Biblia Todo Logo
Bib sou entènèt

- Piblisite -




मतीके लिखल सुसमाचार 18:3 - मध्‍य पुरविया थारू

3 “साँचोके हम तोरासबके कहैचियौ, जाबेतक तुसब मन बदैलके यि बच्‍चासबके मन जखा नै हेतौ ताबेतक स्‍वरगके राजमे कहियो नै ढुके सकबिही।

Gade chapit la Kopi




मतीके लिखल सुसमाचार 18:3
28 Referans Kwoze  

भरखरे जलमल बच्‍चासब दुधके चाहना करल जखा तुहुसब सुध आत्‍मिक बचनके लेल पियासल रह। वेहन करैत जेब्‍ही त तुसब मुक्‍तीमे बरहैत जेब्‍ही।


महज येसु कहल्‍कै, “छोट धियापुतासबके हमरलग आबैले दहै, ओइसबके नै रोकै, कथिलेत स्‍वरगके राज अहिने लोकसबके लेल चियै।”


हे हमर भाइ-भैयासब, तुसब सोच-बिचारमे बचा जखा नै महज परिपक्‍क लोक जखा बन। खराब बातमे ठिक-बेठिक छुटयाबैले नै सकैबला बचा जखा हो।


तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।


येसु निकोदेमसके कहल्‍कै, “साँचोके हम तोरासबके कहैचियौ, जाबेतक फेनोसे लोक नया कैरके जलम नै लेतै ताबे तक उ परमेस्‍वरके राज देखे नै सक्‍तै।”


“सकेत केबारसे ढुकैले आपन पुरा बल लगा। कथिलेत, हम तोरासबके कहैचियौ, बहुत लोकसब ढुकैले चाहतै, महज ढुके नै सक्‍तै।


तै खातिर तुसब पस्‍चाताप कर आ आपन मन बदल जैसे तोरासबके पाप मेटाबे आ परमपरभुसे आनन्‍दके समय आबे,


कथिलेत यि लोकसबके मन कठोर छै, ओकरसबके कान बैहर भेल छै, तब उसब आपन-आपन आँख बन कैरलेने छै! नै त उसब देखतियै, सुनतियै आ मनसे बुझतियै, तब उसब मन फिराके हमर दिसन घुइमके एतियै आ हम ओकरासबके तन्‍दरुस्‍त बनाइतियै।”


येसु फेनो कहल्‍कै, “साँचोके हम तोरासबके कहैचियौ, तुसब स्‍वरग उघरैत आ परमेस्‍वरके स्‍वरगदुतसबके मानब-बेटाके उपरमे चरहैत आ उतरैत देखबिही।”


कथिलेत हम तोरासबके कहैचियौ, तोरासबके धारमिक्‍ता धरमगुरुसब आ फरिसीसबसे बेसी नै हेतौ त तुसब कोनो भि हालतमे स्‍वरगके राजमे नै ढुकबिही।


महज तोहर बिस्‍बास नै डगमगावे कैहके हम तोहर लेल परथना करनेचियौ आ फेनो तु हमर दिसन घुइमके एलाकेबाद तोहर भाइसबके अस्‍थिर करा।”


ताकि उसब ताकैले त ताकैछै, महज नै देखैछै, सुनैले त सुनैछै, महज नै बुझैछै, नै त उसब पस्‍चाताव करतियै आ ओइसबके पाप छमा हेतियै।”


तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।


उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”


तब येसु आपन चेलासबके कहल्‍कै, “साँचेके हम तोरासबके कहैचियौ, धनिक लोकके स्‍वरगके राजमे आबैले एकदमे कठिन हैछै।


‘कथिलेत यि लोकसबके मन कठोर भ्‍यागेलछै आ ओइ लोकसबके कान बैहर भ्‍यागेल्‍छै, उसब आपन आँख मुइन लेने छै, नै त उसब आँखसे देखतियै, कानसे सुनतियै आ मनसे बुझतियै आ घुइमके हमरलग एतियै आ हम ओइसबके निक करतियै।’


“जब तुसब उपास बैठैचिही तब कपटी जखा उदास चेहरा नै देखा। कथिलेत लोकसबके उपास बैठल देखाइले उसब आपन मुह मलिन करने रहैछै। साँचे हम तोरासबके कहैचियौ, ओकरासबके मिलैबला पुरे इनाम मिलगेलछै।


“जब तुसब परथना करैचिही त, तखुन कपटी जखा नै बन, कथिलेत उसब सभाघरसबमे आ रस्‍ताके कात-करौतके लोकसब देखे कैहके ठरा भ्‍याके परथना करैछै। साँचोके, हम तोरासबके कहैचियौ, उसबके आपन इनाम मिलगेलछै।


“जब तुसब दान दैचिही त, आपनेसे ढोल नै पिट, जनङ कपटीसब सभाघरसब आ रस्‍तामे लोकसबसे आपन परसन्‍सा पाबैले करैछै। साँचे हम तोरासबके कहैचियौ, ओइसबके आपन इनाम भेटगेलछै।


कथिलेत साँचे हम तोरासबके कहैचियौ, जबतक स्‍वरग आ पिरथिबी खतम नै हेतै तबतक बेबस्‍थामे लिखल बात बिना पुरा भेने छोटसे छोट बुन्‍का ओकर एकोटा आछर तक नै बुताइतौ।


तब येसु एकटा छोट बच्‍चाके लगमे बोलाइल्‍कै आ उसबके बिचमे खरा कैरके कहल्‍कै,


जे कोइ यि छोट बच्‍चा जखा नरम स्‍वभाबके आपनेके बनाइतै त, से लोक स्‍वरगके राजमे सबसे पैध हेतै।


Swiv nou:

Piblisite


Piblisite