मरकुस 8:32 - मध्‍य पुरविया थारू

³² से बात खोइलके येसु आपन चेलासबके कहल्‍कै। महज यि सुइनके पतरुस ओकरा एक कातमे लज्‍याके हपारल्‍कै।

मरकुस 8:32 Referans Kwoze

मतीके लिखल सुसमाचार 16:22

पतरुस यि बात सुइनके ओकरा एक कातमे लज्‍याके हपारैले लाग्‍लै, “हे परभु! परमेस्‍वर एहेन नै हेबे, अहाँ उपर एहेन कहियो नै हेतै।”

युहन्‍ना 16:25

“यि बात हम तोरासबके खिसा-पिहानीसबमे कहनेचियौ। महज समय आइबरहल छौ, तैबखत हम तोरासबके सङे फेनो खिसा पिहानीमे नै बाज्‍बौ, बल्‍की पिताके बिसयमे साफ-साफ कैहदेबौ।

युहन्‍ना 16:29

तब चेलासब येसुके कहल्‍कै, “अखुन अहाँ खिसामे नै महज साफ-साफ बाजैचियै।

युहन्‍ना 18:20

तब येसु ओकरा जबाफ देल्‍कै, “हम त सबकोइ सुने कैहके खुलमखुला कहनेचियौ। हम हरदम सभाघरसब आ मन्‍दिरमे आपन सिक्‍छा देलियै, जते यहुदीसब जमा हैछै। हम आपन सिक्‍छा गुप्‍तमे नै देने चियै।

लुका 10:40

महज मारथा सेबा सत्‍कारके काममे ओझराएल छेलै। मरियम येसुके लगमे आइबके कहल्‍कै, “हे परभु सेबा सत्‍कारके काममे हमर बहिन हमरा असगरे छोरदेनेछै, कि अहाँ नै देखैचियै? ओकरा कैहदियौ आ उ हमरा हाथ बटाबे।”

मरकुस 4:38

येसु नाहके पछा कातमे एकटा सिरमा लग्‍याके बिभोर निनमे सुतल छेलै। तब चेलासब ओकरा उठाइत कहेलाग्‍लै, “गुरु जी, गुरु जी, हमसब डुबे लागलियै। कि अहाँके चिन्‍ता नै छै?”

युहन्‍ना 10:24

यहुदी अगुवासब ओकर चारुकात जमा भ्‍याके कहल्‍कै, “अहाँ कहियातक हमरासबके दोधारमे राखबै? यदी अहाँ मुक्‍ती दैबला खिरिस्‍ट चियै त हमरासबके सत बात कैहदियौ।”

युहन्‍ना 11:14

तैखातिर येसु उसबके साफ-साफ कहल्‍कै कि, “लाजरस मैर गेलछै।