मतीके लिखल सुसमाचार 5:12 - मध्‍य पुरविया थारू

¹² तब खुसी आ आनन्‍द मना, कथिलेत तोरासबके खातिर स्‍वरगमे बरका इनाम राखल छौ। अहिनङे तोरासबसे पहिनेके अगमबक्‍तासबके उसब सताइने रहै।

मतीके लिखल सुसमाचार 5:12 Referans Kwoze

लुका 6:23

तै बखत तुसब खुसीसे नाच, कथिलेत स्‍वरगमे तोरा बरका इनाम हेतौ। ओकरासबके पिता पुरखा पहिनेके अगमबक्‍तासबके ओहिनङे सताइने छेलै।

याकुब 1:2

हे हमर भाइ-भैयासब, तोरौरके जब कोनो किसिमके आपत-बिपत एतौ तखुन तुसब खौब आनन्‍दके बात समझ।

कलस्‍सी 3:24

कथिलेत परभुके करल परतिग्‍याके उतराधिकार तुसब इनामके रुपमे पाबबिही कैहके थाहेछौ। तुसब परभु खिरिस्‍टके सेबा कैररहल चिही।

१ पतरुस 4:13

बरु खिरिस्‍टके दुख-कस्‍टमे सहभागी हैले पाबलियै कैहके आनन्‍द मना। जब उ आपन महिमाके सङे फेनसे एतै, तै बखत तुसब औरो आनन्‍द मनाइले सके।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

रोमी 5:3

अतबेक नै, हमसब आपन दुख-कस्‍टमे सेहो आनन्‍द मनाबैचियै कथिलेत हमसब जानैचियै कि दुख-कस्‍टसे सहनसिलता उतपन कराबैछै,

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

हिबरु 11:6

बिस्‍बास बिना परमेस्‍वरके खुसी करनाइ असम्‍भवछै, कथिलेकी जे परमेस्‍वरके नजदिक आबैछै, उ परमेस्‍वर छै आ ओकरा खोजैबलासबके इनाम देतै कैहके पक्‍का बिस्‍बास करेपरतै।

१ थेसलोनिकी 2:15

उहे यहुदी लोकसब अगमबक्‍ताके आ उहेसब परभु येसु सेहो मुवेल्‍कै आ हमरोसबके सताइबला उहेसब चियै। उसब परमेस्‍वरके मन नै परैबला काम करैछै आ सारा लोकसबसे बिरोधी हैछै।

फिलिप्‍पी 2:17

यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

२ कोरन्‍थी 4:17

अपनासबके अखैन भोगल दुख पछा आबैबला बरका अनन्‍तके सुख समैझके त साँचे यि कुछो नै चियै।

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

मतीके लिखल सुसमाचार 6:16

“जब तुसब उपास बैठैचिही तब कपटी जखा उदास चेहरा नै देखा। कथिलेत लोकसबके उपास बैठल देखाइले उसब आपन मुह मलिन करने रहैछै। साँचे हम तोरासबके कहैचियौ, ओकरासबके मिलैबला पुरे इनाम मिलगेलछै।

१ कोरन्‍थी 3:8

बिया छिटैबला आ पानी पटाबैबला बराबर चियै आ परमेस्‍वर सबकोइके आपन-आपन मेहनत अनुसारके इनाम देतै।

लुका 6:35

“महज आपन सतरुसबके परेम कर आ ओकरासबके भलाइ कर तब कोइ फिरता करतौ तै आसमे पैंचा नै दहै। तैसे तोरासबके इनाम बरका हेतौ तब तुसब महान परमेस्‍वरके बेटाबेटी कहाइबिही। कथिलेत उ बेगुनिया आ स्‍वारथी लोकसबके परेम करैछै।

परेरित 16:25

महज अधा रातके पावल आ सिलास परथना करैत, भजन गाबैत परमेस्‍वरके परसन्‍सा करैतरहै, ओकरौरके परथना करैत परमेस्‍वरके भजन गाबैछेलै आ औरो जहलमे ढोकलहा कैदीसब सुनैत रहै।

लुका 13:34

“ए यरुसलेमके लोकसब! तुसब अगमबक्‍तासबके मारैचिही आ परमेस्‍वरके दुतसबके पथल बरसाचिही! जनङ मुरगा आपन बच्‍चासबके डेन तरमे घोसाइरके राखैछै, तहिना कतेक बेर हम तोहर लोकसबके भेला करैले चाहलियौ, महज तुसब नै मानलिही।

हिबरु 11:26

मिसर देसके धन-सम्‍पतीसे त बरु खिरिस्‍टके लेल निन्‍दीत हैले उ मुल्‍यबान सम्‍पती ठानल्‍कै। कथिलेकी उ आपन नजर इनाम दिसन लगाइने छेलै।

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

हिबरु 10:34

तुसब जहलमे परलहा लोकसबके दया देखाइलिही, आपन सम्‍पती लुटलगेलै तैयो खुसिसाथ सहन करलिही, कथिलेकी तुसब जानैछेल्‍ही, कि औरो उतम आ सबदिन रहैबला सम्‍पती आपनेसङे छै।

हिबरु 11:33

उसब त बिस्‍बास दुवारा राजसबके जितल्‍कै, नियायके साथ राज करल्‍कै, परमेस्‍वरके परतिग्‍या करल चिजसब पाबल्‍कै आ सिंहसबके मुह बन्‍द कैरदेल्‍कै।

याकुब 5:10

हे भाइ-भैयासब, दुख कस्‍टमे धिरज कैरके सहैबला आ परभुके नाउमे बचन बोलैबला अगमबक्‍तासबके याद कर।