लुका 9:44 - मध्‍य पुरविया थारू

⁴⁴ आब “ध्‍यानसे सुन, हम तोरासबके कथी कहैचियौ, मानबके बेटा लोकसबके हाथमे पकरल जेतौ।”

लुका 9:44 Referans Kwoze

परेरित 2:23

परमेस्‍वरके आपन निस्‍चित योजना आ ग्‍यान अनुसार पकरल गेलै। एह्‍या येसुके अधरमी लोकसबके हाथसे तुसब कुरूसमे किल्‍ला ठोइकके मारलिही।

लुका 9:22

येसु ओकरासबके कहल्‍कै, “हम मानबके बेटाके बहुत दुख काटैले परतै आ उ अगुवा, मुल पुजारीसब, धरमगुरुसबसे इन्‍कार हेतै, मारल जेतै आ तेसर दिनमे मरके जि उठतै।”

हिबरु 2:1

अहैलेल हमसब परमेस्‍वरके बारेमे जे सत बात सुनने चियै तहैमे औरो बेसीसे धियान दैलेपरतै, तब मातरे अपनासब सतके रस्‍तासे नै भटकबै।

लुका 2:19

महज मरियम सब बात बिचार कैरके मनेमे राखल्‍कै।

युहन्‍ना 19:11

येसु जबाब देल्‍कै, “यदी परमेस्‍वर अहाँके कोनो अधिकार नै देने रहतियौ त हमर उपर अहाँके कोनो अधिकार नै रहतियै। तै खातिर हमरा तोहर हाथमे सोपै बलासब औरो बेसीसे पापके भागिदार हेतै।”

युहन्‍ना 16:4

महज यि सब बातसब हम तोरासबके कैह देनेचियौ, ‘जब उ समय एतौ, तोरासबके कथी कहने रहौ से बात थाह हेतौ। पैहने हम यि बात तोरासबके नै कहलियौ, कथिलेत हम तोरेसबसङे रहियौ।’

लुका 24:44

आ कहल्‍कै, “तोरासबसङे रहैतकाल हमर बोलल्‍हा बचन एहा चियै, अरथात मोसाके बेबस्‍था, अगमबक्‍ताके किताबसब आ भजनसङगरहके किताबमे हमर बारेमे लिखलाहा सबबातसब पुरा हैए परतै।”

लुका 18:31

येसु बारहो चेलासबके कातमे लेजाके कहल्‍कै, “सुन, आब अपनासब यरुसलेम ज्‍यारहल चियै। अगमबक्‍तासब मानबके बेटाके बारेमे लिखलाहा सबबातसब ओतै पुरा हेतौ।

लुका 2:51

तकरबाद येसु, मरियम आ योसेफसङे नासरतमे गेलै आ उसबके आग्‍याकारी भ्‍याके रहलै। ओकर माँ मरियम यि सबबातसब बिचार कैरके मनमे राखैत गेलै।

लुका 1:66

यि घटनाके बात सुनैबलासब आस्‍चरज मानल्‍कै आ कहल्‍कै, “यि बालक पाछे केहन हेतै?” कथिलेत परमेस्‍वरके सक्‍ती ओकर उपर छेलै।

मरकुस 9:31

कथिलेत येसु आपन चेलासबके सिक्‍छा दैत कहल्‍कै, “मानबके बेटा लोकसबके हाथमे पकरल जेतौ, उसब ओकरा मारतौ आ तेसर दिनमे उ फेनो जिके उठतौ।”

मरकुस 8:31

तब येसु आपन चेलासबके एहेन सिक्‍छा दैले लाग्‍लै, “मानब बेटाके बहुत दुख भोगैले परतै आ उ अगुवासबसे, मुल पुजारीसबसे आ धरमगुरुसबसे इन्‍कार हेतै, मारल जेतै आ तेसर दिनमे फेनो जिके उठतै।”

मतीके लिखल सुसमाचार 26:2

“तोरासबके थाहे छौ कि आइके दुइ दिन बाद निस्‍तार पाबैन छै। ओहै समयमे हम मानबके बेटा कुरूसमे टाङैके लेल पकराएल जेबै।”

मतीके लिखल सुसमाचार 16:21

ओह्‍या दिनसे येसु आपन चेलासबके खोइलके सब बात कहैले लाग्‍लै, “हम यरुसलेम जेबै आ ओते अगुवासब, मुल पुजारीसब आ धरमगुरुसबसे बहुत दुख भोग्‍बौ, मारल जेबौ आ तेसर दिनमे फेनो मिरतुसे जिके उठबौ।”

युहन्‍ना 16:31

येसु ओइसबके जबाब देल्‍कै, “कि आब त तुसब बिस्‍बास करैचिही?