मरकुस 13:23 - मध्‍य पुरविया थारू

²³ तै खातिर तुसब जागल रह! यि बात हम तोरासबके पहिने कैहदेनेचियौ।”

मरकुस 13:23 Referans Kwoze

२ पतरुस 3:17

महज हे हमर पिरियसब, तुसब त यि बातसब पहिनेसे बुझलाके कारन होसियार रह। तब दुस्‍ट लोक तोरासबके अलमलमे नै परेसक्‍तौ आ तोरासबके बौकार बिस्‍बास कमजोर नै हेतौ।

युहन्‍ना 14:29

यि हैसे पहिने सब बात हम तोरासबके कैहदेने चियौ, ताकी जब यीसब हैले एतौ तब तुसब बिस्‍बास करैले सक।

लुका 21:8

येसु कहल्‍कै, “होसियार रह, तोरासबके कोइयो नै बहकाबे। ‘समय नजदिक चैल एलछै’ आ हमर नाममे बहुत लोकसब ‘हम्‍ही खिरिस्‍ट चियै’ कहतौ, महज ओकरौरके पछा तुसब नै जैहे।

मरकुस 13:5

येसु उसबके कहल्‍कै, “होसियार रह, तोरासबके कोइयो नै बहकावे!

लुका 21:34

“तुसब आपनमे होसियार रह, बेसी भोज-भतेरके पछा नै जो, मतबालीपना आ जिन्‍गीके बारेमे चिन्‍ता करैसे होसियार रह, नै त उ दिन नै सोचलहा बखतमे चैलएतौ।

मरकुस 13:33

तै खातिर होसियार भ्‍याके जालग रह आ परथना करैतरह! कथिलेत उ बखत कखनी एतौ से तुसब नै जानैचिही।

मरकुस 13:9

“आपन बारेमे तुसब होसियार रह! कथिलेत उसब तोरासबके अड्‍डा खनामे लजेतौ, यहुदी सभाघरसबमे लज्‍याके पिटतौ। हमर नामके खातिर तोरासबके सासकसब आ रजासबके अगामे हमर गबाही दैले खरा हेब्‍ही।

मतीके लिखल सुसमाचार 7:15

“झुठा अगमबक्‍तासबसे होसियार रह, जे तोरासबके बिचमे भेंराके भेसमे आबैछौ, महज भितरसे उसब भुख्‍याल नरहिया जखा हैछै।

मतीके लिखल सुसमाचार 24:25

“देख, यि बात हम तोरासबके पहिनेसे कैहदेने चियौ।

मरकुस 13:22

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

मरकुस 13:24

जब बरका महासङकटके दिनसब बितलाकेबाद सुरुज अन्‍हार हेतै आ चान आपन चमक दैले छोरतै,