मरकुस 11:14 - मध्‍य पुरविया थारू

¹⁴ तब येसु ओइ गाछके कहल्‍कै, “आबसे तोहर गाछमे कहियो फल नै फरे।” ओकर कहल यि बात चेलासब सुइन लेल्‍कै।

मरकुस 11:14 Referans Kwoze

मतीके लिखल सुसमाचार 21:19

रस्‍ताके कातमे एकटा अन्‍जिरके गाछ देखल्‍कै आ उ लगमे गेलै महज ओइ गाछमे पता बाहेक औरो कुछो नै भेटलै। तब येसु उ गाछके कहल्‍कै, “आबसे तोरामे कहियो फल नै फरे।” तखुन्‍ते उ गाछ सुइखगेलै।

युहन्‍ना 15:6

यदी कोइ हमरमे नै रहतै त, उ काटल ठाइर जखा बाहर फेकल जेतै आ उ सुइख जेतै। एहेन ठारइरसबके लोकसब एक ठाममे जम्‍मा कैरके आइगमे झोइक दैछै आ उ डैहजेतै।

मतीके लिखल सुसमाचार 7:19

असल फल नै फराइबला सब गाछ काइटके आइगमे फेकल जेतै।

मतीके लिखल सुसमाचार 3:10

अखुन गाछके जैरमे कुरहाइर परे लागल छै, कथिलेत असल फल नै फरैबला सबगाछ काइटके आइगमे फेकल जेतै।

परकास 22:11

दुस्‍ट काम करैबला दुस्‍ट काम कैरतेरहे, घिनलागैबला काम करैबला घिनलागैबला काम कैरते रहे, धरमीसब धारमिक काम कैरतेरहे आ पबितर जनसब पबितर हैतरहे।”

मतीके लिखल सुसमाचार 21:44

उ पथलमे जे कोइ खस्‍तै उ चकनाचुर हेतै आ जकर उपर उ पथल खस्‍तै तकरा गुन्‍डीमिसान कैरदेतै।”

२ पतरुस 2:20

महज उसब अपनासबके परभु आ मुक्‍तीदाता येसु खिरिस्‍टके चिन्‍हके सन्‍सारके घिनलागैबला बातसबसे छुटकरा पाबलाके बाद फेनसे पापमे परैछै त ओकरासबके दसा पहिनेसे औरो बेसी खराब हैछै।

मतीके लिखल सुसमाचार 21:33

येसु फेनो उसबके कहल्‍कै, “एकटा दोसरो खिसा सुन। एकटा जमिन्‍दार लोक छेलै। उ लोक अङगुरके खेती करल्‍कै आ चारुकातसे ओकरा घेरल्‍कै। अङगुरके रस जम्‍मा करैके लेल एकटा खाइध खुइनके कोल्‍हु बनाइल्‍कै आ ओहैमे रखबारी करैके लेल एकटा मचानो बनाइल्‍कै। तब बटिदारसबके जिम्‍मा द्‍याके अपना परदेस गेलै।

मरकुस 11:13

तब दुरेसे हरियर पतासे भरल अंजिरके गाछ देखके ओइमे फल भेटतै कि कैहके उ ओते गेलै। जब उ ओते पहुचलै ओइ गाछमे पता बाहेक कुछो नै भेटलै, कथिलेत तै बखत अंजिर फरैबला समय नै भेलरहै।

मरकुस 11:15

तब उसब यरुसलेम पहुचलाके बाद येसु मन्‍दिर भितर ढुकलै, तब मन्‍दिरमे बेचैबला आ किनैबलासबके बाहर निकालल्‍कै, पैसा भजाइबलासबके टेबुलसब आ पेरबा बेचैबलासबके बैठैबला पिरहिया उल्‍टा पुल्‍टा देल्‍कै।