मरकुस 10:32 - मध्‍य पुरविया थारू

³² येसु आ ओकर चेलासब यरुसलेम दिसन ज्‍यारहल छेलै आ अगा-अगा येसु बरहैत ज्‍यारहल छेलै। चेलासब आस्‍चरजचकित रहै आ पछा-पछा आबैबलासब डराएल रहै। बारहो चेलासबके येसु फेनो अलग लज्‍याके ओकरासबके बुझादेल्‍कै जे आपन उपर हैबला घटनाके बिसयमे ओइसबके सुनाइल्‍कै।

मरकुस 10:32 Referans Kwoze

लुका 9:51

येसुके स्‍वरग दिसन जाइके दिन नजदिक आवेलाग्‍लै तब उ यरुसलेम दिसन जायैले परतै से निरनय करल्‍कै।

युहन्‍ना 11:16

तब ओकर चेलासबमेसे दिदुमस कहाइबला थोमा आपन सङी चेलासबके कहल्‍कै, “ले आब अपनासब चल आ ओकरेसङे मरब।”

युहन्‍ना 11:8

महज चेलासब येसुके कहल्‍कै, “गुरु जी, कुछदिन पहिने यहुदीसब अहाँके पथलसे मारैले ताकैतरहै, तैयो कि अहाँ फेनो ओइ ठाममे जाइके मन करैचियै?”

लुका 10:23

चेलासब दिसन येसु घुइमके रसेरसे ओकरासबके कहल्‍कै, “यि सब बात देखैबला तुसब धैनके चिही!

मरकुस 4:34

बिना खिसासे येसु ओकरासबसङे नै बोल्‍लै, महज आपन चेलासबके परोछमे सबके अरथ खोइल देल्‍कै।

मतीके लिखल सुसमाचार 13:11

उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।

मतीके लिखल सुसमाचार 11:25

ओहै बखत येसु कहल्‍कै, “हे पिता स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत यि बातसब अहाँ बातसब बुधिमान आ बिदवान सबसे घोसाइरके राखलियै, महज बच्‍चासबमे परगट करलियै।

मरकुस 1:27

देखैबला सबलोक छक परलै आ आपनेमे बात करे लाग्‍लै, “यि केहन बचन चियै? यि केहन सक्‍ती आ अधिकार चियै, भुतोसबके आग्‍या करैछै त निकैल जाइछै।”

लुका 19:28

यि सब बात कहलाके बाद येसु चेलासबके अगा अगा यरुसलेमके दिसन जाइले लाग्‍लै।