लुका 8:14 - मध्‍य पुरविया थारू

¹⁴ काँटसबके बिचमे परेबला उसब चियै, जे कोइ सुनैछै महज पाछे जिबनके चिन्‍ता, धन, सुख-चैन के खातिर नै बरहे सकैछै।

लुका 8:14 Referans Kwoze

१ तिमोथी 6:17

अइ सन्‍सारमे धनिक भेल लोकसबके घमन्‍डी नै बन कैहके आग्‍या दहै। अनिस्‍चीत धन सम्‍पैतमे नै महज सब चिज परसस्‍तसे आपनसबके भोग करैले दैबला परमेस्‍वरमे भरोसा कर कैहके ओइसबके आग्‍या दहै।

मरकुस 4:19

महज दुनियाके चिन्‍ता, धनके मोह आ औरो चिजके ललसा आइबके बचनके दाइब दैछै। तहैले उसब फल नै फराबैछै।

मतीके लिखल सुसमाचार 13:22

काँटके झारमे परल बिचहन उ लोक जखा चियै, जे बचन सुनैछै, महज सन्‍सारके चिन्‍ता आ धन-सम्‍पतीके मोह-मायासे बचनके दाइब दैछै। उ बचन ओकर जिबनमे कोनो परकारके फल नै फराबैछै।

लुका 21:34

“तुसब आपनमे होसियार रह, बेसी भोज-भतेरके पछा नै जो, मतबालीपना आ जिन्‍गीके बारेमे चिन्‍ता करैसे होसियार रह, नै त उ दिन नै सोचलहा बखतमे चैलएतौ।

लुका 8:7

कोनो काँटसबके झारमे परलै, महज काँटके झारसब बैरहके बिचहनके बरहैले नै देल्‍कै।

२ तिमोथी 4:10

कथिलेत डेमास सन्‍सारके मोहमे फैसके हमरा छोइरदेल्‍कै आ थेसलोनिकेमे चैलगेलै। केरसेन्‍स गलातियामे आ तितस दलमातियामे गेलछै।

युहन्‍ना 15:6

यदी कोइ हमरमे नै रहतै त, उ काटल ठाइर जखा बाहर फेकल जेतै आ उ सुइख जेतै। एहेन ठारइरसबके लोकसब एक ठाममे जम्‍मा कैरके आइगमे झोइक दैछै आ उ डैहजेतै।

लुका 16:13

“कोनो नोकर दुइटा मालिकके सेबा-टहल नै करे सकैछै, कथिलेत उ एकटाके घिरना करैछै त, दोसरके परेम करैछै, या त उ एकटाके आदर करैछै त दोसरके तुच्‍छ ठानैछै। तुसब परमेस्‍वर आ धन दुनुके सेबा करैले नै सकबिही।”

लुका 8:13

पथलबला जमिनमे परलाहा उसब चियै, जे परमेस्‍वरके बचन सुइनके खुसिसाथ गरहन करैछै महज ओकर सिर नै हैके कारन ओकरासबके बिस्‍बास कुछ समयके लेल मातर हैछै। परिक्‍छाके बखत ओकरासबके पतन हैछै।

लुका 8:15

महज हलगर माटीमे परैबला उसब चियै, जे कोइ परमेस्‍वरके बचन सुनैछै आ आग्‍याकारी भ्‍याके मनेमे राखैछै आ दुख सहियोके बहौतरा फल फराइछै।”

हिबरु 6:1

ओहैसे खिरिस्‍टके बारेमे सुरुमे सिख्‍याल सिक्‍छासब छोइरके अपनासब परिपक सिक्‍छा दिसन बरहु। अपनासब मिरतुमे लजाइबला कामसबसे पस्‍चाताप आ परमेस्‍वरमे बिस्‍बास करैबला बात फेनसे नै कर।