मतीके लिखल सुसमाचार 3:7 - मध्‍य पुरविया थारू

⁷ महज फरिसीसब आ सदुकीसब मेसे बहौत गोराके बप्‍तिस्‍मा लैले आबैत देखके उ ओकरासबके कहल्‍कै, “ऐ, साँपके बच्‍चासब, परमेस्‍वरके आबैबला करोधसे भागैले तोरासबके के सिखाइल्‍कौ?

मतीके लिखल सुसमाचार 3:7 Referans Kwoze

मतीके लिखल सुसमाचार 12:34

ए बिखधर साँपके बच्‍चासब! तुसब आपने दुस्‍ट चिही त, कनङके असल बात बोले सकबिही? कथिलेत मनके भितरमे जे बात रहैछै स्‍याहा बात मुहसे निकलैछै।

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

रोमी 1:18

परमेस्‍वर स्‍वरगसे आपन करोध पाप आ दुस्‍ट काम करैबला लोकसबके उपरमे परलछै। जेसब आपन दुस्‍ट कामसे सतके दबाके राखनेछै।

मतीके लिखल सुसमाचार 23:33

“ए साँपसब, बिखधर साँपके बच्‍चासब! तुसब कनङके नरकके दन्‍डसे भागबिही?

रोमी 5:9

खिरिस्‍ट बलिदान भ्‍याके आपन लहुसे अपनासबके परमेस्‍वरके अगा धरमी ठहरेनेछै। ओहैसे खिरिस्‍ट दुवारा औरो बेसिसे अपनासबके परमेस्‍वरके करोधसे बचेतै।

मतीके लिखल सुसमाचार 22:23

मरललोकसब जिके नै उठैछै कहैबला सदुकीसब ओहै दिन येसु लग आइबके पुछल्‍कै,

मतीके लिखल सुसमाचार 16:6

तब येसु उसबके चेताबनी दैत कहल्‍कै, “होसियार, तुसब फरिसीसब आ सदुकीसबके खमिरसे बैचके रह!”

१ युहन्‍ना 3:10

परमेस्‍वरके बेटा-बेटी आ सैतानके बेटा-बेटी अहिनङके चिन्‍हैले सकैचियै कि धारमिकतामे नै चलैबला आ आपन भाइ-भैयासबके परेम नै करैबला परमेस्‍वरके बेटा-बेटी नै हैछै।

युहन्‍ना 9:40

यि बात सुइनके ओते ठार भेल्‍हा फरिसीसब कहल्‍कै, “कि हम्‍हुसब अन्‍हर चियै त?”

हिबरु 11:7

बिस्‍बास करलाके कारनसे नोआ परमेस्‍वरके चेतावनीके सुनल्‍कै। कहियो नै देखल महज पाछु आबैबला घटनाके बारेमे परमेस्‍वर ओकरा कहने छेलै। नोआ परमेस्‍वरके बात माइनके काठके एकटा बरका पानी जहाज बनेल्‍कै आ ओइमे ढुइकके आपन परिबारके बचेल्‍कै। आपन बिस्‍बास दुवारा नोआ सन्‍सार गलत छेलै कैहके देखेल्‍कै तब उ बिस्‍बास दुवारा अपना धरमी लोक ठहरलै।

परेरित 26:5

उसब हमरा बहुत पहिनेसे जानैछै आ यदी उसब चाहतै त यि बातके गबाही द्‍या सकैये कि हम आपन धरमके एकटा बहुत कटरबादी पन्‍थमे रैहके एक फरिसी जिबन बिताइने चियै।

परेरित 20:31

तै खातिर होसियार रह, कि हम तिन बरिसतक दिन-रात लोर बह्‍या-बह्‍याके लोकसबके समझाइते रहलियौ।

परेरित 15:5

महज परभुमे बिस्‍बास करैबला फरिसी दलके कुछ लोक ठार भ्‍याके कहेलाग्‍लै, “गैर-यहुदीसबके यहुदी चलन अनुसार खतना करनाइ जरुरी छै आ ओइसबके आग्‍या देल जाय कि मोसाके नियम पालन करे।”

परेरित 5:17

महासभाके परधान पुजारी आ ओकरसङे रहैबला सदुकी समुह एकदमे डाहसे परेरितसबके बिरोधमे खरा हेबे लाग्‍लै,

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

युहन्‍ना 1:24

यि पुछे आबैबला लोकसबके फरिसीसब पठाइनेरहै।

लुका 18:11

फरिसी ठार भ्‍याके परथना करल्‍कै, ‘हे परमेस्‍वर, हम अहाँके धन्‍यबाद चरहाइचियै कथिलेत हम औरो लोकसब जखा लोभी, पापी, बेबिचारी आ यि बटीयो उठाइबला जखा नै चियै।

लुका 16:14

यि बात सुइनके धनके लोभी फरिसीसब येसुके मजाक उराइल्‍कै।

लुका 7:30

महज फरिसीसब आ धरमगुरुसब युहन्‍नासे बप्‍तिस्‍मा नै लैके कारन उसब परमेस्‍वरके योजनाके इन्‍कार करल्‍कै।

मरकुस 12:18

मैरके जि उठैबला उपर बिस्‍बास नै करैबला कुछ सदुकीसब येसु लग एलै आ येसुके पुछल्‍कै,

मरकुस 12:13

तब कुछ फरिसीसब आ हेरोद रजाके दलके लोकसब येसुके फसाइले एलै।

मरकुस 8:15

तब येसु आपन चेलासबके चेताबनी दैत कहल्‍कै, “तुसब फरिसीसब आ हेरोदके खमिरसे होसियार रह।”

मतीके लिखल सुसमाचार 22:34

येसु सदुकीसबके चुप लगेल्‍कै कैहके जब फरिसीसब सुनल्‍कै, तब फरिसीसब ओकरलग जमा भेलै।

मतीके लिखल सुसमाचार 22:15

तकरबाद फरिसीसब ज्‍याके येसुके ओकरे कहल बातमे कनङके जालमे फस्‍याल जेतै कैहके एकमत भेलै।

मतीके लिखल सुसमाचार 12:24

महज यि सुइनके फरिसीसब कहल्‍कै, “यि लोक त भुतसबके रजा बालजिबुलके सक्‍तिसे भुतसब निकालैछै।”

मतीके लिखल सुसमाचार 5:20

कथिलेत हम तोरासबके कहैचियौ, तोरासबके धारमिक्‍ता धरमगुरुसब आ फरिसीसबसे बेसी नै हेतौ त तुसब कोनो भि हालतमे स्‍वरगके राजमे नै ढुकबिही।

हिबरु 6:18

परमेस्‍वरके करल परतिग्‍या आ खेल किरिया यि दुनुबात कहियो नै बदल्‍तै, कथिलेकी परमेस्‍वर झुठ नै बोलैछै। अहैलेल ओकरमे सरन लैबलासब अपनासबके अगा राखल आसा पाबैले बरका हौसला पाबनेचियै।

मतीके लिखल सुसमाचार 15:12

तकरबाद ओकर चेलासब लगमे आइबके कहल्‍कै, “कि अहाँके थाह भेल? अहाँके कहल बातके कारन फरिसीसब खिस्‍यालछै।”

मतीके लिखल सुसमाचार 16:1

कुछ फरिसीसब आ सदुकीसब एलै आ येसुके परमेस्‍वर दिसनसे एलछै कि नै कैहके जाँच करैके लेल पुछल्‍कै, “हमरासबके स्‍वरगसे एकटा चेन्‍हा देखाबु।”