मरकुस 15:14 - मध्‍य पुरविया थारू

¹⁴ तब पिलातस फेनो ओइसबके कहल्‍कै, “कथिले? यि लोक कोनो खराबी करने छै से?” महज उसब औरो जोर-जोरसे हल्‍ला करतै रहलै, “अकरा कुरूसमे लटका!”

मरकुस 15:14 Referans Kwoze

लुका 23:41

हमरासबके सजाय त उचित छै, कथिलेत हमरासबके जैहनङ करम करनेचियै ओहिनङ फल भोइगरहलचियै, यि लोक त तेहन कोनो नै निक काम नै करने छै।”

१ पतरुस 1:19

महज येसु खिरिस्‍टके निरदोस आ अनमोल लहुसे तोरासबके छुटकरा देनेछौ। उ सुध आ निस्‍खोट बैलभोगमे चरहाबैबला थुमा छेलै।

हिबरु 7:26

अपनासबके लेल अहिनङे परधान पुजारीके आबसेक्‍ता छै। जे पबितर, निरदोस, सुधछै। परमेस्‍वर ओकरा पापी लोकसबसे छुटियाके सबसे उपर स्‍वरगमे राखल्‍कै।

परेरित 19:34

महज जब उसब यि त यहुदी चियौ कैहके थाह पाबल्‍कै तब सबकोइ एके अबाजमे करिब दुइ घन्‍टा तक हल्‍ला करैत रहलै, “एफिसीसबके आरतेमिस देबि महान छै!”

युहन्‍ना 19:6

तब मुख पुजारी आ सिपाहीसब येसुके देखैत मातर हल्‍ला करैत कहेलाग्‍लै, “अकरा लटका, अकरा कुरूसमे लटका!” पिलातस ओइसबके कहल्‍कै, “तुहिसब अकरा ल्‍याजो आ कुरूसमे लटका। हमरा त अकरमे दन्‍ड दैबला कोनो दोस नै भेटलै।”

युहन्‍ना 18:38

पिलातस ओकरा कहल्‍कै, “सत कथी चियै?” अतबेहेक कैहके उ बाहर निकैलके यहुदीसब लग गेलै आ कहल्‍कै, “हमरा एकरमे कोनो दोस नै भेटलै।

लुका 23:47

यि सब घटनासब देखके सैनिकसबके कप्‍तान एहेन कैहके परमेस्‍वरके महिमा करल्‍कै, “साँचोके यि लोक धरमी रहै।”

लुका 23:21

महज सब लोकसब हल्‍लाकरतै रहलै, “अकरा कुरूसमे लटका, कुरूसमे लटका!”

लुका 23:4

पिलातस मुल पुजारीसबके आ भिर लागल लोकसबके कहल्‍कै, “हमरा यि लोकमे कोनो दोस नै भेटल।”

मतीके लिखल सुसमाचार 27:54

रोमी कप्‍तान आ ओकरजरे येसुके ओगरैबला सिपाहीसब भुमकौन आ यि घटनासब देखके बहौत डेरेलै आ कैह उठलै कि, “साँचोके यि त परमेस्‍वरके बेटा रहै।”

मतीके लिखल सुसमाचार 27:19

पिलातस नियाय आसनमे बैठल छेलै, तखनिए ओकर घरबाली ओकरा एहेन कैहके खबर पठेल्‍कै, “ओइ निरदोस लोकके कुछो नै करियौ! कथिलेकी आइ रात हम सपनामे ओकरे कारन बहुत दुख काटलियै।”

मतीके लिखल सुसमाचार 27:4

आ कहल्‍कै “हम केहन पापी चियै, जे निरदोस लोकके मिरतुदन्‍डके लेल पकरादेलियै।” महज उसब कहल्‍कै, “यि बात तु आपने जान, ओइसे हमरासबके कोनो लेनादेना नै छौ।”

मरकुस 15:13

उसब हल्‍ला करैत कहल्‍कै, “अकरा कुरूसमे लटका!”

मरकुस 15:15

भिरके लोकसबके माङ पुरा करैके लेल पिलातस बारब्‍बाके छोइरदेल्‍कै आ येसुके कोरासे पिटके कुरूसमे लटकाइले सिपाहीसबके जिम्‍मा लग्‍यादेल्‍कै।

परेरित 13:28

मिरतुदन्‍डके कोनो कारन नै भेटलै तैयो उसब येसुके मारैये परतै कैहके पिलातसके अगा माङ करल्‍कै,