मरकुस 13:27 - मध्‍य पुरविया थारू

²⁷ तब पिरथिबी आ अकासके चारु दिसरसे उ आपन छानल लोकसबके जमा करैले स्‍वरगदुतसबके पठाइतै।

मरकुस 13:27 Referans Kwoze

मतीके लिखल सुसमाचार 24:31

तुरहीके अबाजसङे उ आपन स्‍वरगदुतसबके पठेतै आ अकास आ पिरथिबीके चारु दिसरसे उ आपन छानल लोकसबके जमा करतै।

२ थेसलोनिकी 2:1

भाइ-भैयासब, अपनासबके परभु येसु खिरिस्‍ट फेनो एतै। हमसब एकेसाथ ओकरसङे भेटब, महज हमसब तोरासबके बिन्‍ती करैचियौ कि,

लुका 16:22

“एक दिन उ गरिब लोक मरगेलै आ ओकरा स्‍वरगदुतसब लज्‍याके अबराहमके लगमे राखल्‍कै, तब ओहो धनिक लोक मरलै आ गारलगेलै।

मरकुस 13:20

यदी परमेस्‍वर उ बिपतके दिन कम नै करने रहतियै त लोकसब कोइ नै जिबित रहतियै, महज परमेस्‍वर आपन छानल लोकसबके खातिर यि दिन कम करने छै।

मतीके लिखल सुसमाचार 13:41

तै बखत मानबके पुतर आपन दुतसबके पठेतै आ परमेस्‍वरके राजमे पापमे फसाइबला आ दुस्‍ट काम करैबलासबके निकाइलके जमा करतै,

१ पतरुस 1:2

परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।

२ तिमोथी 2:10

तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

रोमी 8:33

परमेस्‍वरके चुनल लोकसबके के दोस लगाइले सक्‍तै? कोइ नै सक्‍तै, कथिलेकी उ आपनेसे ओकरासबके आपन अगा धरमी ठहरेनेछै।

युहन्‍ना 11:52

यहुदीसबके देसके लेल मातरे नै, महज जते-तते छिरियाल परमेस्‍वरके बेटा-बेटीसबके एकसाथ जमा करैके लेल एहेन कहलगेल छेलै।

युहन्‍ना 10:16

हमर औरो भेंरासब छै जे अइ जेरके नै चियै। हमरा ओकरोसबके अइ जेरमे लाबैके जरुरी छै। उसब हमर बोली सुन्‍तै आ सब एके जेरमे हेतै आ उसबके एकेटा चरबाह हेतै।

लुका 18:7

कि परमेस्‍वरके आपन जनसब रात-दिन ओकरा पुकारतै त ओइसबके नियाइ नै करतै? कि उ आपन लोकसबके सहायता करैले देर करतै त?

मरकुस 13:22

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

मतीके लिखल सुसमाचार 24:22

यदी परमेस्‍वर उ बिपतके दिन कम नै करतै त लोकसब कोइ नै जिबित रहतै, महज परमेस्‍वर आपन छानल लोकसबके खातिर यि दिन कम कैरदेतै।

मतीके लिखल सुसमाचार 13:49

जुगके अन्‍तमे अहिनङे हेतै, स्‍वरगदुतसब आइबके परमेस्‍वरके अगा धरमी लोकसबके बिचसे दुस्‍टसबके अलग करतै।

मतीके लिखल सुसमाचार 12:42

नियाइके दिनमे दछिनसे सेबा देसके रानी खरा भ्‍याके यि पुस्‍ताके लोकसबके दोस लगाइतै। कथिलेत उ बहुत दुरसे सोलोमन रजाके ग्‍यानके बातसब सुनैले एलछेलै। महज देख, एक गोरा छै जे सोलोमन रजासे बरका छै।

मरकुस 13:28

तब येसु उसबके एकटा खिसा कहल्‍कै, “अन्‍जिरके गाछसे यि पाठ सिख, जब ओइमे लबगोजा पता एल देखके तोरासबके थाह हैछौ कि गरमिके समय नजदिक एलछै।