मतीके लिखल सुसमाचार 5:9 - मध्‍य पुरविया थारू

⁹ धैनके चियै मेल-मिलाप कराइबलासब, कथिलेत उसब परमेस्‍वरके बेटा-बेटी कहाइतै।

मतीके लिखल सुसमाचार 5:9 Referans Kwoze

हिबरु 12:14

जम्‍मे लोकसबसङे मिलके सान्‍तीमे रह आ पबितर जिबन जियैके कोसिस कर, कथिलेत पबितर नै भ्‍याके कोइयो नै परमेस्‍वरके देखैले सक्‍तै।

रोमी 12:18

सकभर सबकोइसङे मिल-जुइलके रह।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

रोमी 8:14

परमेस्‍वरके आत्‍मा अनुसार चलैबलासब परमेस्‍वरके बेटा-बेटीसब चियै।

लुका 6:35

“महज आपन सतरुसबके परेम कर आ ओकरासबके भलाइ कर तब कोइ फिरता करतौ तै आसमे पैंचा नै दहै। तैसे तोरासबके इनाम बरका हेतौ तब तुसब महान परमेस्‍वरके बेटाबेटी कहाइबिही। कथिलेत उ बेगुनिया आ स्‍वारथी लोकसबके परेम करैछै।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

कलस्‍सी 3:13

तुसब एक-दोसरके सहन कर, ककरो बिरोधमे मन दुखाइबला बातसब छौ त छमा कर। जनङ तोरासबके परभु छमा करनेछौ तैहनङ तुहुसब एक-दोसरके छमा करेपरतौ।

मतीके लिखल सुसमाचार 5:48

जनङ स्‍वरगमे रहैबला तोरासबके पिता सिध छौ, तोरोसबके ओहिनङे सिध हेबे परतौ।”

२ कोरन्‍थी 5:20

ओहैसे हमसब खिरिस्‍टके राजदुतसब चियै आ परमेस्‍वर हमसबसे तोरासबके बिन्‍ती कैर रहलछौ। तुसब परमेस्‍वरसङे मेलमिलाप कर कैहके हमसब सेहो खिरिस्‍टके तरफसे तोरासबके बिन्‍ती करैचियौ।

परेरित 7:26

“बिहान के जब दुइटा इजराएली आपनेमे झगरा करैतरहै तहै बखत मोसा एलै आ ओइसबके मेलमिलाप कराइले कोसिस करैत कहल्‍कै, ‘देख, तुसब त भाइ-भैयारी चिही, तब कथिले आपनमे मारपिट करैचिही?’

मतीके लिखल सुसमाचार 5:45

तब तुसब स्‍वरगमे रहैबला पिताके धियापुता हेब्‍ही। उ दुस्‍ट आ सज्‍जन दुनुके सुरुजके इजोत दैछै, तैहनङे धरमी आ पापी दुनु उपर पानी बरसाइछै।

१ कोरन्‍थी 6:6

महज एकटा बिस्‍बासी भाइ दोसर बिस्‍बासी भाइसङे झगरा कैरके नियाइके लेल बिस्‍बास नै करैबलासबके लग ल्‍याजाइछै!

फिलिप्‍पी 4:2

हम इयोदिया आ सुन्‍तुखेके परभुमे तु दुनु दिदी-बहिन एके मनके हो कैहके बिन्‍ती करैचियौ।

लुका 20:36

उसब फेनो नै मरैछै, कथिलेत उसब स्‍वरगदुतसब सरह हैछै। उसब मरनके बाद फेनो जिलासे परमेस्‍वरके धियापुतासब हैछै।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

रोमी 8:16

हमसब परमेस्‍वरके बेटा-बेटी चियै कैहके पबितर आत्‍मा स्‍वयम आपनेसे अपनासबके आत्‍माके गबाही दैछै।

रोमी 8:19

परमेस्‍वर आपन बेटा-बेटीसबके परकट करैबला दिनके सारा सिरिस्‍टी भारी उतसुकताके साथ असियालछै।