मरकुस 13:8 - मध्‍य पुरविया थारू

⁸ जाती-जातीके बिचमे लराइ हेतौ आ राजके बिरोधमे राज खरा हेतौ। जते-तते भुमकौनसब आ भुखमरीसब हेतौ। यि त अन्‍तके दिनके सुरुवात मातरे चियै।

मरकुस 13:8 Referans Kwoze

मतीके लिखल सुसमाचार 24:8

यीसब त कस्‍टके सुरुवात मातरे चियै।

परकास 6:4

दोसर एकटा चहकदार लाल घोरा बाहर निकैलके एलै। लोकसब एक दोसरके हतिया करे कैहके यि घोरसबारके पिरथिबीसे सान्‍ती हरन करैके अधिकार परमेस्‍वर देल्‍कै। उ ओकरा एकटा बरका तलबार सेहो देल्‍कै।

१ थेसलोनिकी 5:3

जब लोकसब “सान्‍ती आ सुरक्‍छा” कहैत रहतै, तै बखत जनङ देहभारी भेल जनी बच्‍चाके जल्‍माबैके पिरा उखरैछै तहिनङ अचानक ओइसब उपर आफत एतै आ उसब ओइसे नै बाच्‍बे।

परेरित 11:28

उसबमेसे अगाबस नाम भेल एकटा लोक खरा भ्‍याके पबितर आत्‍माके अगुवाइमे भबिसबानी करैत बाज्‍लै, “सरा सन्‍सारमे रौदी हेतौ।” (उ रौदी क्‍लौडियसके पालीमे भेलै।)

मरकुस 13:7

जब तुसब लराइ-झगरासबके हल्‍ला सुनबिही तब ओइ बखत नै डेरा। कथिलेत पहिने यि घटनासब हेबैये परतै महज अन्‍त तखुन्‍ते नै हेतौ।

मरकुस 13:9

“आपन बारेमे तुसब होसियार रह! कथिलेत उसब तोरासबके अड्‍डा खनामे लजेतौ, यहुदी सभाघरसबमे लज्‍याके पिटतौ। हमर नामके खातिर तोरासबके सासकसब आ रजासबके अगामे हमर गबाही दैले खरा हेब्‍ही।