मरकुस 10:2 - मध्‍य पुरविया थारू

² तब कुछ फरिसीसब येसुके ओकरे बातमे फसाइले ताकैछेलै आ ओकरा पुछल्‍कै, “कोनो बियाह भेल लोक आपन घरबालीसे छोरपतर करनाइ उचित छै कि नै?”

मरकुस 10:2 Referans Kwoze

युहन्‍ना 8:6

महज उसब येसुके जाचैले आ दोस लगाबैले कोनो गल्‍ती भेटतै कि कैहके एहेन कहने छेलै। महज येसु निहुकके भुइयामे औङरीसे लिखैले लाग्‍लै।

मतीके लिखल सुसमाचार 23:13

“तोहे धरमगुरुसबके आ फरिसीसबके धिक्‍कार! तुसब कपटी चिही! कथिलेत तुसब स्‍वरगके राजके केबार खोलैबला कुजी त लेल्‍ही, महज नै अपने ढुकलिही नै दोसरके ढुकैले देल्‍ही।

१ कोरन्‍थी 10:9

अपनासब खिरिस्‍टके परिक्‍छा नै करैके चाही, जनङ ओइसबमेसे कतहेक गोरे करल्‍कै आ साँपसब धैरके मरलै।

युहन्‍ना 11:57

मुल पुजारीसब आ फरिसीसब येसुके पकरैले ताकैछेलै। तैल्‍याके उसब येसु कते छै थाह भेल्‍हासबके समाद आनैले आग्‍या देनेछेलै।

युहन्‍ना 11:47

तब मुल पुजारीसब आ फरिसीसब महासभाके सदससबके बोल्‍याके कहल्‍कै, “आब अपनासब कथी करबै? यि लोक त बहुतो अजगुतके कामसब कैररहलछै।

युहन्‍ना 7:48

कि कोनो सासकसब या फरिसीसब ओकर उपर बिस्‍बास करने छै से?

युहन्‍ना 7:32

जब फरिसीसब भिरमे येसुके बारेमे गुदुरफुसुर करैत सुनल्‍कै, तब मुल पुजारीसब आ फरिसीसब ओकरा पकरैले मन्‍दिरके पहरेदारसबके पठेल्‍कै।

लुका 16:14

यि बात सुइनके धनके लोभी फरिसीसब येसुके मजाक उराइल्‍कै।

लुका 11:39

महज येसु ओकरा कहल्‍कै, “तु फरिसीसब थारी आ बाटी बाहरसे त माजैचिही, महज तोरासबके भितर लोभ आ नै निक बातसे भरल रहैछौ।

लुका 7:30

महज फरिसीसब आ धरमगुरुसब युहन्‍नासे बप्‍तिस्‍मा नै लैके कारन उसब परमेस्‍वरके योजनाके इन्‍कार करल्‍कै।

लुका 6:7

येसुके दोस लगाइले ओइ जगहके यहुदी धरमगुरुसब आ फरिसीसब मौकामे रहै कि पबितर बिसरामके दिनमे येसु ओइ लोकके हाथ निक करतै से कैहके ताकैछेलै।

लुका 5:30

फरिसी आ यहुदी धरमगुरुसब आइबके येसुके चेलासबके गनगनाबे लाग्‍लै, “कथिले तुसब बटी उठाइबला आ पापीसबसङे मिलके खान-पिन करैचिही?”

मरकुस 8:15

तब येसु आपन चेलासबके चेताबनी दैत कहल्‍कै, “तुसब फरिसीसब आ हेरोदके खमिरसे होसियार रह।”

मरकुस 8:11

फरिसीसब आइबके येसुसे बहस करे लाग्‍लै। उसब येसुके जाचैले स्‍वरगसे एकटा चेन्‍हा माङल्‍कै।

मतीके लिखल सुसमाचार 22:35

ओइसबमेसे एकगोरा धरमगुरु येसुके फसाइके बिचारसे पुछल्‍कै,

मतीके लिखल सुसमाचार 19:3

तब कुछ फरिसीसब आइबके येसुके ओकरे बातमे फसाइले पुछल्‍कै, “कि कोनो लोक बिना कारन आपन घरबालीके छोरपतर देनाइ उचित छै?”

मतीके लिखल सुसमाचार 16:1

कुछ फरिसीसब आ सदुकीसब एलै आ येसुके परमेस्‍वर दिसनसे एलछै कि नै कैहके जाँच करैके लेल पुछल्‍कै, “हमरासबके स्‍वरगसे एकटा चेन्‍हा देखाबु।”

मतीके लिखल सुसमाचार 15:12

तकरबाद ओकर चेलासब लगमे आइबके कहल्‍कै, “कि अहाँके थाह भेल? अहाँके कहल बातके कारन फरिसीसब खिस्‍यालछै।”

मतीके लिखल सुसमाचार 9:34

महज फेनो फरिसीसब कहेलाग्‍लै कि “यि भुतसबके मालिकसे भुत निकालैछै।”

मरकुस 10:1

तब येसु उ ठाम छोइरके यरदन लदीके ओइपार यहुदियाके इलाकामे गेलै। बहुत लोकसबके भिर ओकरलग एलै आ उ आपन आदत अनुसार ओइसबके फेनो सिक्‍छा दैले लाग्‍लै।

मरकुस 10:3

येसु उसबके जबाफदैत कहल्‍कै, “तोरासबके मोसा कथी आग्‍या देनेछेलौ।”