मरकुस 12:6 - मध्‍य पुरविया थारू

⁶ अन्‍तमे ओकर आपन एकलौता बेटा मातरे रैहगेलै। ‘उसब त हमर बेटाके पक्‍के आदर करतै’ कैहके सबसे पछा बटिदारसबलग पठाइल्‍कै।

मरकुस 12:6 Referans Kwoze

युहन्‍ना 1:34

हम यि सब देख्‍ने चियै आ गबाही दैचियै कि, ओह्‍या परमेस्‍वरके बेटा चियै।”

मतीके लिखल सुसमाचार 3:17

तब स्‍वरगसे एहेन एकटा अबाज एलै, “यि हमर दुलरुवा बेटा चियै, अकरसे हम बहौत खुसी चियै।”

१ युहन्‍ना 4:9

परमेस्‍वर अपनासबके एहेन परेम करल्‍कै कि उ आपन एक मातरे बेटाके सन्‍सारमे पठाइल्‍कै, ताकी अपनासब ओकरसे जिबन पाबेसकी।

हिबरु 1:6

परमेस्‍वर आपन पहिन्‍का जलमल बेटाके सन्‍सारमे पठाबै बखत उ फेनसे अनङ कहल्‍कै, “परमेस्‍वरके सब स्‍वरगदुतसब ओकरे पुजे।”

युहन्‍ना 5:23

ताकि सबकोइ बेटाके आदर करे, जनङ उसब पिताके आदर करैछै। जे कोइ बेटाके आदर नै करैछै, उ लोक बेटाके पठाइबला पितोके आदर नै करैछै।

युहन्‍ना 3:35

परमेस्‍वर आपन बेटाके परेम करैछै आ सब चिज ओकरे हाथमे राइखदेनेछै।

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

लुका 9:35

तब बादलसे एकटा एहेन अबाज एलै, “यि हमर बेटा चियै, जकरा हम चुन्‍ने चियै अकर बात सुन।”

लुका 3:22

आ पबितर आत्‍मा पौरकी के रुपमे उपरसे आइबके येसुके उपर बैठलै तब स्‍वरगसे एहेन एकटा अबाज एलै, “तु हमर दुलरुवा बेटा चिही, तोहर से हम बहुत खुसी चियौ।”

मरकुस 9:7

तखुन्‍ते बादल एलै आ ओइके छाहसे उसबके झाइपदेल्‍कै आ बादलसे एकटा एहेन अबाज एलै, “यि हमर दुलरुवा बेटा चियै, अकर बचन तुसब सुन!”

मरकुस 1:11

तब स्‍वरगसे एकटा एहेन अबाज एलै, “तु हमर दुलरुवा बेटा चिही, तोहरसे हम बहौत खुसी चियौ।”

मतीके लिखल सुसमाचार 26:63

महज येसु चुपचाप रहलै। तब फेनो परधान पुजारी सबाल करल्‍कै, “तु जिबित परमेस्‍वरके किरिया ख्‍याके कह, कि तु परमेस्‍वरके बेटा खिरिस्‍ट चिही त?”

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

मतीके लिखल सुसमाचार 1:23

“देख, कुमाइर छौरीके देहभारी हेतौ आ उ एकटा बेटा जलमाइतौ आ ओकर नाम इम्‍मानुएल राखल जेतै” जकर अरथ हैछै, “परमेस्‍वर हमरासबसङे छै।”

मरकुस 12:5

तब मालिक तेसर नोकरके पठाइल्‍कै महज उसब ओकरा जानसे मारदेल्‍कै। तहिनङे बहुत नोकरसबके पठाइल्‍कै, उसब ककरो मारपिट करल्‍कै त ककरो जानसे मारदेल्‍कै।

मरकुस 12:7

महज बटिदारसब ओकरा देखैत मातर आपसमे बात करे लाग्‍लै, ‘यि त हकबला चियौ। चल, अपनासब अकरा मारदहै तब अकर सब सम्‍पती आपनौरके भ्‍याजेतौ।’

३ युहन्‍ना 1:1

हम मन्‍डलीके एल्‍डर युहन्‍नाके तरफसे, हमर पिरिय सङी गायसके यि चिठी लिखैचियै, जकरा हम साँचोके परेम करैचियै।