मतीके लिखल सुसमाचार 6:2 - मध्‍य पुरविया थारू

² “जब तुसब दान दैचिही त, आपनेसे ढोल नै पिट, जनङ कपटीसब सभाघरसब आ रस्‍तामे लोकसबसे आपन परसन्‍सा पाबैले करैछै। साँचे हम तोरासबके कहैचियौ, ओइसबके आपन इनाम भेटगेलछै।

मतीके लिखल सुसमाचार 6:2 Referans Kwoze

मतीके लिखल सुसमाचार 6:5

“जब तुसब परथना करैचिही त, तखुन कपटी जखा नै बन, कथिलेत उसब सभाघरसबमे आ रस्‍ताके कात-करौतके लोकसब देखे कैहके ठरा भ्‍याके परथना करैछै। साँचोके, हम तोरासबके कहैचियौ, उसबके आपन इनाम मिलगेलछै।

मतीके लिखल सुसमाचार 6:16

“जब तुसब उपास बैठैचिही तब कपटी जखा उदास चेहरा नै देखा। कथिलेत लोकसबके उपास बैठल देखाइले उसब आपन मुह मलिन करने रहैछै। साँचे हम तोरासबके कहैचियौ, ओकरासबके मिलैबला पुरे इनाम मिलगेलछै।

युहन्‍ना 5:41

“हम लोकसबसे परसन्‍सा नै चाहैचियै,

हिबरु 13:16

एक दोसरके भलाइ करैले आ आपनसङे भेल चिज बाटचुट करैले नै भुल, कथिलेत अहिनङे बलीसबमे परमेस्‍वर परसन्‍न हैछै।

लुका 20:46

“निक-निक धोती-कुरता पिन्‍हके अगल-बगल घुमैबलासबसे, रस्‍तामे चलै फिरै बखत अभिबादन चाहैबलासब, बैठकीमे परमुख आसन माङैबला आ भोज भातमे कमरमे बैठैबला धरमगुरुसबसे होसियार रह।

युहन्‍ना 7:18

जे कोइ आपन मनसे बोलैछै, उ आपने महिमा ताकैछै, महज जे अपना पठाइबलाके आदर खोजैछै, उ सत लोक चियै आ ओइमे कोनो कपट नै रहैछै।

१ पतरुस 4:11

जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।

एफिसी 4:28

जे चोराबैछै आबसे उ चोरी नै करे। बरु मेहनत कैरके आपने हाथसे कमाबे आ अभाबमे परलहासबके मदत करैले सके।

गलाती 2:10

उसब गरिबसबके याद कर कैहके मातरे हमरासबके समझाइल्‍कै आ हम ओहिनङे करैले चाहैछेलियै।

परेरित 10:4

करनेलियस स्‍वरगदुत दिसन डेरा-डेराके ताकल्‍कै आ कहल्‍कै, “कहु परभु” स्‍वरगदुत कहल्‍कै, “तोहर परथना आ गरिबसबके उपर देख्‍याल दयाके कामसब परमेस्‍वर देख्‍ने छौ। परमेस्‍वर तोहर सब असल कामके भेटीके रुपमे सुइकार करनेछौ।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

रोमी 12:8

जकरसङे अरति-उपदेस दैबला बरदान छै त, अरति-उपदेस दैबला काम करे, दान दैबला बरदान पाबलहासब खाचोमे परलहासबके उदार-चितसे दान देबे, अगुवाइ करैबला पुरा मन लग्‍याके अगुवाइ करे, दया करैबला खुसिसाथ लोकसबके दया करे।

परेरित 24:17

“बहुत बरिस बितलाकेबाद हम आपन जातीके भाइ-भैयारीसबके दान आ परमेस्‍वरके भेटी चरहाबैके लेल यरुसलेम एल छेलियै।

परेरित 10:31

आ कहल्‍कै, ‘करनेलियस, परमेस्‍वर तोहर परथना सुन्‍नेछौ आ तोहे गरिबसबके दान करल असल कामसब उ जानैछै।

परेरित 10:2

उ परमेस्‍वरके भक्‍त छेलै। उ आ ओकर परिबारके सब सदस परमेस्‍वरके डर मानैबला लोकसब रहै। उ गरिबसबके उदारचितसे दान करैछेलै आ परमेस्‍वरसङे लगातार परथना करैतरहै छेलै।

परेरित 9:36

योप्‍पा सहरमे एकटा तबिता नामके जनी बिस्‍बासी रहै, जकरा गिरिक भसामे “डोरकस” कहैछेलै। (जकर मतलब हरिनी चियै।) उ असल काम आ गरिबसबके दान द्‍याके हरदम सहयोग करैछेलै।

युहन्‍ना 13:29

यहुदासङे पैसाके बटुवा छेलै तैल्‍याके कोइ-कोइ सोच्‍ने छेलै कि येसु पाबैनके लेल कुछो समान चाही से किनके आन या कुछ गरिबोसबके बाइट दहै कहने हेतै।

युहन्‍ना 5:44

तुसब एक-दोसरसे आदर खोजैचिही, महज परमेस्‍वरसे ल्‍याल आदरके कोनो वस्‍ते नै करैचिही त, तुसब कनङके बिस्‍बास करे सकबिही?

लुका 6:42

आपन आँखके ढेङ नै देखैचिही त आपन भाइके कनङके कहे सकबिही, ‘ला त तोहर आँखके कुरकुट निकाइल दैचियौ।’ ऐ कपटीसब! पहिने आपन आँखके ढेङ निकाल तब दोसरके आँखके कुरकुट असलसे देखे सकबिही।”

मरकुस 12:39

या सभाघरसबमे आ भोज-भतेरमे आदरके ठामसबमे बैठैले ताकैछै।

फिलेमोन 1:7

हे हमर भाइ, तोहर परेमसे हम बहौत आनन्‍द आ सानत्‍वना पाबनेचियै, कथिलेकी तोहरसे परमेस्‍वरके जनसबके हिरदय फेनसे तजा भेल छै।

१ थेसलोनिकी 2:6

हमसब लोकसबसे आदर नै खोजलियै, नै त तोरासबसे आ नै आन गोरासे। हमसब खिरिस्‍टके परेरित भेलाके कारन तुसब हमरासबके आदर कर कैहके कहेसक्‍तीयौ।

परेरित 11:29

तब अगाबसके भबिसबानी सुइनके परभुके बिस्‍बासीसब यहुदिया इलाकामे रहैबलासबके मदत करैके खातिर उसब जतहेक सक्‍तै ततहेक भेटी पठाइले बिचार करल्‍कै।

लुका 13:15

महज परभु ओकरासबके जबाफ देल्‍कै, “ए कपटीसब, के पबितर बिसरामके दिनमे आपन गाइ या गदहाके खुट्‍टासे घुरी खोइलके पानी पिआइले नै लजाइचिही से?

लुका 12:56

ऐ कपटीसब! तुसब अकास आ धरतीके लछनसब कैह दैले सकैचिही, महज यि समयके अरथ लगाइले नै जानैचिही?

लुका 12:33

तुसब आपन धन बेचके गरिबसबके दहै। आपन खातिर कहियो नै फाटैबला बटुवा तैयार कर। तहिनङे कहियो नास नै हैबला धन स्‍वरगमे जमा कर। जते चोर नै एतौ आ नै किरो लागतौ।

लुका 11:43

“तु फरिसीसबके धिक्‍कार! कथिलेत तुसब यहुदी सभाघरसबमे आदरके ठाउ आ बजारके रस्‍ता चलैत खिना लोकसबसे गोरलगी चाहैचिही।

लुका 11:41

महज भितरोमे राखल चिजसब गरिबसबके दान दहै, तब तोरासबके खातिर सबचिज सुध हेतौ।

लुका 6:24

महज धिक्‍कार, तोहे धनिक्‍हासबके कथिलेत तोरासबके सुख-चैन मिलल छौ!

मरकुस 7:6

येसु उसबके जबाफ देल्‍कै, “ए कपटीसब, यसैया अगमबक्‍ता तोरासबके बारेमे ठिके अगमबानी करने छेलौ, ‘यि जाती हमरा आपन मुहसे मातर आदर करैछै, महज उसबके हिरदय हमरसे दुर छै।

मतीके लिखल सुसमाचार 24:51

तब मालिक ओकरा कठोर दन्‍ड देतै आ ओकरा कपटीसबके बिचमे फेक देतै, जते लोकसब कानैत रहैछै आ दात किटकिटाइत रहैछै।”

मतीके लिखल सुसमाचार 23:6

भोज-भातमे आदरके ठाम आ सभाघरसबमे परमुख आसनके ठाम बैठैले चाहैछै।

मतीके लिखल सुसमाचार 22:18

महज येसु ओइसबके दुस्‍ट बिचार थाह पाइबके कहल्‍कै, “ए कपटीसब, छल कैरके हमरा कथिले फसाइले चाहैचिही?

मतीके लिखल सुसमाचार 16:3

आ अनगुतमे अकासके लाल आ करिया बादल लागल देखके थाह हैछौ कि, ‘आइके अन्‍हर-बिहाइर एतौ।’ तुसब अकासके अबस्‍था देखके मौसम बताइले जानैचिही, महज यि समयके लछनसबके अरथ खोलैले नै जानैचिही?

मतीके लिखल सुसमाचार 15:7

हे कपटीसब! यसैया अगमबक्‍ताके कहल बातसब तोरासबमे जहिनाके तहिना मिलैछौ-

मतीके लिखल सुसमाचार 7:5

ऐ कपटीसब! पहिने आपन आँखके ढेङ निकाल तब तु आपन भाइके आँखके कुरकुट निकालैले निकसे देखे सकबिही।

मतीके लिखल सुसमाचार 5:18

कथिलेत साँचे हम तोरासबके कहैचियौ, जबतक स्‍वरग आ पिरथिबी खतम नै हेतै तबतक बेबस्‍थामे लिखल बात बिना पुरा भेने छोटसे छोट बुन्‍का ओकर एकोटा आछर तक नै बुताइतौ।

मतीके लिखल सुसमाचार 6:3

महज जब तु दान दैचिही, तोहर देहना हाथ कथी कैर-रहलछै से बमा हाथके थाह नै हेबे।

मतीके लिखल सुसमाचार 23:5

सबकाम उ सब देखाबैके लेल मातरे करैछै। उसब आपन हाथमे आ कपारमे बेबस्‍थामे लिखल बातसब जन्‍तरमे राइखके बान्‍हैछै आ आपन बस्‍तरमे लाम-लाम फुदनासब लगाके पिन्‍हैछै।

१ कोरन्‍थी 13:3

यदि हम आपन सब धन-सम्‍पैत गरिबसबके बाइट देबै आ आपन देह सेहो जराइले देबै महज हमरमे परेम नै छै त, हमरा किछो फाइदा नै हेतै।