मरकुस 6:2 - मध्‍य पुरविया थारू

² बिसरामके दिन येसु सभाघरमे सिक्‍छा देबे लाग्‍लै। येसुके सिक्‍छा सुनैबला बहौत लोकसब छक्‍क परैत कहल्‍कै, “यि लोक यि सब बातसब कतेसे सिखल्‍कै? अकरा कतेसे एहेन बुइध एलै? कनङके यि एहेन अचम-अचमके कामसब करे सकैछै?

मरकुस 6:2 Referans Kwoze

युहन्‍ना 6:42

उसब कहल्‍कै, “कि यि लोक योसेफके बेटा, येसु नै चियै? कि हमसब अकर माँ-बाबुके नै चिन्‍हैचियै? तब अखैन यि लोक कनङके, ‘हम स्‍वरगसे उतैरके एलचियौ’ कहैछै त?”

युहन्‍ना 7:15

तब यहुदी अगुवासब एकदम छक परैत एहेन कहेलाग्‍लै, “यि लोक बिना सिक्‍छा पाइबके कनङके सिखाबे सकैछै?”

मतीके लिखल सुसमाचार 4:23

येसु पुरे गालिल परदेसके सभाघरसबमे सिक्‍छा देबे लाग्‍लै, स्‍वरगके राजके सुसमाचार परचार करैत आ लोकसबमे लागल सब परकारके रोग-बिमारके निक करल्‍कै।

मतीके लिखल सुसमाचार 7:28

जब येसु चेलासबके यि बात कैहसक्‍लै तब भिरके सबलोक ओकर सिक्‍छा सुइनके छक परलै।

लुका 4:15

येसु ओइ ठामके यहुदी सभाघरमे सिक्‍छा देल्‍कै आ सबकोइ ओकर परसन्‍सा करे लाग्‍लै।

मरकुस 1:39

तब येसु पुरे गालिल इलाकामे घुम्‍लै आ सभाघरसबमे सिक्‍छा दैत आ लोकसबसे भुतसब निकालैत गेलै।

मरकुस 10:1

तब येसु उ ठाम छोइरके यरदन लदीके ओइपार यहुदियाके इलाकामे गेलै। बहुत लोकसबके भिर ओकरलग एलै आ उ आपन आदत अनुसार ओइसबके फेनो सिक्‍छा दैले लाग्‍लै।

लुका 2:47

ओकर बिचार आ उतर दैत सुइनके ओइ ठामके सब लोकसब आस्‍चरजमे परलै।