मतीके लिखल सुसमाचार 2:2 - मध्‍य पुरविया थारू

² आ उसब लोकसबसे पुछल्‍कै, “यहुदीसबके रजा भ्‍याके जलमल कते छै? हमसब ओकर जलमके थाह दैबला तरा पुरुबमे उगल देखलियै आ ओकरा दरसन करैले एलचियै।”

मतीके लिखल सुसमाचार 2:2 Referans Kwoze

परकास 22:16

“हम येसु, तोरासबलग मन्‍डलीके लेल यि गबाही दैले आपन स्‍वरगदुतके पठाइने चियौ। हम्‍ही दाउद रजाके कुल, सन्‍तान आ अनगुतके चम्‍कैबला तरा चियौ।”

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

हिबरु 1:6

परमेस्‍वर आपन पहिन्‍का जलमल बेटाके सन्‍सारमे पठाबै बखत उ फेनसे अनङ कहल्‍कै, “परमेस्‍वरके सब स्‍वरगदुतसब ओकरे पुजे।”

लुका 23:38

“यि यहुदीसबके रजा चियै” से बात पाटीमे लिखल ओकर मुरीके उपरमे टाङल छेलै।

लुका 23:3

तब पिलातस ओकरा पुछल्‍कै, “कि तु यहुदीसबके रजा चिही?” येसु जबाब देल्‍कै, “से बात त अहै कहैचियै।”

युहन्‍ना 5:23

ताकि सबकोइ बेटाके आदर करे, जनङ उसब पिताके आदर करैछै। जे कोइ बेटाके आदर नै करैछै, उ लोक बेटाके पठाइबला पितोके आदर नै करैछै।

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

लुका 19:38

“परभु परमेस्‍वरके नाममे आबैबला रजा धैनके चियै। स्‍वरगमे सान्‍ती आ परमेस्‍वरके महिमा हेबे।”

लुका 2:11

आइ दाउदके सहरमे मुक्‍तीदाताके जलम भेल छै, जे खिरिस्‍ट परभु चियै।

युहन्‍ना 9:38

यि बात सुइनके उ लोक कहल्‍कै, “परभु, हम बिस्‍बास करैची!” तब ओकर टाङमे गोरलागल्‍कै।

युहन्‍ना 19:19

पिलातस एकटा दोस-पतरो लिखैले आ कुरूसमे टाङैले लगाइल्‍कै। उ दोस पतरमे एहेन लिखल छेलै, “नासरतके येसु, यहुदीसबके रजा।”

युहन्‍ना 12:13

उसब खजुरके ठाइरसब ल्‍याके एहेन कहैत ओकरा भेटैले निकल्‍लै, “होसन्‍ना! धैन इजराएलके रजा! जे परमपरभुके नाममे आबैछै!”

मतीके लिखल सुसमाचार 27:11

जब येसु बडा हाकिमके अगा ठार भेलै, तब बडा हाकिम ओकरा पुछल्‍कै, “कि तु यहुदीसबके रजा चिही?” येसु ओकरा जबाफ देल्‍कै, “अहाँ अपने कैहरहल चियै त।”

युहन्‍ना 20:28

थोमा कहल्‍कै, “हे हमर परभु, हमर परमेस्‍वर!”

मतीके लिखल सुसमाचार 21:5

“सियोनमे रहैबला लोकसबके कैहदहै, ‘देख, आब तोरासबके रजा तोरेसबके लग आइबरहल छौ, उ कोमल हिरदयके छै, उ गदहामे, गदहाके बच्‍चामे चहैरके आइबरहल छै।’”

मतीके लिखल सुसमाचार 2:3

जब हेरोद रजा यि बात सुनल्‍कै, तब उ बेचैन भेलै आ ओइसबसङे पुरे यरुसलेमो बेचैन भेलै।