लुका 8:3 - मध्‍य पुरविया थारू

³ तब रजा हेरोदके मुन्‍सी खुजासके घरबाली योअन्‍ना, सुसन्‍ना आ औरो बहौतरा जनिसब आपन धन-सम्‍पतिसे येसु आ ओकर चेलासबके सेबा करैछेलै।

लुका 8:3 Referans Kwoze

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

फिलिप्‍पी 4:22

सब पबितर लोक आ खास कैरके रोमी सरकारके दरबारमे भेल सबलोक तोरासबके गोरलगी पठाइनेछौ।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

मतीके लिखल सुसमाचार 26:11

कथिलेत गरिबसब सबदिन तोरेसबसङे रहतौ, महज हम त सबदिन नै रहबौ।

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

मतीके लिखल सुसमाचार 2:11

तब उसब घर भितर ढुकलै आ माँ मरियम सङे बालकके देखल्‍कै। तब ठेङहुनिया द्‍याके ओकरा गोरलागल्‍कै आ तब आपन-आपन पेटी खोइलके सोना, सुगन्‍ध दैबला धुप आ महग अतरके तेल भेटी चरहेल्‍कै।

लुका 24:10

ओइ जनिजाइतसबमे मरियम मग्‍दलिनी, योअन्‍ना आ याकुबके माँ मरियम छेलै। ओकरेसबसङे रहल औरो जनिजाइतोसब यि बात परेरितसबके कहल्‍कै।

परेरित 13:1

एन्‍टिओखिया सहरके मन्‍डलीमे अगमबक्‍तासब आ सिक्‍छा दैबला लोकसब रहै। उसब बरनाबास, करिया कहाइबला सिमियोन, कुरेनीमे रहैबला लुकियस, रजा हेरोदेसङे पालन-पोसन भेल मनेन आ साउल रहै।

मतीके लिखल सुसमाचार 14:1

ओइ बखत गालिल परदेसके सासक हेरोद येसुके करल असल कामसबके चरचा सुनल्‍कै।

मतीके लिखल सुसमाचार 14:3

कथिलेत पैहनिए हेरोद आपन भाइ फिलिपके घरबाली हेरोदियासके रखलाके खातिर, युहन्‍नाके पकैरके जहलमे ढोइकदेने रहै।

मतीके लिखल सुसमाचार 14:6

महज जब हेरोदके जलम दिन एलै तब हेरोदियासके बेटी ओकर मेजमानसबके अगारी नाइचके हेरोदके एकदम खुस करल्‍कै।

मतीके लिखल सुसमाचार 20:8

“जब साँझ परलै, तब उ मालिक आपन मुख नोकरके बोल्‍याके कहल्‍कै, ‘जनसबके बोला आ सबसे पछा आबैबलासे सुरु कैरके सबसे पहिन्‍का आबैबला तक सबके बैन द्‍यादहै।’

मतीके लिखल सुसमाचार 27:55

बहौत जनिसब सेहो ओतै छेलै, उसब दुरेमे ठार भ्‍याके यि घटनासब देखैछेलै। उसब येसुके सेबा टहल करैत गालिल परदेससे पछुवाइत एलछेलै।

युहन्‍ना 12:6

उ गरिबसबके वास्‍ता करैबला भेलासे एहेन नै कहने छेलै कथिलेकी उ चोर छेलै आ पैसाकौरीके बटुवा ओह्‍या राखैछेलै आ ओहैमेसे उ चोराइ छेलै।