मरकुस 1:1 - मध्‍य पुरविया थारू

¹ परमेस्‍वरके बेटा येसु खिरिस्‍टके सुसमाचार अनङके सुरु हैछै।

मरकुस 1:1 Referans Kwoze

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

मतीके लिखल सुसमाचार 4:3

तहै बखत सैतान ओकरलग आइबके कहल्‍कै, “साँचोके तु परमेस्‍वरके बेटा चिही त यि पथलसब रोटी भ्‍याजो कैहके आग्‍या कर।”

मतीके लिखल सुसमाचार 14:33

नाहमे रहल चेलासब ओकरा गोर लागैत कहल्‍कै, “साच्‍चे अहाँ परमेस्‍वरके बेटा चियै।”

मतीके लिखल सुसमाचार 3:17

तब स्‍वरगसे एहेन एकटा अबाज एलै, “यि हमर दुलरुवा बेटा चियै, अकरसे हम बहौत खुसी चियै।”

रोमी 8:3

बेबस्‍था जे करैले नै सक्‍लै, से परमेस्‍वर करल्‍कै, कथिलेकी अपनासबके पापी स्‍वभाबके कारनसे बेबस्‍था कमजोर भेलै। परमेस्‍वर अपनासबके पापसे छुटकरा करैके लेल आपनेसब जखा आपन बेटाके देहमे पठेल्‍कै आ उ खिरिस्‍टके देहके बलिदान कैरके अपनासबके पापके नास करल्‍कै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 6:69

अहाँ परमेस्‍वरके पठ्‍याल पबितर लोक चियै से बातमे हमसब बिस्‍बास करैचियै आ जानैचियै।”

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

युहन्‍ना 1:34

हम यि सब देख्‍ने चियै आ गबाही दैचियै कि, ओह्‍या परमेस्‍वरके बेटा चियै।”

लुका 1:35

स्‍वरगदुत ओकरा जबाफ देल्‍कै, “पबितर आत्‍मा तोहर उपरमे एतौ आ महान परमेस्‍वरके सक्‍तिके छाह तोहरमे परतौ। तैल्‍याके जल्‍मैबला बच्‍चा पबितर हेतै आ उ परमेस्‍वरके बेटा कहाइतै।

रोमी 8:32

परमेस्‍वर आपने निज बेटाके बचाके नै राखल्‍कै, महज ओकरा अपनेसबके लेल देल्‍कै त, कि उ अपनासबके जम्‍मे चिज ओकरसङे नै देतै से?

परेरित 1:22

अरथात एहेन लोक जे युहन्‍नाके बप्‍तिस्‍मासे ल्‍याके येसु स्‍वरग उठ्‍याल गेल दिनतक अपनासबसङे छेलै। उ लोक हमरासब सङे-सङे ओकर जि उठैके साक्‍छी हेबेपरतै।”

परेरित 13:24

येसु आपन सेबाके काम सुरु करैसे पैहने बप्‍तिस्‍मा दैबला युहन्‍ना एलै। उ सब इजराएलके सबलोकके आपन-आपन पाप माइनके बप्‍तिस्‍मा लेबे परतौ कैहके परचार करल्‍कै।