लुका 9:39 - मध्‍य पुरविया थारू

³⁹ देखु, ओकरा भुत लागत, उ अचानक चिच्‍याएत, पटकत जाबेतक लेरपोंटा नै चुबायत ताबे तक नै छोरत।

लुका 9:39 Referans Kwoze

लुका 8:29

कथिलेत येसु भुत आत्‍माके ओइ लोकसे निक्‍लैके आग्‍या देने छेलै। ओकरा बहुत बेर भुत लागल छेलै। लोकसब बहुत बेर ओकर टाङ-हाथ घुरीसे खुट्‍टामे बान्‍हैछेलै महज ओइ घुरीके तोइर दैछेलै। तब भुत आत्‍मा ओकरा उजार जगह दिसरा ल्‍याजैछेलै।

लुका 4:35

तब येसु ओकरा खिस्‍याके कहल्‍कै, “चुप हो बेसी नै बाज आ ओइ लोकसे बाहर निकैलजो!” ओइ लोकके ओहै ठाम सब लोकसबके अगामे उठासुठाके पटैकके भुत कथियो नै कैरके बाहर निकैल गेलै।

मरकुस 9:26

तब भुत आत्‍मा ओकरा थरथराबैत ओकर देसके हिलाइत ओकरासे निकैलके गेलै आ उ मरल लहास जखा भ्‍यागेलै, यि देखके बहुत लोक उ मर गेलै कि कथी कैहके कहेलाग्‍लै।

मरकुस 9:20

उसब ओकरा येसु लग आनल्‍कै। भुत आत्‍माके देख्‍ते मातर थरथराके भुइयामे खैसपरलै आ मुहसे लेरपोंटा चुबाइत छरपटाइले लाग्‍लै।

परकास 9:11

नरकके दुत ओइसबके रजा छेलै। हिबरु भसामे ओकर नाम “एबाड्‍डोन” आ गिरीक भसामे ओकर नाम “अपोल्‍लियोन” चियै। जकर अरथ “नास करैबला” चियै।

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

मरकुस 9:18

जब भुत आत्‍मा अकरा लागैछै तब ओकरा जमिनमे खस्‍या दैछै, मुहसे लेरपोंटा चुवाबैछै आ दात किटकिटाइछै आ देह ठिठैङ जाइछै। ओइ भुत आत्‍माके निकाइल दिय कैहके हम अहाँके चेलासबके बिन्‍ती करलियै महज उसब नै सकलक।”

लुका 9:38

भिरसे एकटा लोक जोरसे कहल्‍कै, “गुरु जी, हम अहाँके गोर लागैची, हमर बेटा उपर किरपा करु, कथिलेत उ हमर एकलौता बेटा चियै।

लुका 9:40

ओइ भुत आत्‍माके निकाइल दिय कैहके हम अहाँके चेलासबके बिन्‍ती करलियै महज उसब नै सकलक।”