खान-पिन करैतरहै तहै बखत येसु ओइसबके बिचमे परगट भेलै। उसबके अबिस्‍बास आ कठोर हिरदयके कारन येसु उसबके खिस्‍याइल्‍कै। कथिलेत उ मरके जिबित भ्‍याल ओकरा देखैबला सबके बातमे उसब बिस्‍बास नै करने रहै।

लुका 24:25

तब येसु ओइसबके कहल्‍कै, “तुसब केहन मुरुख लोकसब चिही, तोरासबके हिरदय अतहेक मोट भ्‍यागेल्‍छौ, कि अगमबक्‍तो सबके कहलहा बातके बिस्‍बास नै करैचिही?

लुका 9:41

तब येसु जबाफ देल्‍कै, “ऐ बिस्‍बास नै करैबला आ थेथर पुस्‍ता, हम कहियातक तोरासबसङे रहबौ आ तोरासबके कतेक दिनतक सहैत रहबौ? तोहर बेटाके अते आन।”

मतीके लिखल सुसमाचार 17:17

तब येसु जबाफ देल्‍कै, “ऐ बिस्‍बास नै करैबला आ दुस्‍ट पुस्‍ता, हम कहियातक तोरासबके सङे रहबौ? कहियातक तोरासबके कमजोर बिस्‍बासके सहैत रहबौ? ओकरा अते हमरलग आन।”

युहन्‍ना 12:27

“आब हमर मन बेचैन भेल छै, हम कथी कहु? कि हम यि कहबै ‘हे परमेस्‍वर पिता, आबैबला दुखसे हमरा बचाबु’? नै, एह्‍या कारनसे हम अइ समयतक आइबगेलियै।

मरकुस 9:18

जब भुत आत्‍मा अकरा लागैछै तब ओकरा जमिनमे खस्‍या दैछै, मुहसे लेरपोंटा चुवाबैछै आ दात किटकिटाइछै आ देह ठिठैङ जाइछै। ओइ भुत आत्‍माके निकाइल दिय कैहके हम अहाँके चेलासबके बिन्‍ती करलियै महज उसब नै सकलक।”

मरकुस 9:20

उसब ओकरा येसु लग आनल्‍कै। भुत आत्‍माके देख्‍ते मातर थरथराके भुइयामे खैसपरलै आ मुहसे लेरपोंटा चुबाइत छरपटाइले लाग्‍लै।