मतीके लिखल सुसमाचार 14:3 - मध्‍य पुरविया थारू

³ कथिलेत पैहनिए हेरोद आपन भाइ फिलिपके घरबाली हेरोदियासके रखलाके खातिर, युहन्‍नाके पकैरके जहलमे ढोइकदेने रहै।

मतीके लिखल सुसमाचार 14:3 Referans Kwoze

मरकुस 6:17

कुछ समय पहिने रजा हेरोद आपन भाइ फिलिपके घरबाली हेरोदियासके खातिर युहन्‍नाके पकैरके जहलमे राखने छेलै, कथिलेत उ हेरोदियास से बियाह करने छेलै।

मतीके लिखल सुसमाचार 4:12

जब येसु सुनल्‍कै बप्‍तिस्‍मा दैबला युहन्‍ना जहलमे ढोकल गेलछै तब येसु गालिल परदेस दिसन घुइमके चैलएलै।

मरकुस 6:22

तब उ भोजमे हेरोदियासके बेटी आइबके नाच्‍लै, जे हेरोद आ ओते एल मेजमानसबके खुसी करल्‍कै। तब रजा हेरोद ओकरा कहल्‍कै, “तोरा जे इक्‍छा लागैछौ माङ, हम तोरा दैले तयार चियौ।”

मरकुस 6:19

ओहैसे हेरोदियास ओकरसे दुस्‍मनी राखने रहै आ ओकरा मारैले ताकैछेलै महज मारैले नै सकैछेलै।

मतीके लिखल सुसमाचार 11:2

जब बप्‍तिस्‍मा दैबला युहन्‍ना जहलेमे खिरिस्‍टके कामके चरचा सुनल्‍कै, तब उ आपन चेलासबके यि बात पुछैले ओकरलग पठाइल्‍कै,

लुका 13:1

ओइ बखत कतहेक लोकसब ओइ ठाममे छेलै, जे गालिलीसबके बारेमे येसुके कहैछेलै, “पिलातस हतिया कैरके ओकरासबके लहु बैलभोगके लहुसङे मिलादेनेछेलै।”

मतीके लिखल सुसमाचार 14:6

महज जब हेरोदके जलम दिन एलै तब हेरोदियासके बेटी ओकर मेजमानसबके अगारी नाइचके हेरोदके एकदम खुस करल्‍कै।

मरकुस 6:14

रजा हेरोद येसुके बारेमे सुनल्‍कै, कथिलेत ओकर नामके चरचा चारुदिसन फैल गेलछेलै। कोइ कहैछेलै, “बप्‍तिस्‍मा दैबला युहन्‍ना फेनो मरके जिबित भेल छै, तैल्‍याके ओकरसे एहेन सक्‍तिसाली कामसब भ्‍यारहलछै।”

मरकुस 8:15

तब येसु आपन चेलासबके चेताबनी दैत कहल्‍कै, “तुसब फरिसीसब आ हेरोदके खमिरसे होसियार रह।”

लुका 3:1

रोमी महराज तिबेरियस राज करला पन्‍दरह बरिस भेल छेलै। ओइ बखत पन्‍तियस पिलातस यहुदिया इलाकाके बडा-हाकिम छेलै। हेरोद गालिल इलाकामे राज करैछेलै, ओकर भाइ फिलिप इतुरिया आ तराखोनितिस इलाकामे राज करैछेलै। अबिलेने इलाकामे लुनियास गामके लोक राज करैछेलै।

लुका 8:3

तब रजा हेरोदके मुन्‍सी खुजासके घरबाली योअन्‍ना, सुसन्‍ना आ औरो बहौतरा जनिसब आपन धन-सम्‍पतिसे येसु आ ओकर चेलासबके सेबा करैछेलै।

लुका 13:31

ओहै बखत कुछ फरिसीसब येसु लग आइबके कहल्‍कै, “अहाँ अइ ठामसे निकैलके चैलजाउ, कथिलेत हेरोद रजा अहाँके मारैले चाहैछै।”

लुका 23:7

जब येसु हेरोदके इलाकाके लोक चियै से जानल्‍कै तब पिलातस ओकरा हेरोद लग पठादेल्‍कै। तै दिन हेरोद ओहो यरुसलेमे मे रहै।

लुका 23:11

हेरोद आपन सेनासबसङे येसुके गिल्‍ला करैत ओकरा अपमान करल्‍कै। तकरबाद ओकरा रजासब जेहेन बस्‍तर लगाइछै तैहनङे बस्‍तर पिन्‍हाके पिलातसलग घुम्‍याके पठादेल्‍कै।

परेरित 4:27

“साँचोके अहाँके अभिसेक करल पबितर सेबक येसुके बिरोधमे हेरोद आ पन्‍तियस पिलातस दुनुगोरा आन जात आ इजराएलीसबसङे अहै सहरमे जमा भेलरहै।

परेरित 12:1

ओइ समयमे रजा हेरोद मन्‍डलीके कुछ बिस्‍बासीसब उपर अतियाचार करे लाग्‍लै।