मतीके लिखल सुसमाचार 10:6 - मध्‍य पुरविया थारू

⁶ बरु इजराएलके लोकसब लग जो, जे हेरयाल भेंरासब जखाछै।

मतीके लिखल सुसमाचार 10:6 Referans Kwoze

१ पतरुस 2:25

कथिलेत तुसब हर्‌याल भेंरासब जखा छेल्‍ही, महज आब त तुसब आत्‍माके चरबाहा आ रक्‍छा करैबला लग घुइमके एलचिही।

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

परेरित 3:26

तैहनङे परमेस्‍वर आपन सेबक येसुके ठार कैरके सबसे पहिने अहैसब लग पठेल्‍कै जैसे उ ओइसबके पापके रस्‍तासे घुम्‍याके आसिस देल्‍कै।”

मतीके लिखल सुसमाचार 18:10

“होसियार रह, यि छोट बच्‍चासबमेसे ककरो तुसब निच नै समझ। कथिलेत हम तोरासबके कहैचियौ, उसबके देखभाल करैबला स्‍वरगदुतसब स्‍वरगमे रहैबला हमर पिताके अगामे रहैछै।

परेरित 26:20

पहिने दमस्‍कस आ यरुसलेममे तब सारा यहुदिया परदेसमे आ आनजातसबके सेहो हम ज्‍याके परचार करलियै कि आपन-आपन पाप माइनके पस्‍चाताप कैरके परमेस्‍वरमे बिस्‍बास करु आ आपन कामसबसे हिरदय परिबरतन भेल परमान देखाबैले सिखेलियै।

परेरित 18:6

महज यि बात सुइनके उसब पावलके बिरोध आ अपमान करे लाग्‍लै, तखुन्‍ते पावल ओइसबके चेताबनीके खातिर आपन बस्‍तरसे गरदा झारैत कहल्‍कै, “यदी तोरासबमेसे कोइ नास हेब्‍ही त आपने दोसके कारन नास हेब्‍ही तकर दोसी हम नै हेबौ। आबसे हम दोसरे जातीसबके बिच सुसमाचार सुनाइले जाइचियौ।”

लुका 24:47

तब यरुसलेमसे सुरु कैरके सब जातीसबके ओकर नाममे पस्‍चाताव आ पाप छमाके परचार हैलेपरतै।

मतीके लिखल सुसमाचार 18:11

[कथिलेत मानबके बेटा हरेल्‍हासबके बचाइले एलछै।]