मरकुस 2:2 - मध्‍य पुरविया थारू

² बहौत लोकसब जम्‍मा भेलासे घरके भितर बाहरमे एकोरति कतौ ठाम नै छेलै। येसु परमेस्‍वरके बचनसे लोकसबके परचार करैतरहै।

मरकुस 2:2 Referans Kwoze

मरकुस 2:13

येसु फेनो गालिल तालके पखामे गेलै। तब बहौत लोकसबके भिर ओकरलग एलै आ उसबके सिक्‍छा दैले लाग्‍लै।

मरकुस 1:45

महज उ लोक बाहर निकैलके गेलै आ अपना निक भेल बात चारुदिसन परचार करे लाग्‍लै। तैल्‍याके येसु फेनो उ सहरमे लोकसबके अगा खुलस्‍त रुपमे आबैले नै सक्‍लै महज उ सुनसान जगहमे रहेलाग्‍लै। तैयो लोकसबके भिर चारुदिसनसे ओकरलग एलै।

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।

रोमी 10:8

पबितर धरमसास्‍तर कहैछै, “मुक्‍तीके बचन तोरासबके लगेमे छौ। यि तोरासबके मुह आ हिरदयमे छौ।” अपनासबके बिस्‍बासके बारेमे परचार करल सुसमाचार अह्‍या चियै।

परेरित 16:6

पबितर आत्‍मासे एसियाके परदेसमे बचन परचार करैले मनाही भेलाके कारन उसब फिरिगिया इलाका आ गलातियाके परदेससब हैतगेलै।

परेरित 14:25

ओहै परदेसके परगा सहरमे सुसमाचार सुन्‍याके उसब अटालिया सहरमे गेलै।

परेरित 11:19

स्‍तिफनस मारल गेलाके बाद परभु येसुमे बिस्‍बास करैबलासब उपर जब सताबट बरहे लाग्‍लै तब चारुदिसन छिरियागेलै आ कोइ फोनिके इलाकामे पुग्‍लै त कोइ साइपरस टपु त कोइ एन्‍टिओखिया सहर तक पहुचलै। महज सुरु-सुरुमे उसब यहुदीसबके बिचमे मातरे सुसमाचार परचार करैछेलै।

परेरित 8:25

पतरुस आ युहन्‍ना दुनुगोरा परभु येसुके बारेमे जानल आ सुनल बचनसब परचार करल्‍कै। तब सामरियाके बहौत गामसबमे सुसमाचार परचार करैत यरुसलेम दिसन घुइमके गेलै।

लुका 12:1

तहैबिच जब हजारो लोकसबके भिर जमा भेलै, तब ओते लोकसब एकदोसरमे किचम-किच हेबे लाग्‍लै, तहै बखत येसु आपन चेलासबके कहेलाग्‍लै, “तुसब फरिसीसबके खमिरसे होसियार रैहिये, कथिलेत उ खमिर ओकरासबके कपटी बिचार चियै।

लुका 8:11

“अइ खिसाके अरथ यि चियै, बिचहनके मतलब परमेस्‍वरके बचन चियै।

लुका 8:1

तकरबाद येसु परमेस्‍वरके राजके सुसमाचार सुनाइले सहर-सहर आ गाम-गाममे गेलै। ओकरसङे बारह गोरे चेलासब छेलै।

मरकुस 1:37

येसु भेटलाकेबाद उसब कहल्‍कै, “परभु अहाँके सबकोइ खोइजरहल छै!”

मरकुस 1:33

पुरे सहरके लोकसब घरके अङनामे भिर लागल छेलै।

मरकुस 1:14

जब युहन्‍ना जहलमे परलै तब येसु गालिल इलाकामे गेलै आ परमेस्‍वरके सुसमाचार परचार करल्‍कै।

मतीके लिखल सुसमाचार 5:2

तब येसु ओइसबके सिक्‍छा देबे लाग्‍लै:

लुका 5:17

एक दिन येसु लोकसबके सिक्‍छा दैत रहै तै जगह गालिल आ यहुदियाके सब गाम, यरुसलेमसे ऐल्‍हा फरिसीसब आ यहुदी सास्‍तरीसब लगमे बैठल छेलै। बिमारीसबके निक करैबला परभु परमेस्‍वरके सक्‍ती येसुके साथमे छेलै।

मरकुस 6:34

जब येसु नाहसे उतरलै तब लोकसबके बरका भिर जम्‍मा भेल देखके ओकरा मनमे एकदम दया लाग्‍लै कथिलेत उसब चरवाह बिनाके भेंरासब जखा छेलै। तब येसु ओकरासबके बहुत बात सिखाबे लाग्‍लै।

मरकुस 2:1

कन्‍हिक दिन बाद येसु कफरनहुम सहरमे घुइमके एलै। उ घरेमे छै कैहके लोकसब सुनल्‍कै।