मतीके लिखल सुसमाचार 2:12 - मध्‍य पुरविया थारू

¹² तब हेरोदलग घुइमके नै जो कैहके सपनामे चेताबनी पाइबके उसब दोसर रस्‍ता हैत आपन देसमे घुइमके गेलै।

मतीके लिखल सुसमाचार 2:12 Referans Kwoze

मतीके लिखल सुसमाचार 2:22

महज यहुदियामे हेरोदके बेटा अरखिलाउस, आपन बाबुके ठाममे, राज कैररहलछै से बात सुइनके उ ओने जाइले डेरेलै, तब फेनो उ सपनामे परमेस्‍वरके चेताबनी पाइबके गालिल परदेसमे गेलै।

मतीके लिखल सुसमाचार 2:19

तब हेरोद रजा मरलाके बाद, परमपरभुके एकटा स्‍वरगदुत सपनामे योसेफ लग मिसरमे देखाब देल्‍कै आ कहल्‍कै,

मतीके लिखल सुसमाचार 2:13

उ ज्‍योतिससब गेलाके बाद, परमपरभुके एकटा दुत सपनामे योसेफलग देखा परलै आ कहल्‍कै, “उठ, बालक आ ओकर माँ के ल्‍याके मिसर देसमे भाइग जो आ हम तोरा नै कहै तक ओतै रह। कथिलेत हेरोद बालकके मारैले ओकरा खोजी कैररहल छौ।”

मतीके लिखल सुसमाचार 27:19

पिलातस नियाय आसनमे बैठल छेलै, तखनिए ओकर घरबाली ओकरा एहेन कैहके खबर पठेल्‍कै, “ओइ निरदोस लोकके कुछो नै करियौ! कथिलेकी आइ रात हम सपनामे ओकरे कारन बहुत दुख काटलियै।”

मतीके लिखल सुसमाचार 1:20

महज जब योसेफ एह्‍या बातके बिचार करतै रहै, तब सपनामे परमपरभुके स्‍वरगदुत एलै आ ओकरा अनङ कहल्‍कै, “हौ दाउदके खानदानके योसेफ, तु मरियमके आपन घरबालीके रुपमे अपनाबैले नै डरा, कथिलेत जे ओकर पेटमे छौ, उ पबितर आत्‍मासे चियौ।

हिबरु 11:7

बिस्‍बास करलाके कारनसे नोआ परमेस्‍वरके चेतावनीके सुनल्‍कै। कहियो नै देखल महज पाछु आबैबला घटनाके बारेमे परमेस्‍वर ओकरा कहने छेलै। नोआ परमेस्‍वरके बात माइनके काठके एकटा बरका पानी जहाज बनेल्‍कै आ ओइमे ढुइकके आपन परिबारके बचेल्‍कै। आपन बिस्‍बास दुवारा नोआ सन्‍सार गलत छेलै कैहके देखेल्‍कै तब उ बिस्‍बास दुवारा अपना धरमी लोक ठहरलै।

परेरित 5:29

महज पतरुस आ परेरितसब जबाब देल्‍कै, “हमसब लोकसबके नै महज परमेस्‍वरके आग्‍यापालन करैये परतै।

परेरित 4:19

महज पतरुस आ युहन्‍ना ओइसबके जबाब देल्‍कै, “परमेस्‍वरके बात सुननाइ कि लोकके कहल बात सुननाइ परमेस्‍वरके नजरमे कोन उचित छै, अकर बिचार अहाँ आपने करु।

१ कोरन्‍थी 3:19

कथिलेत परमेस्‍वरके अगा सन्‍सारके बुइध त मुरुख बात चियै। जनङ पबितर धरमसास्‍तरमे लिखल छै, “उ बुधिमानसबके ओइसबके चतुराइमे पकरैछै।”

लुका 2:26

“परमपरभु खिरिस्‍टके जाबेतक नै देखबिही ताबेतक तोहे नै मरबिही” यि बात पहिने पबितर आत्‍मासे थाह भेल छेलै।

परेरित 10:22

उसब जबाब देल्‍कै, “हमरासबके कप्‍तान करनेलियस पठाइनेछै। उ धरमी आ परमेस्‍वरके डर मानैबला लोक चियै। ओकरा यहुदियो जातीसब आदर करैछै। एकटा स्‍वरगदुतसे आदेस मिलल छै जे तोरा आपने घरमे बजाके तोहरसे उपदेस सुन्‍तौ।”

हिबरु 8:5

ओइसबके करैबला काम त स्‍वरगमे भेल बातके नकल आ छाह मातरे चियै। कथिलेत मोसा पबितर पाल बनाइ बखत परमेस्‍वरसे एहेन आग्‍या पाबने छेलै, “देख, पहारमे तोरा देख्‍याल नमुना बमोजिम तु सबचिज बनाइहे।”