मरकुस 12:14 - मध्‍य पुरविया थारू

¹⁴ उसब येसु लग आइबके कहल्‍कै, “गुरु जी, हमसब जानैचियै कि, अहाँ सहि बात बोलैचियै आ ककरो पक्‍छपात नै करैचियै। अहाँ त परमेस्‍वरके सत-सत बात सिखाइचियै। आब हमरासबके कहु, हमसब कैसरके कर तिरबै से उचित छै कि नै?”

मरकुस 12:14 Referans Kwoze

१ थेसलोनिकी 2:4

महज परमेस्‍वर हमरासबके ओकर योग्‍य भेलाके कारन सुसमाचार परचार करैके जिम्‍मा देने छै। अहैलेल हमसब लोकसबके खुसी करैके लेल नै, महज मन जाचैबला परमेस्‍वरके खुसी करैके लेल हमसब सुसमाचार सुनाइचियै।

गलाती 2:6

उसब मन्‍डलीके मुख अगुवासब मानल गेलोपरभी हमर समादमे कोनो सल्‍लाह नै देल्‍कै। (उसब जतहेक बरका हेबे हमरा ओइसे कोनो फरक नै परतै, कथिलेत परमेस्‍वर ककरो मुह देखके नियाय नै करैछै)।

गलाती 1:10

कि हम लोकसबके खुसी करैले चाहैचियै या परमेस्‍वरके? कि हम लोकसबके खुसी करैले चाहैचियै? यदि हम लोकसबके खुसी करने रहतियै त हम खिरिस्‍टके सेबक नै हेतियै।

२ कोरन्‍थी 5:16

अहैलेल आबसे हमसब ककरो लोकके दिरिस्‍टीसे नै देखब। हमसब खिरिस्‍टके एक समय लोकके दिरिस्‍टीसे देखै छेलियै महज आबसे ओकरा हमसब ओनङके नै देख्‍बै।

२ कोरन्‍थी 5:11

परभुके डर कथि चियै कैहके हमरासबके थाहछै, ओहैसे हमसब लोकसबके सम्‍झाबैके कोसिस करैचियै। हमसब के चियै कैहके परमेस्‍वरके निकसे थाहछै आ हमर जिबन तोरासबके अगा खुलस्‍तछौ कैहके हम आस करैचियै।

२ कोरन्‍थी 2:17

हमसब आपन फैदाके लेल परमेस्‍वरके बचन परचार करैबला बेपारी नै चियै। महज हमसब इमान्‍दार भ्‍याके खिरिस्‍टके सेबकके रुपमे परमेस्‍वर हमरासबके देखैछै से बात जाइनके ओकर बचन परचार करैचियै।

२ कोरन्‍थी 2:2

कथिलेकी हमरा खुसी बनाइबला लोक तुहिसब चिही, हम तोरासबके चित दुखाइबौ त के हमरा खुसी बनाइतै?

युहन्‍ना 7:18

जे कोइ आपन मनसे बोलैछै, उ आपने महिमा ताकैछै, महज जे अपना पठाइबलाके आदर खोजैछै, उ सत लोक चियै आ ओइमे कोनो कपट नै रहैछै।

रोमी 13:6

ओहैसे तुसब कर तिरैचिही, कथिलेत सासकसब आपन जिम्‍मेबारी पुरा करैले परमेस्‍वरके सेबाके काममे लागल रहैछै।

लुका 23:2

उसब येसुके दोस लगाइत कहल्‍कै, “यि लोक आपनौरके रास्‍टके लोकसबके बहक्‍या रहल हमरासबके भेटलै। यि रोमी सरकारके बटी नै दहै आ उ आपनके हम खिरिस्‍ट आ रजा कहैछै।”

लुका 20:22

आब हमरासबके कहु, हमसब यहुदीके नियम अनुसार रोमी सरकार कैसरके कर तिरबै से उचित छै, कि नै?”

मरकुस 14:45

तब यहुदा येसु लग ज्‍याके कहल्‍कै, “हे गुरु जी!” आ ओकरा चुमा लेल्‍कै।

मतीके लिखल सुसमाचार 22:17

अहैले आब हमरासबके यि कहु, कि रोमी सरकारके कर तिरनाइ उचित छै कि नै?”

२ कोरन्‍थी 4:1

परमेस्‍वर दयालु भेलाके कारनसे यि सेबाके काम हमरासबके देनेछै। ओहै खातिर हमसब हरेस नै खाइचियै।

मतीके लिखल सुसमाचार 22:16

उसब आपन कुछ चेलासब आ हेरोद रजाके दलके कुछ लोकसबके येसुलग एहेन कहैले पठेल्‍कै, “हे गुरु जी, हमसब जानैचियै कि अहाँ सत चियै आ परमेस्‍वरके साँचे सत बाट देखाइचियै। लोकसब कथी कहतै तैके कोनो बास्‍ता नै राखैचियै कथिलेकी अहाँ ककरो पक्‍छपात नै करैचियै।

मरकुस 12:13

तब कुछ फरिसीसब आ हेरोद रजाके दलके लोकसब येसुके फसाइले एलै।

मरकुस 12:15

तब येसु उसबके कपटी बिचार बुइझके कहल्‍कै, “तुसब कथिले हमरा फसाइले चाहैचिही? हमरा एकटा डलर देखा।”