मरकुस 16:19 - मध्‍य पुरविया थारू

¹⁹ तकरबाद परभु येसु ओइसबसङे बोइल लेलाकेबाद स्‍वरग दिसन उठ्‍यालगेलै आ परमेस्‍वरके देहनाकात बैठलै।

मरकुस 16:19 Referans Kwoze

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

रोमी 8:34

तब के अपनासबके दन्‍ड दैले सक्‍तै? कोइ नै सक्‍तै, कथिलेत येसु खिरिस्‍ट अपनासबके लेल मरलै। ओतबे नै, परमेस्‍वर ओकरा मरलसे जियेल्‍कै आ अखुन परमेस्‍वरके दहिनाकात बैठलछै आ अपनासबके लेल परमेस्‍वरसे बिन्‍ती कैररहलछै।

परेरित 2:33

अहैसे परमेस्‍वर पिता आपन देहना हाथ कात बैठेल्‍कै आ आपन परतिग्‍या अनुसार ओकरा पबितर आत्‍मा देल्‍कै। ओह्‍या पबितर आत्‍मा हमरासबके देने छै, जे अहाँसब देखैचियै आ सुनैचियै।

हिबरु 8:1

हमसब यि बात कहैले चाहैचियै कि, अपनासबके एहेन परधान पुजारी छै, जे स्‍वरगके महान परमेस्‍वरके सिंहासनके दहिनाकात बिराजमान छै।

कलस्‍सी 3:1

तुसब खिरिस्‍टसङे जिबित भेलाके कारनसे स्‍वरगके बातसब खोजी कर, जते खिरिस्‍ट परमेस्‍वरके देहना कातमे बैठलछै।

युहन्‍ना 20:17

येसु ओकरा कहल्‍कै, “हमरा नै छु, कथिलेत अखुनतक हम पिताके लग उपर नै गेल चियै। बरु हमर भाइसबलग ज्‍याके ओकरासबके कैहदहै कि हम आपन पिता आ तोरासबके पिता, आपन परमेस्‍वर आ तोरासबके परमेस्‍वर लग उपर ज्‍यारहल चियै।”

हिबरु 6:20

अपनासबसे लेल येसु त पहिने ओइ ठाममे गेल छै। मल्‍कीसेदेक पुजारी जखा उ सबदिनके लेल अपनासबके खातिर परधान पुजारी भेलछै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

युहन्‍ना 6:62

जब तुसब मानबके बेटाके जतेसे एलछेलै ओतै जाइत देखबिही त तुसब कथी करबही?

लुका 9:51

येसुके स्‍वरग दिसन जाइके दिन नजदिक आवेलाग्‍लै तब उ यरुसलेम दिसन जायैले परतै से निरनय करल्‍कै।

हिबरु 9:24

खिरिस्‍ट त लोकसबके हाथसे बनल पबितर ठाममे नै ढुकलै, जे सत पबितर ठामके नमुना मातरे चियै, महज उ स्‍वरग भितर ढुकलै आ अखुन अपनासबके लेल परमेस्‍वरके अगा ठारभेल छै।

हिबरु 7:26

अपनासबके लेल अहिनङे परधान पुजारीके आबसेक्‍ता छै। जे पबितर, निरदोस, सुधछै। परमेस्‍वर ओकरा पापी लोकसबसे छुटियाके सबसे उपर स्‍वरगमे राखल्‍कै।

हिबरु 4:14

स्‍वरगमे गेल परमेस्‍वरके बेटा येसु अपनासबके महान परधान पुजारी भेलाके कारन अपनासब ओकरमे करल बिस्‍बासमे असथिर भ्‍याके रह।

परेरित 3:21

परमेस्‍वर पहिनेसे आपन पबितर अगमबक्‍तासबके मुहसे बोलल्‍हा सब चिजके पुनरअस्‍थापन हैबला बखत नै आबेतक खिरिस्‍टके स्‍वरगमे रहेपरतै।

युहन्‍ना 21:22

येसु पतरुसके कहल्‍कै, “यदी हम नै आबैतक उ जिबिते रहे कैहके हमर इक्‍छाछै त तोरा कि हैछौ? तु हमर पछा लाग।”

युहन्‍ना 21:15

उसबके ख्‍याल भेलाके बाद येसु सिमोन पतरुसके कहल्‍कै, “ऐ युहन्‍नाके बेटा सिमोन, कि तु औरो चेलासबसे बेसी हमरा परेम करैचिही?” उ कहल्‍कै, “जि परभु, अहाँ के थाहेछै कि हम अहाँके परेम करैचियै।” येसु ओकरा कहल्‍कै, “हमर पठरुसबके चरा।”

युहन्‍ना 17:13

“महज आब हम अहाँ लग आइबरहल चियै। हमर आनन्‍द ओइसबमे पुरा हेबे कैहके हम सन्‍सारमे रैहते यि बात कहैचियै।

युहन्‍ना 16:28

हम पितालगसे सन्‍सारमे एलचियै, आब फेनो सन्‍सार छोइरके पितालग घुइमके ज्‍यारहल चियै।”

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

मरकुस 16:20

तब चेलासब सब ठामसबमे ज्‍याके परचार करल्‍कै। परभु उसबके मदत करल्‍कै आ अचममे कामसबसे ओकरासबके बचनमे सत छै कैहके ठहरेल्‍कै।]

लुका 22:69

महज आब मानबके बेटा महान परमेस्‍वरके देहना हाथ कता बैठतै।”

परेरित 1:22

अरथात एहेन लोक जे युहन्‍नाके बप्‍तिस्‍मासे ल्‍याके येसु स्‍वरग उठ्‍याल गेल दिनतक अपनासबसङे छेलै। उ लोक हमरासब सङे-सङे ओकर जि उठैके साक्‍छी हेबेपरतै।”