मरकुस 1:5 - मध्‍य पुरविया थारू

⁵ यहुदियाके पुरे इलाका आ यरुसलेम सहरके सबलोक निकैलके युहन्‍ना लग एलै आ आपन-आपन पाप माइनके उसब यरदन लदीमे बप्‍तिस्‍मा लेल्‍कै।

मरकुस 1:5 Referans Kwoze

परेरित 19:18

बहुतो बिस्‍बास करैबलासब एलै आ खुलस्‍त रुपमे आपन-आपन करल खराब कामसब सुइकार करल्‍कै।

परेरित 2:38

पतरुस ओइसबके कहल्‍कै, “पस्‍चाताप कर आ तोरौरके पापसे छमा पाबैके खातिर येसु खिरिस्‍टके नाममे तोरौरके सबकोइ बप्‍तिस्‍मा ले, तोरासबके पबितर आत्‍माके बरदान पाबबिही।

युहन्‍ना 3:23

युहन्‍ना सेहो सालीमके कात एनोनमे बप्‍तिस्‍मा दैत रहै कथिलेकी ओते बहौत पानी छेलै। लोकसब ओते आबैछेलै आ बप्‍तिस्‍मा लैछेलै।

युहन्‍ना 1:28

यि सब बात यरदन लदीके ओहै कात बेथानिया कहैबला ठाममे भेलै, जते युहन्‍ना बप्‍तिस्‍मा दैतरहै।

मतीके लिखल सुसमाचार 4:25

तब गालिल परदेस, डेकापोलिस इलाका, यरुसलेम सहर, यहुदिया परदेस आ यरदन लदीके ओइ पारसे बहौत बरका भिर ओकर पछा लाग्‍लै।

मरकुस 1:4

तहिनङे बप्‍तिस्‍मा दैबला युहन्‍ना लोकसबके बप्‍तिस्‍मा दैत उजार जगहमे देखा परलै। उ एहेन कैहके परचार करल्‍कै, “तुसब पस्‍चाताप कर आ बप्‍तिस्‍मा ले आ परमेस्‍वर तोरासबके पाप छमा कैरदेतौ।”

मरकुस 1:6

युहन्‍ना उंटके रुइयाँसे बन्‍याल बस्‍तर पिन्‍हैछेलै आ डारमे छलाके डरकसना बान्‍हैछेलै। तब उ फैनगा आ बोनके मौध खाइछेलै।

युहन्‍ना 5:35

युहन्‍ना त बरैबला आ चम्‍कैबला चिरखा छेलै आ कुछ समयतलिक ओइके इजोतमे आनन्‍द मनाइले राजी भेल्‍ही।

याकुब 5:16

ओहैसे यदि निक हैले चाहैचियै त आपन करल पाप एक-दोसरके अगा सुइकार कर आ एक-दोसरके खातिर परथना कर। धरमी लोकके करल परथनासे परमेस्‍वर सक्‍तिसाली आ परभावकारी तबरसे काम करैछै।