मतीके लिखल सुसमाचार 5:10 - मध्‍य पुरविया थारू

¹⁰ धैनके चियै धारमिकताके खातिर सताबट भोगैबलासब, कथिलेत स्‍वरगके राज ओहिनेसबके चियै।

मतीके लिखल सुसमाचार 5:10 Referans Kwoze

याकुब 1:12

उ लोक धैनके चियै, जे आपत-बिपतमे अस्‍थिर रहैछै, कथिलेकी जाँचके सामना करलाके बाद उ जिबनके मुकुट पाबतै, जे परमेस्‍वरके परेम करैबलासबके परमेस्‍वर दैले परतिग्‍या करने छै।

२ कोरन्‍थी 4:17

अपनासबके अखैन भोगल दुख पछा आबैबला बरका अनन्‍तके सुख समैझके त साँचे यि कुछो नै चियै।

मतीके लिखल सुसमाचार 5:3

धैनके चियै आपनके आत्‍मिक रुपमे कमजोर बुझैबलासब, कथिलेत स्‍वरगके राज ओहिनेसबके चियै।

लुका 6:22

“धैन तुसब, मानबके बेटाके खातिर तोरासबके घिरना करतौ, समाजसे बहिस्‍कार करतौ, निन्‍दा करतौ आ बदनाम करतौ त तुसब धैनके हेब्‍ही।

२ तिमोथी 2:12

यदी हमसब ओकरसङे दुख भोग्‍बै त, हमरौरके ओकरेसङे राज करबै। हमसब ओकरा इन्‍कार करबै त, ओहो हमरौरके इन्‍कार करतै।

फिलिप्‍पी 1:28

तुसब बिरोध करैबलासबसे नै डरा। यि ओइसबके बिनास हेतै कैहके एकटा चेन्‍हा चियै महज तोरासबके उधार हेतौ जे उधार परमेस्‍वरसे आबैछौ।

लुका 21:12

“महज यि सबबातसब हैसे पहिने, लोकसब तोरा पकरतौ, सताइतौ, सभाघरमे लज्‍याके जिमा लग्‍यादेतौ आ पकैरके जहलमे द्‍यादेतौ। हमर नामके खातिर तोरासबके रजा आ सासकसबके अगामे ठडा करतौ।

युहन्‍ना 15:20

हम जे बातसब कहलियौ तै बातसबमे गौरसे बिचार कर कि ‘नोकर आपन मालिकसे बरका नै हैछै।’ सन्‍सारके लोकसब हमरा त सतेल्‍कै उसब तोरोसबके सताइतौ। यदी सन्‍सारके लोकसब हमर बात मान्‍तै त, तोरोसबके बात सेहो मान्‍तौ।

परकास 2:10

तोरा जे कस्‍ट परेबलाछौ ओइसे नै डरा। तोहर बिस्‍बास जाँचके लेल सैतान तोरासबमेसे कतेक लोकके जहलमे ढोकतौ। अहिनङ कैरके तोरासबके दस दिनतक कस्‍ट सहैले परतौ। तु मिरतु तक हमरमे बिस्‍बास करैले नै छोर। तब हम तोरा जिबनके मुकुट देबौ।’

२ तिमोथी 3:11

हम एन्‍टिओखिया, आइकोनियन आ लुस्‍तरा सहरमे केहन-केहन दुख भोगे परलै, से बात तु निक जखा जानैचिही। महज परभु हमरा ओइ सब आफत-बिपतसबसे बचेल्‍कै।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

मरकुस 10:30

तकरा सताबटके साथ-साथे अहै युगमे सय गुना बेसी घरदुवार, माँ-बाबु, बेटाबेटी, भाइ-बहिन आ जगहा-जमिन भेटतै। तब आबैबला युगमे अनन्‍त जिबन मिल्‍तै।

लुका 6:20

येसु आपन चेलासबके ताकल्‍कै आ कहल्‍कै, “धैन तुहे, दीन-दुखीसब कथिलेत परमेस्‍वरके राज तोरेऔरके लेल चियौ!

मतीके लिखल सुसमाचार 10:23

जब लोकसब तोरासबके एक गाममे सताइतौ तब दोसर गाममे भाइगके जो। साँचोके हम तोरासबके कहैचियौ, मानबके बेटा आबैसे पहिने तुसब इजराएलके सब गाम कोनोभी हालतमे आपन काज पुरा नै करने रहबिही।

१ युहन्‍ना 3:12

अपनासब कयिन जखा नै हेबेपरतै। उ सैतानके लोक भेलाके कारन आपन भाइ हाबिलके मारल्‍कै। उ कथिले आपने भाइके मारल्‍कै? कथिलेत ओकर कामसब दुस्‍ट छेलै। महज ओकर भाइके काम धरमी छेलै।

परेरित 8:1

ओहै दिनसे यरुसलेमके मन्‍डलीके बिस्‍बासीसबके बिरोधमे बहौत बरका सताबट सुरु भेलै आ परेरितसबके छोइरके औरोसब बिस्‍बासीसब यहुदिया आ सामरियाके इलाकामे छिरिया गेलै।

परेरित 5:40

तब महासभाके सदससब गमलिएलके सल्‍लाह मानल्‍कै। तब उसब परेरितसबके भितर बोल्‍याके मारपिट करल्‍कै आ “येसुके नाममे नै बोलिहे” कैहके आग्‍या द्‍याके ओइसबके छोइरदेल्‍कै।

मतीके लिखल सुसमाचार 19:14

महज येसु कहल्‍कै, “छोट धियापुतासबके हमरलग आबैले दहै, ओइसबके नै रोकै, कथिलेत स्‍वरगके राज अहिने लोकसबके लेल चियै।”

मरकुस 10:14

तब यि देखके येसु खिस्‍याके आपन चेलासबके हपारल्‍कै आ कहल्‍कै, “छोट बच्‍चासबके हमरलग आबैले नै रोकै, कथिलेत परमेस्‍वरके राज ओहनेसबके चियै।

लुका 22:29

जनङ हमर पिता हमरा राज करैले अधिकार देल्‍कै, तैहनङे हम्‍हु तोरौरके देबौ।

याकुब 5:11

धिरज करैबला लोक आसिस पाबैछै से बात हमसब जानैचियै। अय्‍युब धिरज राखल्‍कै आ परभु ओकरा दया आ किरपा देखाइल्‍कै से बात ओकर जिबनमे अस्‍पस्‍ट देखापरैछै।