56 तकरबाद उसब दोसर गाम दिसन गेलै।
खराब बातसे हार नै मान महज खराब बातके भलाइसे जित।
तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”
परमेस्वर त आपन बेटाके सन्सारके दोसी ठहराबैके लेल नै महज ओकरसे सन्सारके लोकसब बचे कैहके पठेल्कै।
चोर त चोराइले, मारैले आ नास करैके लेल मातरे आबैछै। महज हम त लोक जिबन पाबे आ उ भरपुर कैरके पाबे कैहके एलियै।
कथिलेत मानबके बेटा हरेल्हाके ताकैले आ बचाइले एलछै।”
“होसियार रह, यि छोट बच्चासबमेसे ककरो तुसब निच नै समझ। कथिलेत हम तोरासबके कहैचियौ, उसबके देखभाल करैबला स्वरगदुतसब स्वरगमे रहैबला हमर पिताके अगामे रहैछै।
यि बात सत चियै आ सुइकार योग्य छै कि येसु खिरिस्ट पापीसबके बचाइके लेल अइ सन्सारमे एलै। ओइ पापीसबसे बेसी पापी हम चियै।
यदी कोइ हमर कहल बचन सुनैछै आ ओइ बचनके पालन नै करैछै तकर हम नियाय नै करबै। कथिलेकी हम सन्सारमे नियाय करैले नै एलचियै, महज सन्सारके बचाइले एलचियै।
तब येसु कहल्कै, “हे पिता, अकरासबके छमा कैरदियौ, कथिलेत यीसब कथी करैछै से नै जानैछै।” तब उसब येसुके बस्तर लैले चिठा लग्याके भाग लगाइल्कै।
महज येसु कहल्कै, “भेलै, आब अकरा छोइरदहै!” तब येसु ओइ लोकके कान छुबल्कै आ निक कैरदेल्कै।
महज हम तोरासबके कहैचियौ, दुस्ट लोकके कुछो नै कर। कोइ तोहर देहना गालमे थपराइतौ त, ओकर सामने दोसरो गाल थैप दहै।
तब येसु घुइमके ओकरासबके खिस्याइल्कै।
जब उसब रस्तामे जाइ छेलै एकटा लोक आइबके येसुके कहल्कै, “हे परभु, अहाँ जते जेबै हम्हु अहाँके पछा-पछा ज्याब।”
[कथिलेत मानबके बेटा हरेल्हासबके बचाइले एलछै।]
