मतीके लिखल सुसमाचार 19:12 - मध्‍य पुरविया थारू

¹² बियाह नै करैबला बहुतो कारनसब छै, कथिलेत कोइ जलमेसे नपुन्‍सक हैछै, ककरो औरो लोक नपुन्‍सक बन्‍या दैछै आ कोइ आपने-आप स्‍वरगके राजके लेल नपुन्‍सक भ्‍याजाइछै। जेसब यि सबबातके सुइकार करे सकैछै, से कोइ सुइकार करे।”

मतीके लिखल सुसमाचार 19:12 Referans Kwoze

१ कोरन्‍थी 9:5

कि औरो परेरितसब जखा, परभुके भाइसब आ पतरुस जखा हम्‍हुसब आपन घरबाली ल्‍याके यातरा करैके अधिकार नै छै से?

१ कोरन्‍थी 9:15

महज यि हकसबमेसे हम कोनो परयोग नै करनेचियै आ तोरासबके हमरा कुछ दैले परतौ कैहके हम नै लिखने चियौ। कथिलेत हमर गर्‌ब करैबला बातसे कोइ हमरा दुर कराबैछै त बरु हमरा मरनाइ असल चियै।

मतीके लिखल सुसमाचार 19:11

तब येसु कहल्‍कै, “सबलोक यि बचन गरहन करे नै सक्‍तै, महज परमेस्‍वर कुछ लोकके मातरे यि बचन सुइकार करेसकै बला बनाइनेछै।

मतीके लिखल सुसमाचार 19:13

तब लोकसब आपन धियापुतासबके उपर हाथ राइखके परथना कैरदेबे से बिचार कैरके येसु लग आनल्‍कै। महज यि देखके चेलासब ओइसबके खिस्‍याइल्‍कै।

परकास 14:4

उसब कहियो नै जनिसबसङे देहके समबन्‍ध राखने छेलै आ आपनेके सुध राखने छेलै। थुमा जते जते जाइछेलै ओकर पछा लागैबला वहेसब छेलै। परमेस्‍वर आ थुमाके लेल पहिल्‍का फलके रुपमे लोकसबके बिचसे ओकरासबके मोल तिरके छुटाइने छेलै।