लुका 7:39 - मध्‍य पुरविया थारू

³⁹ येसुके नौता दैबला फरिसी यि देखके मनेमन कहेलाग्‍लै, “अगर येसु साच्‍चेके अगमबक्‍ता चियै त छुबैबाली जनिजाइत केहन पापी चियै से जाइनजेतियै।”

लुका 7:39 Referans Kwoze

लुका 7:16

तब सबकोइ डेरागेलै आ परमेस्‍वरके परसन्‍सा करैत कहल्‍कै, “अपनासबके बिचमे एकटा बहुत बरका अगमबक्‍ता एलछै। परमेस्‍वर आपन लोकसबके बचाइले एलछै।”

लुका 15:2

तब फरिसीसब आ धरमगुरुसब गुनगुनावे लाग्‍लै “यि लोक त पापी लोकसबके स्‍वागत करैछै आ ओइसबके सङे-सङे बैठके खान-पिन करैछै।”

मरकुस 7:21

कथिलेत सब परकारके नै निक बातसब मनके भितरसे खराब बिचार, अनैतिक समबन्‍ध, चोरी, हतिया, बेबिचार

युहन्‍ना 9:24

तब यहुदीसब ओइ अन्‍हर लोकके फेनो दोसर बेर बोल्‍याके कहल्‍कै, “परमेस्‍वरके अगा सत-सत बाज, हमसब जानैचियै कि, यि लोक पापी चियै।”

युहन्‍ना 7:12

भिरके बिचमे लोकसब ओकर बारेमे गुदुरफुसुर बतियाइले लाग्‍लै। कोइ “उ निक छै” कहैछेलै त कोइ “उ त लोकसबके बहकाबै छै” कहैछेलै।

युहन्‍ना 4:19

सामरी जनी कहल्‍कै, “मालिक, अहाँ अगमबक्‍ता चियै से बात आब हम जाइनगेलियै।

लुका 18:4

कुछ दिनतक ओकर बात नै मानल्‍कै, महज उ पाछे आपन मने-मन बिचार करल्‍कै, ‘हम त परमेस्‍वरके डर नै मानैचियै आ कोनो लोकोसबके बात नै मानैचियै।

लुका 16:3

तब उ मुन्‍सी आपन मनेमन बिचार करल्‍कै, ‘आब हम कथी करबै, कथिलेत हमर मालिक हमरा मुन्‍सीके कामसे निकाले लागल छै। हर जोतैले हमरा तागत नै छै, भिख माङैले हमरा लाज हैये।

लुका 7:37

ओइ सहरमे एकटा पापी जनी छेलै। फरिसीके घरमे येसु खाइले एलछै से बात सुइनके एकटा संगमरमरके सिसीमे अतर ल्‍याके एलै।

लुका 3:8

ओइखातिर तुसब आपन पाप माइनके आ पस्‍चाताव कैरके असल बैनके देखा। ‘अपनासब अबराहमके खन्‍दानके सन्‍तान चियै’ तै खातिर दन्‍डसे भागबै कैहके नै सोच, कथिलेत परमेस्‍वर अबराहमके लेल यि पथलोसे सन्‍तान बनाइले सक्‍तौ।

लुका 12:17

तब उ आपनमे मनेमन सोचे लाग्‍लै, ‘हमरा अन राखैले कतौ जगह नै छै, आब हम कथी करबै?’

मतीके लिखल सुसमाचार 20:16

तब येसु बातके ओराइत कहल्‍कै, “अहिनङे जे पछा छै, से अगा हेतै आ जे अगा छै से पछा हेतै।”

मतीके लिखल सुसमाचार 21:11

अगा-पछा चलैबला भिरके लोकसब ओइसबके जबाफ देल्‍कै, “यि त गालिल परदेसके नासरतसे एल अगमबक्‍ता येसु चियै।”

लुका 7:38

उ पछासे आइबके येसुके टाङ लग ठार भ्‍याके काने लाग्‍लै आ आपन लोरसे टाङके भिजाबे लाग्‍लै। उ आपन केससे टाङ पोइछके चुम्‍मा लेल्‍कै आ अतर घोसे लाग्‍लै।

लुका 7:40

ओहै बखत येसु ओइ फरिसीके कहल्‍कै, “सिमोन, हमे तोरा कुछ बात कहेके छौ।” उ कहल्‍कै, “जी गुरु जी, कहु।”